Mark 14:38 - Maktub gə́ To gə Kəmee

³⁸ Sije dɔ kəji sí’g kəgəgə raje tamaji mba kar sí osoje ne dan nékərje’g el. Meḛ sí to kəmba ya nɛ darɔ sí ɓa wəi wɔ-wɔ.

Mark 14:38 ပူးပေါင်းရင်းမြစ်များ

Matiyo 24:42

Maji kar sí sije kəmba mbata seḭ gərje ndɔ ree lə Mbaidɔmbaije lə sí el.

Matiyo 25:13

Maji kar sí síje kəmba mbata seḭ gərje ndəa əsé kàree el.

Matiyo 26:41

Sije kəmba raje tamaji ta Ala’g lé gə mba kar sí osoje dan nékər’g el. Meḛ sí to kəmba nɛ darɔ sí wəi wɔ-wɔ.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Mark 14:34

Yeḛ ula dee pana: Meem ḭ səm jugugu al dɔm sula saar a kas yoom, maji kar sí sije dɔkəji sí’g kəgəgə loo gə́ nee.

Mark 14:37

Yeḛ rəm ree rɔ njékwakiláje’g ndá iŋga dee dɔ ɓi’g. Yeḛ ula Piɛrə pana: Simo̰, see i lé aw toɓi gə́ to ɓa nee wa! See i askəm si kəmba dɔkur-kàr kára el wa!

Mark 14:39

Yeḛ sa rəa aw ra tamaji to gə́ kédé lé ɓəi.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

Lugu 22:40

Loo gə́ yeḛ teḛ lée’g neelé ndá yeḛ ula dee pana: Maji kar sí raje tamaji mba kar sí osoje ne dan nékər’g el.

Lugu 22:46

Yeḛ dəji dee pana: See ban ɓa seḭ tojeɓi wa. Ubaje naŋg ḭje tar raje tamaji mba kar sí osoje ne dan nékər’g el.

1 Njé gə́ Kɔrḭtə 16:13

Sije kəmba arje kəm sí ɔs loo pal-pal ləm, aarje dɔ meekun’g lə sí njaŋg ləm, waje rɔ gə́ diŋgam ləma, aarje kɔgərɔ ləm tɔ.

Njé gə́ Galati 5:17

Mbata mal né gə́ wɔji dɔ ka̰ darɔ lé to né gə́ ɔs mal néra gə́ ka̰ Ndil lé rəw, ar mal né gə́ wɔji dɔ Ndil lé ɔs mal né gə́ wɔji dɔ ka̰ darɔ lé rəw tɔ, mal néje gə́ togə́bè lé d’ɔs na̰ rəw mba kar sí raje né gə́ seḭ wɔjije-kwɔji raje lé el.

Njé gə́ Pilibə 2:12

Togə́bè ɓa, seḭ gə́ m’unda sí dan kəm’g lé to gə́ seḭ raje torndum ta-ta ndá raje kula gə́ wɔji dɔ kaji lə sí gə kaar gəd ləm, ndəbje ndəbee mba karee to lée’g ləm tɔ, raje mbata kəm-ma ɓa el, nɛ ɓasinè loo gə́ ma m’godo mbuna sí’g kara raje maji unda nje gə́ kédé tɔ.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.