Mark 14:68 - Maktub gə́ To gə Kəmee

⁶⁸ Yeḛ maḭ dɔ rəa’g pana: Ta gə́ i pa neelé ma m’gər gelee el. Tɔɓəi yeḛ uba naŋg ḭ mba kaw loo-Kandə-tarəw’g lé ndá kona no̰ wəl.

Mark 14:68 ပူးပေါင်းရင်းမြစ်များ

Mark 14:54

Piɛrə dan gée jan-jan saar uru səa gadloo’g lə ŋgɔ-njekinjanéməs. Yeḛ si gə kuraje ta pər’d si ndibi pər.

Mark 14:69

Ŋgonjelookisi gə́ dené lé loo gə́ yeḛ aa loo ée tɔɓəi ndá ula deḛ gə́ d’aar keneŋ lé tɔɓəi pana: Yeḛ gə́ aa’n lé to dəw lə dəwje neelé ya tɔ. Piɛrə lé tel maḭ dɔ rəa’g nja tɔɓəi.

Mark 14:70

Waga ndá deḛ gə́ d’aar keneŋ lé tel d’ula Piɛrə pana: Tɔgərɔ, i lé to gə́ ka̰ dee-deḛ ya mbata i to gə́ dəw gə́ Galile.

Mark 14:72

Léegəneeya kona no̰ wəl ɔm gə́ gɔl joo ndá mee Piɛrə olé teḛ dɔ ta gə́ Jeju ulá kédé’g pana: Kona a na̰ ndia joo el nja ndá i a maḭ dɔ rɔi dɔm’g gɔl munda. Loo gə́ yeḛ si ə̰ji taree bèe-bèe ndá no̰ wá jiim.