Mark 14:61 - Maktub gə́ To gə Kəmee

⁶¹ Jeju ila təa maree’g ndaŋg si, ar təa teḛ ja̰ el. Ŋgɔ-njekinjanéməs tel dəjee tɔɓəi pana: See i to Kristi, Ŋgon-Ala gə́ kəm pidee lé wa.

Mark 14:61 ပူးပေါင်းရင်းမြစ်များ

Pakɔsje 119:12

Ǝi Njesigənea̰, ma m’pidii, Maji kari ndoom godnduije lé ya kari.

Pakɔsje 2:7

Godndu lé m’a kila mberee, Njesigənea̰ ulam pana: Ma m’to ŋgon neḛ! Ɓogənè ɓa n’ojim ya.

Pakɔsje 39:9

Maji kari ɔrm dan nékaltaje’g ləm lai ya Ɓó ar rɔkul-boo lə mbə-dəw oso dɔm’g el.

Esai 53:7

Deḛ ra səa majel d’ula ne kəmee ndòo Nɛ yeḛ teḛ təa ja̰ el, Asəna gə ŋgon badə gə́ d’ɔree D’aw səa gə́ loo-tɔlee’g ləm, Asəna gə ko̰ badə gə́ təa to gə́ loo ndèmee No̰ deḛ gə́ d’inja bḭyee’g bèe ləm tɔ lé Yeḛ teḛ təa ja̰ el .

Matiyo 16:16

Simo̰ Piɛrə ilá keneŋ pana: I to Kristi gə́ to Ŋgon-Ala gə́ Njesikəmba lé nja.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Matiyo 8:29

Deḛ ra né ɓəgəgə-ɓəgəgə pana: I Ŋgon-Ala lé see ɗi ləi ɓa to rɔ sí’g wa. See i ree mba kula kəm sí ndòo kédé yal ɓa kar ndəa teḛ ɓəi wa.

Mark 14:60

Yen ŋga ŋgɔ-njekinjanéməs uba naŋg ḭta kəm deḛ gə́ d’wa dɔ na̰’g neelé dəji Jeju pana: See i a teḛ tai kila sí ta’g el nja saar wa. See ɗi ɓa dəwje neelé d’ɔm ne ta dɔi’g bèe ɓəi wa.

Mark 15:2

Pilatə dəji Jeju pana: See i lé to gə́ mbai lə Jibje lé wa. Jeju ila dee keneŋ pana: Yee nja i pa tai gən mba̰.

Tagə́maji gə́ Ja̰ ndang 1:34

Ma lé m’ée bèe ndá m’ɔr ginta neelé m’pana: Yeḛ to Ŋgon-Ala lé nja.

Tagə́maji gə́ Ja̰ ndang 10:24

Jibje kiri na̰ dəa’g yir dəjee pana: See ndɔ gə́ ra ɓa i a kar meḛ sí oso naŋg po̰ ɓəi ɓa ar meḛ sí to kəgəgə bèe wa. Ɓó lé i to gə́ Kristi lé nja ndá ula sí təsərə ar sí j’oo səi nà.

Tagə́maji gə́ Ja̰ ndang 10:36

ndá see ban ɓəi ɓa yeḛ gə́ Bɔ-dəwje ya ɔree undá gə kəmee ulá naŋg nee ɓa seḭ paje səa pajena: Tapea to gə́ ta ndɔl wa. Seḭ paje bèe mbata pa gə́ ma m’pana: Ma m’to gə́ Ŋgon-Ala lé.

Tagə́maji gə́ Ja̰ ndang 18:37

Pilatə tel dəjee pana: See i to gə́ mbai ya wa. Jeju tel ilá keneŋ pana: Yeḛ nja pa tai gən mba̰, ma m’to gə́ mbai ya. Deḛ d’ojim d’arm m’ree naŋg nee gə mba karm m’ɔr goo kankəmta lé. Nana ɓa gə́ to ka̰ kankəmta lé ndá a koo ndum ya.

Tagə́maji gə́ Ja̰ ndang 19:7

Jibje tel d’ilá keneŋ pana: Godndu lə sí kára to gən, godndu neelé wɔji dəa gə mba karee wəi ya, mbata yeḛ nja wa rəa gə Ŋgon-Ala ya.

Tagə́maji gə́ Ja̰ ndang 19:9

Yeḛ tel aw kəi-mbai’g ndá dəji Jeju pana: See i to gə́ nawa. Nɛ Jeju teḛ təa ilá keneŋ el.

Néra Njékaḭkulaje 8:32

Ta gə́ yeḛ tura mee maktub gə́ to gə kəmee lé ɓa to nee: Deḛ ndɔree asəna gə ko̰ badə gə́ d’isi d’aw səa gə́ loo tɔlee’g bèe, Asəna gə ŋgon badə gə́ təa to gə loo ndèmee no̰ deḛ gə́ d’inja bḭyee lé Yeḛ teḛ təa ja̰ el.

1 Timote 1:11

Ta neelé aw na̰’d gə Tagə́maji lə Ala gə́ njḛgɔ-ronduba gə njemeemaji ləm, yee ɓa to Tagə́maji gə́ yeḛ ɔm jim’g mba karm m’ndoo dəwje ləm tɔ.

1 Timote 6:15

Mee ndəa gə́ wɔji dəa lé Ala gə́ dəa ai səgərə gə́ to Bao-siŋgamoŋ kára ba kiao ləm, gə to Mbai dɔ mbaije ləma, gə to Mbaidɔmbaije ləm tɔ lé a rab Kristi lé gə́ raga.

1 Piɛrə 2:23

Deḛ tajee nɛ yeḛ tel taji dee gogo el ləm, deḛ rəa meeyèr nɛ yeḛ tel gə́ ta gə́ yèr ila dee keneŋ el ləm tɔ. Nɛ yeḛ ya̰ rəa ar yeḛ gə́ njekɔrkəmta gə goo rəbee lé.