Mark 14:72 - Maktub gə́ To gə Kəmee

⁷² Léegəneeya kona no̰ wəl ɔm gə́ gɔl joo ndá mee Piɛrə olé teḛ dɔ ta gə́ Jeju ulá kédé’g pana: Kona a na̰ ndia joo el nja ndá i a maḭ dɔ rɔi dɔm’g gɔl munda. Loo gə́ yeḛ si ə̰ji taree bèe-bèe ndá no̰ wá jiim.

Mark 14:72 ပူးပေါင်းရင်းမြစ်များ

2 Samel 24:10

Gée gə́ gogo goo tura gə́ Dabid ar dee tura bula lə koso-dəwje lé ndá kaaree ɓar ɗigi-ɗigi. Bèe ɓa yeḛ ula Njesigənea̰ pana: Ma m’ra kaiya gə́ boo loo gə́ m’ra né neelé. Ǝi Njesigənea̰, ɓasinè ar məəi oso lemsé dɔ néra kori-kori’g lə kura ləi mbata né gə́ m’ra lé to némbə ya.

Ejekel 16:63

gə mba kar məəi olé ne dɔ ndɔje gə́ dəs’g ɓó gə kar rɔkul wa ne kəmi ləm, gə mba kari oo loo teḛ tai ja̰ pata el ŋga ləm tɔ gə mba kar kəm sɔḭ wa kəmi loo gə́ n’a kar mee neḛ oso lemsé dɔ néje lai gə́ i ra lé, Mbaidɔmbaije gə́ Njesigənea̰ ɓa pa bèe.

Ejekel 36:31

Yen ɓa meḛ sí a kolé ne dɔ panjaa sí’g gə néra síje gə́ majel’g. Seḭ a kooje rɔ sí gə́ né gə́ to kḛji kəm sí’g gə mbata néra síje gə́ kori-kori ləm, gə néra síje gə́ mina̰ jɔmri-jɔmri lé ləm tɔ.

Ejekel 7:16

Njékaḭ taa ne rɔ deeje, deḛ d’isi dɔ mbalje’g asəna gə dərndaje gə́ d’isi kəm wəl-looje’g bèe. Deḛ lai no̰ tuma̰ ŋgururu-ŋgururu, ar nana kara no̰ mbata néra kori-kori ləa-ləa.

Matiyo 26:34

Jeju tel ilá keneŋ pana: Ma m’ulai təsərə, mee til’g neelé ya, i a maḭ dɔ rɔi dɔm’g gɔl munda ɓa kona a no̰ ɓəi.

Mark 14:30

Yen ɓa Jeju tel ilá keneŋ pana: Ma m’ulai təsərə, mee til’g neelé ya kona a no̰ ndia joo el ŋga ndá i a maḭ dɔ rɔi dɔm’g gɔl munda.

Mark 14:68

Yeḛ maḭ dɔ rəa’g pana: Ta gə́ i pa neelé ma m’gər gelee el. Tɔɓəi yeḛ uba naŋg ḭ mba kaw loo-Kandə-tarəw’g lé ndá kona no̰ wəl.

Mark 14:71

Yen ŋga yeḛ un kudu ndo̰ naji ubu ne rəa ula dee ne pana: Dəw gə́ seḭ paje ta ləa neelé ma m’gəree godo.

Lugu 22:60

Piɛrə tel ilá keneŋ pana: Diŋgam, tapai lé ma m’gər kila el nja saar.

Lugu 22:62

Togə́bè yeḛ unda loo teḛ raga no̰ ɓugudu-ɓugudu.

2 Njé gə́ Kɔrḭtə 7:10

Tɔgərɔ ya, nékəmndoo gə́ Ala nja wɔji ɓa ar dəw wa ne ndòo rəa dɔ kaiya’g ləa mba teḛ ne rəw-kaji’g, ɓó a tel kɔm rəd gogo el. Nɛ nékəmndoo gə́ ka̰ naŋg nee ɓa oji yoo.