Mark 14:45 - Maktub gə́ To gə Kəmee

⁴⁵ Loo gə́ Judas teḛ keneŋ ndá yeḛ rəm pər gə́ rɔ Jeju’g ulá pana: Mbai! Ɓa yeḛ ɔd il ɓɔlee ɓəi.

Mark 14:45 ပူးပေါင်းရင်းမြစ်များ

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Malasi 1:6

Ŋgon lé ila koji dɔ bɔbeeje’g ləm, ŋgonjelookisi kara ila koji dɔ ɓéeje’g ləm tɔ. Ɓó lé ma m’to gə́ bɔ dəwje ndá see koji gə́ wɔji dɔ’m lé to ra wa. Ɓó lé ma m’to gə́ ɓée deeje ndá see loo gə́ ra ɓa deḛ ɓəlm keneŋ wa. Njesigənea̰ gə́ njeboo-néje lé pa bèe ar sí-seḭ njékinjanéməsje, seḭ gə́ ə̰jije rim bəḭ-bəḭ lé. Tɔɓəi seḭ pajena: See loo gə́ ra ɓa seḭ ə̰jije rim bəḭ-bəḭ keneŋ wa.

Mark 12:14

Deḛ ree rəa’g d’un ta dəjee pana: Mbai, jeḛ n’gər gao i lé to kankəm dəw gə́ gəd ya, i to gə́ njeɓel kəm dəw kára kara el ləm, i to gə́ njekɔr kəm dəw kára kara el ləma, I ndoo dee rəw lə Ala lé gə goo rəbee ya ləm tɔ. Bèe ŋga see kuga lar-gədɓee lə Sesar lé see to né gə́ kəm ra əsé to né gə́ kəm ra el wa. See j’a kuga səa əsé j’a kuga səa el wa.

Mark 14:44

Yeḛ gə́ njekun dəa lé tɔji dee nda né gə́ d’a gə gəree ne ula dee pana: Yeḛ gə́ m’a gə kil ɓɔlee njɔd-njɔd ndá to yeḛ nja kən-ə, ubáje wáje kègègè awje səa né lə sí.

Mark 14:46

Yen ŋga dəwje neelé d’ɔd d’ur dɔ Jeju’g d’ubá d’wá ya tɔ.

Lugu 6:46

See ban ɓa seḭ ɓarmje Mbaidɔmbaije, Mbaidɔmbaije ndá seḭ mbad raje né gə́ ma m’ula sí lé ɓəi wa.

Tagə́maji gə́ Ja̰ ndang 20:16

Jeju ɓaree pana: Mari! Yeḛ tel kəmee wuri, ɓaree gə ta Ǝbrə pana: Rabuni, (tel ta koji sí ndá pana: Mbai ləm!)

Tagə́maji gə́ Ja̰ ndang 4:31

Mee kàree’g neelé njékwakiláje jaŋgee pana: Mbai, sɔ né ɓa.