Mark 14:65 - Maktub gə́ To gə Kəmee

⁶⁵ Njé gə́ na̰je d’un kudu tibi yiro kəmee’g ləm, deḛ ndèm kəmee gə kubu tɔsee gə ji dee dul-dul ləm tɔ pana: Gər yeḛ gə́ njekundai ar sí j’oo səi. Njéŋgəmlooje gə́ d’aa dəa lé kara kunda kwɔjee ka-ka tɔ.

Mark 14:65 ပူးပေါင်းရင်းမြစ်များ

2 Sôrta Gḭka Israɛlje 18:23

Yen ŋga Sedesias, ŋgolə Kenaana rəm pər gə́ rɔ Mise’g unda kwɔjee dəjee pana: See rəw gə́ ra ɓa ndil Njesigənea̰ unda ne loo məəm’g teḛ ulai ta wa.

Este 7:8

Loo gə́ mbai ḭ gadloo’g tel ree mee ŋgon kəi muru-gad’g ndá yeḛ oo to gə́ Aman ḭ gə tɔgee aw oso rəb mbɔr tira gə́ Este si keneŋ ndá yeḛ dəjee pana: See i ndigi kur dɔ dené lə mbai’g kəm’g mee kəi’g ləm nee ya tɔɓəi wa. Loo gə́ ta nee nai gə́ ta mbai’g ya ɓəi ndá deḛ d’ila kubu d’o̰ ne kəm Aman mba̰.

Maktub gə́ wɔji dɔ Jɔb 30:10

Deḛ d’oom gə́ né gə́ to kḛji ləm, Deḛ tel gir dee d’ila d’am ləma, Deḛ tibi yiro kəm’g ləm tɔ.

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Esai 52:14

To gə́ kédé yeḛ to né gə́ ar dəwje bula ɓəl ne Mbata kəmee to ndòo yaa̰ ləm, Rɔndɔḭ ləa to asəna gə ka̰ dəw el ləm tɔ lé

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Misee 5:1

I Betlehem, Eprata, I to ŋgon ɓee gə́ lam ba mbuna ŋgan-ɓeeje gə́ Juda ya, Nɛ yeḛ gə́ a ko̰ dəwje ləm gə́ Israɛl lé A kḭ rɔi’g ya. Gin koji ləa to gə́ kédé par-par ləm, To gə́ mee ndəaje gə́ kédé gə́ dɔtar ləm tɔ.

Bula lə Israɛlje 12:14

Njesigənea̰ ula Moyis pana: Ɓó lé bɔbeeje tibi yiro kəmee’g ndá see yeḛ a to nérɔkul as ndəa siri el wa. Maji kar dee d’udee kəi as ndəa siri gir loo-si dee gə́ raga, ndá gée gə́ gogo ɓa d’a kwá gə́ rɔ dee’g ɓəi.

Matiyo 27:30

Deḛ tibi yiro kəmee’g tiba-tiba ləm, deḛ taa kag-kɔbə gə́ jia’g lé kunda ne dəa kəw-kəw ləm tɔ.

Mark 10:34

Deḛje neelé d’a ndaji ndia kogo ne ləm, d’a tibi yiro kəmee’g ləm, d’a kundá gə ndəi-kɔb ləma, d’a tɔlee karee wəi ləm tɔ. Nɛ ndɔ gə́ njekɔm’g munda ləa lé ndá yeḛ a kunda loo teḛ dan njé gə́ d’wəi’g ya.

Mark 15:19

Deḛ kunda dəa gə kag-kɔbə ləm, deḛ tibi yiro kəmee’g ləma, deḛ rəm gə kəji dee yəm-yəm dəb ne kəm dee naŋg nea̰’g ləm tɔ.

Tagə́maji gə́ Ja̰ ndang 18:22

Loo gə́ Jeju ilá keneŋ togə́bè lé ndá njekaa dɔ loo kára gə́ aar keneŋ lé unda təa gə jia pai pana: See i ndigi ta ŋgɔ-njekinjanéməs’g lé togə́bè wa.

Tagə́maji gə́ Ja̰ ndang 19:3

Tɔɓəi deḛ rəm pər gə́ rəa’g d’ulá pana: Lapia boo, mbai lə Jibje. Ndá deḛ d’ɔd d’undá gə ji dee paḭ-paḭ.

Néra Njékaḭkulaje 23:2

Ananias, ŋgɔ-njekinjanéməs lé un ndia ar deḛ gə́ d’isi mbɔree’g dəb lé gə mba kar dee d’unda təa.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.