Mark 14:35 - Maktub gə́ To gə Kəmee

³⁵ Tɔɓəi yeḛ ɔd aw gə kuree rəgəsə ndá yeḛ oso naŋg bəbərə dəb kəmee naŋg ra tamaji mba kar ɓó lé to kəm ra ndá kar kàr né gə́ a gə teḛ dəa’g lé sa rəa rəw gə́ raŋg.

Mark 14:35 ပူးပေါင်းရင်းမြစ်များ

Gḭ-Néje 17:3

Abram oso naŋg bəbərə, dəb kəmee naŋg, ndá Ala ulá pana:

2 Sôrta Gḭka Israɛlje 7:3

Israɛlje lai d’aa loo d’oo pər gə rɔnduba lə Njesigənea̰ gə́ ree dɔ kəi’g neelé ndá léegəneeya d’unda barmba dəb kəm dee naŋg d’wa Njesigənea̰ meḛ dee’g pidee ne pana: Yeḛ lé maji dum ləm, meekɔrjol ləa to saar-saar gə no̰ ləm tɔ.

Matiyo 26:39

Loo gə́ yee ɔd aw gə kuree rəgəsə ndá yeḛ oso naŋg bəbərə dəb kəmee naŋg ra ndòo ta Ala’g pana: Bɔm, ɓó lé to kəm ra ndá taa ŋgo-kai meeko̰ neelé jim’g rəw gə́ raŋg. Ɓó lé to gə́ ndigi el ndá kara ra né gə́ məəi-i nja wɔji ɓó to gə́ məəm-ma ɓa wɔji el.

Matiyo 26:45

Tɔɓəi yeḛ tel aw rɔ njékwakiláje’g ula dee gə no̰ pana: Tojeɓi, waje ne rɔ sí ɓasinè. Aa ooje kàr kula Ŋgon-dəw ji njékaiyaje’g lé nai dəb ba ŋga.

Mark 14:41

Yeḛ ɔs tel ree rɔ dee’g ɔm’g gɔl munda ndá ula dee pana: As ŋga! Tojeɓi ɓasinè aw waje ne rɔ sí. Aa ooje, kàr kula Ŋgon-dəw ji njékaiyaje’g lé teḛ mba̰.

Lugu 22:41

Tɔɓəi yeḛ sa rəa rɔ dee’g ɔd aw gə kuree rəgəsə asəna gə kɔri-ər gə́ kun kila piriri bèe ndá yeḛ rəm ɔs no̰ kəjee naŋg ra tamaji pana:

Tagə́maji gə́ Ja̰ ndang 12:23

Jeju ila dee keneŋ pana: Kàr kar dee d’ula rɔnduba dɔ Ŋgon-dəw’g lé teḛ mba̰.

Tel tura Godndu 9:18

Ma m’oso naŋg rəb m’dəb kəm naŋg no̰ Njesigənea̰’g to gə́ kédé ndɔm rɔ-sɔ dan kàrá gə loondul’g lé lal ko̰ muru ləm, lal kai mán ləm tɔ mbata kaiyaje lai gə́ seḭ raje loo gə́ seḭ raje ne né gə́ majel kəm Njesigənea̰’g gə mba kar mée ḭ ne səa pu lé.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

Loo gə́ killa rea kəm Ja̰’g 4:10

Ndá ŋgatɔgje gə́ rɔ-joo-gir-dee-sɔ lé d’unda barmba dəb kəm dee naŋg no̰ yeḛ gə́ si kalimbai’g lé gə́ si gə ləbee-ləbee gə nea̰ d’wá ne meḛ dee’g ləm, deḛ tɔr ne dɔgugu lə dee d’ɔm no̰ kalimbai’g lé ləm tɔ pana:

Loo gə́ killa rea kəm Ja̰’g 5:14

Nékundaje lə Ala gə́ sɔ gə́ d’aw kəmba lé pana: Amen! Ndá ŋgatɔgje lé d’unda barmba d’ula dɔ dee naŋg d’wa ŋgon badə lé meḛ dee’g sudu.