Mark 15:14 - Maktub gə́ To gə Kəmee

¹⁴ Pilatə tel dəji dee pana: Né majel gə́ yeḛ ra lé see to gə́ ɗi wa. Nɛ deḛ ra né u-u-u unda nje gə́ kédé pana: Ɗaree gə́ ɗar ya.

Mark 15:14 ပူးပေါင်းရင်းမြစ်များ

Pakɔsje 69:4

Ma lé m’no̰ m’sané siŋgam ləm, Rəw gwɔsm gə́ kəi tudu kurum-kurum ləma, Kəm kara tel ndul kɔl-kɔl ləm tɔ Loo gə́ m’aa ne loo gə́ par gə́ rɔ Ala’g lé ləm lé.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Esai 53:9

Deḛ d’ar dɔɓaree to mbuna njémeeyèrje’g ləm, Ninee to ne mbuna baoje’g ləm tɔ, Lé bèe kara yeḛ lé ra né gə́ kədərə Gə dəw kára kara el ləm, Ta sukəmloo kara Dəw oo təa’g el ləm tɔ.

Matiyo 27:19

Loo gə́ Pilatə si dɔ kalimbai gaŋg-rəwta’g ɓəi ndá dené ləa ula-kula ar dee d’ulá pana: Maji kari ar ta oso dɔ sí-seḭ gə njemeekarabasur’g neelé el, mbata ɓogənè lé ni gə́ kurai ya m’ni dəa’g.

Matiyo 27:4

ula dee pana: Ma lé m’ra kaiya, ma m’ila ne məs njemeekarabasur naŋg. Deḛ tel d’ilá keneŋ pana: See ta ri lə síjeḛ ɓəi ɓa to keneŋ wa. To ta ləi i nja ŋga.

Matiyo 27:54

Ɓé-njérɔje gə deḛ gə́ d’aar səa mba ŋgəm ta Jeju lé loo gə́ deḛ d’oo naŋg gə́ yə ləm, gə néje lai gə́ teḛ togə́bè ləm tɔ ndá ɓəl unda dee badə gaŋg dee ar dee d’ula na̰ pana: Tɔgərɔ, dəw neelé to Ŋgon-Ala lé ya.

Mark 15:13

Deḛ ra né u-u-u pana: Ɗaree gə́ ɗar ya.

Mark 15:15

Pilatə ndigi kar rɔ boo-dəwje lé lel dee dəa’g ndá yeḛ ila Barabas tar ar dee, tɔɓəi yeḛ ar dee kunda Jeju gə ndəi-kɔb ɓa yeḛ wá ulá ji dee’g gə mba kar dee d’aw ɗaree.

Lugu 23:21

Nɛ deḛ ra né u-u-u pana: Ɗaree kaar kag’d gə́ ɗar ya, ɗaree kaar kag’d gə́ ɗar ya.

Lugu 23:4

Pilatə ula mbai dɔ njékinjanéməsje-je gə boo-dəwje lé pana: Ma m’oo ta kára kara gə́ wa dɔ dəw neelé el.

Lugu 23:41

Jeḛ səi lé ta gə́ deḛ gaŋg dɔ sí’g lé deḛ gaŋg lée’g ya mbata néra sí ɓa gaŋgta ɔm dɔ sí’g ya, nɛ yeḛ neelé ra né gə́ majel kára kara el.

Lugu 23:47

Loo gə́ ɓé-njérɔje oo né gə́ teḛ togə́bè lé ndá yeḛ pidi Ala pana: Tɔgərɔ ya, dəw neelé to gə́ njemeekarabasur ya.

Tagə́maji gə́ Ja̰ ndang 18:38

Pilatə tel dəjee pana: See kankəmta ɓa to gə́ ta ɗi wa. Loo gə́ yeḛ pa togə́bè mba̰ ndá yeḛ unda loo teḛ tel aw rɔ Jibje’g ula dee pana: Ma m’oo ta kára kara gə́ wa dəa el.

Tagə́maji gə́ Ja̰ ndang 19:6

Loo gə́ mbai dɔ njékinjanéməsje-je gə njékaa dɔ looje d’aa loo ɓèd d’ée ndá deḛ ra né u-u-u pana: Ɗaree kaar kag’d gə́ ɗar ya. Ɗaree kaar kag’d gə́ ɗar ya. Pilatə tel ula dee pana: Seḭ nja teaaje aw ɗareeje, mbata ma lé m’oo ta kára kara gə́ wa dəa lé el.

Néra Njékaḭkulaje 13:28

Deḛ d’iŋga ta kára kara dəa’g gə́ as yée el, nɛ lé bèe kara deḛ dəji Pilatə gə mba karee udu ya.

Néra Njékaḭkulaje 19:34

Nɛ loo gə́ deḛ d’ée to gə́ yeḛ to gə́ Jib ndá deḛ d’unda ndu dee na̰’d bɔrɔm ra ne né u-u-u d’ar kuree əw as kàr joo pana: Dianə lə njé gə́ Epesə lé to gə́ boo yaa̰!

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

1 Piɛrə 1:19

Nɛ məs Kristi gə́ gadee dum ndogo ɓa yeḛ uga sí ne. Kristi lé to asəna gə ŋgon badə gə́ rəa mina̰ el ləm, rəa ila ɓal el ləm tɔ,