Mark 14:34 - Maktub gə́ To gə Kəmee

³⁴ Yeḛ ula dee pana: Meem ḭ səm jugugu al dɔm sula saar a kas yoom, maji kar sí sije dɔkəji sí’g kəgəgə loo gə́ nee.

Mark 14:34 ပူးပေါင်းရင်းမြစ်များ

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Nɔ̰-ndôo gə́ wɔji dɔ Jerusalem 1:12

Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!

Matiyo 26:38

Yeḛ ula dee pana: Meem ḭ səm jugugu al dɔm sula saar a kas yoom. Sije loo gə́ nee’g kəmba ŋginamje.

Tagə́maji gə́ Ja̰ ndang 12:27

Ɓasinè məəm to kəgəgə. See m’a pa ban karee wa tam wa. See m’a pana: Bɔm, ɔrm dan né gə́ a gə ram’g ɓasinè lé teḛ səm ɓəi əsé ban wa. Nɛ né gə́ a gə ram togə́bè lé yee ɓa ma m’ree ne saar m’teḛ ne mee kàree’g neelé gə mbəa ya.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.