Mark 15:26 - Maktub gə́ To gə Kəmee

²⁶ Deḛ ndaŋg maktub loo gə́ dəa’g tar pa ne ta gə́ d’ila dəa’g lé pana: Mbai lə Jibje!

Mark 15:26 ပူးပေါင်းရင်းမြစ်များ

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Pakɔsje 76:10

Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Esai 10:7

Nɛ deḛ d’wɔji meḛ dee’g togə́bè el ləm, Yee gə́ bèe ɓa gə́ takə̰ji lə dee el ləm tɔ, Deḛ d’wɔji meḛ dee’g mba tuji loo ləm, Gə mba kar ginkoji dəwje gə raŋg gə́ bula lé D’udu guduru ləm tɔ.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 2:2

Deḛ dəji pana: Mbai lə Jibje gə́ d’ojee lé see to loo gə́ ra wa. Mbata jeḛ j’oo kérèmé ləa bər ndá jeḛ n’ree mba kwá meḛ sí’g.

Matiyo 27:37

Deḛ ndaŋg ta loo gə́ dəa gə́ tar mba kɔr ne ta gə́ d’ila dəa’g tɔlee ne lé pana: Aa ooje, yeḛ gə́ neelé to Jeju, mbai lə Jibje ŋga.

Mark 15:2

Pilatə dəji Jeju pana: See i lé to gə́ mbai lə Jibje lé wa. Jeju ila dee keneŋ pana: Yee nja i pa tai gən mba̰.

Mark 15:27

Deḛ ɗar gayim-ɓogoje joo na̰’d səa tɔ, kára dɔ jikɔlee’g ləm, kára dɔ jigelee’g ləm tɔ.

Mark 15:32

Maji kar Kristi, mbai lə Israɛlje lé wa rəa kaar kag-dəs’g ɔr ti uru naŋg ɓasinè ɓa ɓó gə ar sí j’ɔm ne meḛ sí dəa’g ɓəi tɔ. Deḛ gə́ ɗar dee səa na̰’d lé deḛ tajee tɔ.

Tel tura Godndu 23:5

mbata deḛ tila kəm sí gə muru əsé mán rəbə d’ar sí loo gə́ seḭ undaje ne loo mee ɓee gə́ Ejiptə teḛje lé el ləm, mbata deḛ ra né d’oma̰ ne sə sí loo gə́ d’ar Balaam, ŋgolə Beɔr mee ɓee gə́ Petor’g dɔ naŋg ɓee gə́ Mesɔpotami gə mba karee ila ne ndɔl dɔ sí’g ləm tɔ.