Mark 15:19 - Maktub gə́ To gə Kəmee

¹⁹ Deḛ kunda dəa gə kag-kɔbə ləm, deḛ tibi yiro kəmee’g ləma, deḛ rəm gə kəji dee yəm-yəm dəb ne kəm dee naŋg nea̰’g ləm tɔ.

Mark 15:19 ပူးပေါင်းရင်းမြစ်များ

Gḭ-Néje 24:52

Loo gə́ kura lə Abrakam oo ta lə dee mba̰ ndá yeḛ unda barmba no̰ Njesigənea̰’g.

Gḭ-Néje 43:28

Deḛ d’ilá keneŋ pana: Kura ləi gə́ bɔ síje lé si gə́ majee ya ləm, yeḛ si kəmba ya ləm tɔ. Tɔɓəi deḛ d’ula dɔ dee naŋg, d’unda barmba nea̰’g.

1 Mbaije 19:18

Nɛ m’a kya̰ dəwje tɔl-dɔg-loo-siri (700) kəmba mee ɓee gə́ Israɛl, deḛ lai gə́ d’ɔs kəji dee naŋg no̰ magə-Baal’g el ləm, gə deḛ lai gə́ tɔnee gə ndo̰ dee el ləm tɔ.

Maktub gə́ wɔji dɔ Jɔb 13:9

Ɓó lé yeḛ naa meekuru lə sí ndá see a maji dɔ sí’g wa. See seḭ a suje kəmee to gə́ dəw su ne kəm maree bèe wa.

Pakɔsje 69:12

Ma m’ula kubu-kwa-ndòo rɔm’g Ndá m’tel m’to ne nékɔrsu lə dee tɔ.

Esai 45:23

Ma nja ma man rɔm gə rim ləm, Kankəmta ɓa teḛ tam’g Ɓó m’a telee ɓəd el ŋga ləm tɔ, Nana kara a rəm gə no̰ kəjee naŋg nɔm’g ləm, Dəw gə́ rara kara a kubu rəa gə rim-ma ya ləm tɔ.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Esai 52:14

To gə́ kédé yeḛ to né gə́ ar dəwje bula ɓəl ne Mbata kəmee to ndòo yaa̰ ləm, Rɔndɔḭ ləa to asəna gə ka̰ dəw el ləm tɔ lé

Misee 5:1

I Betlehem, Eprata, I to ŋgon ɓee gə́ lam ba mbuna ŋgan-ɓeeje gə́ Juda ya, Nɛ yeḛ gə́ a ko̰ dəwje ləm gə́ Israɛl lé A kḭ rɔi’g ya. Gin koji ləa to gə́ kédé par-par ləm, To gə́ mee ndəaje gə́ kédé gə́ dɔtar ləm tɔ.

Matiyo 27:30

Deḛ tibi yiro kəmee’g tiba-tiba ləm, deḛ taa kag-kɔbə gə́ jia’g lé kunda ne dəa kəw-kəw ləm tɔ.

Mark 10:34

Deḛje neelé d’a ndaji ndia kogo ne ləm, d’a tibi yiro kəmee’g ləm, d’a kundá gə ndəi-kɔb ləma, d’a tɔlee karee wəi ləm tɔ. Nɛ ndɔ gə́ njekɔm’g munda ləa lé ndá yeḛ a kunda loo teḛ dan njé gə́ d’wəi’g ya.

Mark 14:65

Njé gə́ na̰je d’un kudu tibi yiro kəmee’g ləm, deḛ ndèm kəmee gə kubu tɔsee gə ji dee dul-dul ləm tɔ pana: Gər yeḛ gə́ njekundai ar sí j’oo səi. Njéŋgəmlooje gə́ d’aa dəa lé kara kunda kwɔjee ka-ka tɔ.

Mark 15:18

Tɔɓəi deḛ d’un kudu rəa lapia pa ne pana: Lapia ɓòo, mbai lə Jibje!

Mark 15:20

Loo gə́ deḛ d’ula sul dəa’g togə́bè mba̰ ndá deḛ d’ɔr kubu gə́ boi yul gə́ ndul piro-piro lé rəa’g, rəm d’ula darɔ kubu ləa-yeḛ nja rəa’g gogo, ɓa d’ɔd ndɔree d’aw səa gə mba ɗaree ɓəi tɔ.

Mark 9:12

Yeḛ ila dee keneŋ pana: Eli a ree kédé ya ndá yeḛ a gɔl néje lai kunda dee gə lée-lée. Ŋga see gelee ban ɓa deḛ ndaŋg ta mee maktub’g d’wɔji ne dɔ Ŋgon-dəw pana: Lé riri kara néurti a rəa yaa̰ ləm, d’a kḛjee ne bəḭ-bəḭ ləm tɔ wa.

Lugu 22:63

Deḛ gə́ ŋgəm Jeju lé kogee d’ula sul dəa’g ləm, deḛ kundá ləm tɔ.

Lugu 23:11

Yen ŋga Herɔdə gə njéŋgəmlooje ləa d’ée gə́ dəw el, tɔɓəi loo gə́ d’ula sul dəa’g ləm, d’ula kubu gə́ ndoolé yḛd-yḛd rəa’g ləm tɔ ndá d’ar dee tel d’aw səa rɔ Pilatə’g.

Lugu 23:36

Njérɔje kara d’ula sul dəa’g tɔ, deḛ rəm pər gə́ rəa’g d’ula mán-nduú gə́ mas təa’g,

Njé gə́ Rɔmə 11:4

Nɛ see ta ɗi ɓa Ala ilá keneŋ wa. Ma m’aa dɔ dəwje ləm gə́ tɔl-dɔg-loo-siri lé kər-kər m’ar dəw kára kara ɔs kəjee naŋg no̰ magə Baal’g el.

Njé gə́ Pilibə 2:10

Ri Jeju lé dəwje gə́ d’isi mee dara’g ləm, gə deḛ gə́ d’isi dɔ naŋg nee ləma, gə deḛ gə́ d’isi gin naŋg’d ləm tɔ lé d’a rəm gə no̰ kəji dee naŋg nea̰’g ya.

Ǝbrəje 13:13

Ar sí n’teḛje j’awje rəa’g gir loo gə́ raga n’taaje ne rɔkul ləa j’odoje.