Mark 15:15 - Maktub gə́ To gə Kəmee

¹⁵ Pilatə ndigi kar rɔ boo-dəwje lé lel dee dəa’g ndá yeḛ ila Barabas tar ar dee, tɔɓəi yeḛ ar dee kunda Jeju gə ndəi-kɔb ɓa yeḛ wá ulá ji dee’g gə mba kar dee d’aw ɗaree.

Mark 15:15 ပူးပေါင်းရင်းမြစ်များ

Pakɔsje 129:3

Njḛ́dɔje lé sura girm bur-bur ləm, D’un ɓaije gə́ ŋgal tiriri-tiriri keneŋ ləm tɔ.

Pakɔsje 57:11

Mbata meemaji ləi aw njal teḛ mee dara’g ləm, Meenda londoŋ ləi dəs loo-kil-lə-ndi ləm tɔ.

Gosota-Kəmkàrje 29:25

Ɓəl dəwje lé to gə́ gum, Nɛ yeḛ gə́ ɔm mee jəb-jəb dɔ Njesigənea̰’g lé a si lɔm.

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Matiyo 20:19

ndá d’a kulá ji njépole-magəje’g gə mba kar dee d’ula sul dəa’g ləm, gə kundá gə ndəi-kɔb ləma, gə ɗaree kaar kag’d ləm tɔ, nɛ ndɔ gə́ njekɔm’g munda ləa ndá yeḛ a kunda loo teḛ ya.

Matiyo 27:26

Yen ŋga Pilatə ɔr Barabas ar dee ndá yeḛ ar dee d’unda Jeju gə ndəi-kɔb sab-sab, wá ulá ji dee’g mba kar dee ɗaree kaar kag’d.

Mark 10:34

Deḛje neelé d’a ndaji ndia kogo ne ləm, d’a tibi yiro kəmee’g ləm, d’a kundá gə ndəi-kɔb ləma, d’a tɔlee karee wəi ləm tɔ. Nɛ ndɔ gə́ njekɔm’g munda ləa lé ndá yeḛ a kunda loo teḛ dan njé gə́ d’wəi’g ya.

Mark 15:14

Pilatə tel dəji dee pana: Né majel gə́ yeḛ ra lé see to gə́ ɗi wa. Nɛ deḛ ra né u-u-u unda nje gə́ kédé pana: Ɗaree gə́ ɗar ya.

Lugu 18:33

Tɔɓəi loo gə́ d’a kundá gə ndəi-kɔb mba̰ ndá d’a tɔlee ya tɔ, nɛ ndɔ gə́ njekɔm’g munda ləa ndá yeḛ a kunda loo teḛ loo-yoo’g.

Lugu 23:16

Togə́bè ndá m’a kar dee kundá gə ndəi-kɔb ɓa m’a kundá kilá tar ɓəi.

Tagə́maji gə́ Ja̰ ndang 19:1

Yen ŋga Pilatə un ndia ar dee kundá Jeju gə ndəi sab-sab.

Tagə́maji gə́ Ja̰ ndang 19:16

Yen ŋga yeḛ ula Jeju ji dee’g gə mba kar dee d’aw ɗaree. Deḛ d’uba Jeju d’wá ndɔree d’aw səa.

Néra Njékaḭkulaje 24:27

Loo gə́ ləb joo dəs ndá d’ar Porsius Pestus taa tor Pelis. Pelis ya̰ Pool daŋgai’g gə mba karee lel Jibje.

Néra Njékaḭkulaje 25:9

Pestus ndigi ra né gə́ a lel kəm Jibje ndá yeḛ dəji Pool pana: See i ndigi kaw Jerusalem mba kar dee gaŋg rəwta néje neelé dɔi’g nɔm’g keneŋ wa.

Njé gə́ Galati 1:19

Nɛ ma m’oo njekaḭkula gə́ raŋg kára kara el, nɛ Jak ŋgoko̰ Mbaidɔmbaije ɓa m’ée keneŋ ya.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.