Mark 15:40 - Maktub gə́ To gə Kəmee

⁴⁰ Denéje gə́ na̰je kara d’aar ŋgərəŋ d’aar d’aa loo gə́ keneŋ sɔmɔmo̰ tɔ. Mari gə́ Magdala ləm, gə Mari, ko̰ Jak gə́ ndɔḭ gə Joses ləma, gə Salome ləm tɔ lé d’aar mbuna dené mar deeje’g neelé tɔ.

Mark 15:40 ပူးပေါင်းရင်းမြစ်များ

Pakɔsje 38:11

Kaarm ɓar ɗigi-ɗigi ləm, Siŋgam teḛ wuduru rɔm’g ləma, Kəm kara ndul kɔl-kɔl ləm tɔ.

Matiyo 10:3

Pilibə deḛ gə Bartelemi ləm, Tomas deḛ gə Matiyo gə́ njetaa lar-gədɓee ləm, Jak ŋgolə Alpe, deḛ gə Tade ləma,

Matiyo 13:55

See yeḛ to ŋgolə njekḭjakag lé el wa. See Mari ɓa to gə́ kea̰je el wa. See Jak gə Jisəb gə Simo̰ gə Jude lé to gə́ ŋgakea̰je el wa.

Matiyo 27:61

Mari gə́ Magdala gə Mari gə́ raŋg lé deḛ d’isi d’orè kəm dee ta dɔɓar’g lé sḭ.

Matiyo 28:1

Ndɔ gə́ dɔtar gə́ njekorè goo ndɔ-kwa-rɔ lé loo to gḭdo-gḭdo ɓəi ndá Mari gə́ Magdala gə Mari gə́ raŋg lé d’aw mba tən dɔɓar koo.

Mark 15:47

Mari gə́ Magdala ləm, gə Mari gə́ ko̰ Joses ləm tɔ lé deḛ d’aa loo d’oo loo gə́ deḛ dubee keneŋ lé gao tɔ.

Mark 16:1

Loo gə́ ndɔ-kwa-rɔ lé dəs mba̰ ndá Mari gə́ Magdala ləm, gə Mari gə́ ko̰ Jak ləma, gə Salome ləm tɔ lé ndogo ubu gə́ ə̰də sululu d’aw mba kɔm dɔ Jeju’g.

Mark 16:9

Jeju unda loo teḛ gə ndɔ gə́ doŋgɔr gə́ orè goo ndɔ-kwa-rɔ lé ndá yeḛ teḛ dɔ Mari gə́ Magdala gə́ yeḛ tuba ndilje gə́ yèr mée’g siri kédé lé.

Lugu 19:3

nɛ yeḛ duu dɔ loo tasəra mbata boo-dəwje d’o̰ loo mbèd mbata yeḛ to dəw gə́ gwɔji ɗugusu bèe ba.

Lugu 23:49

Deḛ lai gə́ gər Jeju ləm, gə denéje gə́ d’ḭ səa Galile dan gée ləm tɔ lé d’aar ŋgərəŋ d’aar d’aa loo sɔmɔmo̰ d’oo ne loo né gə́ teḛ neelé tɔ.

1 Njé gə́ Kɔrḭtə 9:5

See j’askəm kɔr kɔnan sí gə́ dené mba karee to njekaw sə sí gə looje lai gə́ j’a kaw keneŋ to gə́ njékaḭkulaje gə́ raŋg ləm, gə ŋgako̰ Mbaidɔmbaije ləma, gə Képas ləm tɔ ra lé el wa.

Njé gə́ Galati 1:19

Nɛ ma m’oo njekaḭkula gə́ raŋg kára kara el, nɛ Jak ŋgoko̰ Mbaidɔmbaije ɓa m’ée keneŋ ya.

Maktub gə́ Jak ula ne ar ngan-Allaje 1:1

Ma Jak, kura lə Ala ləm, gə ka̰ Mbaidɔmbaije Jeju Kristi ləm tɔ, m’ula gə maktub nee m’ar gin ɓeeje lə Israɛl dɔg-gir-dee-joo gə́ sanéna̰. M’ra sí lapia!