Mark 13:11 - Maktub gə́ To gə Kəmee

¹¹ Loo gə́ d’a ndɔr sí kaw sə sí loo-gaŋg-rəwtaje’g ndá arje meḛ sí pélé wəs-wəs dɔ ta gə́ seḭ a kila deeje keneŋ el, nɛ ta gə́ d’a kula ta sí’g mee kàree’g neelé ɓa gə́ paje ya. Mbata to seḭ nja ɓa a kḭje gə ta neelé paje gə dɔrɔ sí el nɛ Ndilmeenda ɓa a kula ta ta sí’g ya.

Mark 13:11 ပူးပေါင်းရင်းမြစ်များ

2 Samel 23:2

Ndil Njesigənea̰ unm pa ne ta, Ta ləa to ndo̰m’g ya.

Esai 50:4

Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Matiyo 10:17

Yen, meḛ sí dɔ rɔ sí’g mbata dəwje lé d’a kwa sí kɔm sí ji njégaŋ-rəwtaje’g ləm, d’a kunda sí mee kəi-kwa-dɔ-na̰je’g lə dee ləm tɔ.

Mark 13:12

Dəw nja a kḭ kwa ŋgokea̰ kulá loo-yoo’g ləm, bɔ ŋgon a ra gə ŋgonee togə́bè ləma, ŋganje d’a kḭ kula njékoji deeje loo-yoo’g ləm tɔ.

Mark 13:9

Meḛ sí dɔ rɔ sí’g. D’a teḛ sə sí loo-gaŋg-rəwtaje’g ləm, d’a kunda sí gə ndəi-kɔb mee kəi-kwa-dɔ-na̰je’g ləm tɔ. D’a kaw sə sí no̰ njéguburuɓeeje’g gə no̰ mbaije’g gə mbàm mba kar sí ɔrje ne goo ta ləm ar deeje tɔ.

Lugu 21:12

D’a ɓugu ji dee dɔ sí’g ləm, d’a kula kəm sí ndòo ləm, d’a kwa sí kaw sə sí kəi-kwa-dɔ-na̰je’g ləm, d’a ɓugu sí daŋgai’g ləma, d’a kon sí kaw sə sí no̰ mbai-ɓeeje’g gə no̰ njéguburuɓeeje’g ləm tɔ gə mba rim, kédé ɓad ɓa néje nee gə́ ma m’ula sí lé a teḛ ɓəi.

Tagə́maji gə́ Ja̰ ndang 3:27

Ja̰ ila dee keneŋ pana: Né gə́ dara ya ar dəw ɓa a kiŋga ɓó dəw a kiŋga né gə dɔrea el.

Néra Njékaḭkulaje 2:4

Ndilmeenda taa meḛ dee pəl-pəl ar dee pa tapa dəwje gə́ raŋg ɓəd-ɓəd to gə́ Ndil ɓa ar dee pa ya.

Néra Njékaḭkulaje 3:13

Ala lə Abrakam gə Isaak gə Jakob, Ala lə ka síjeḛ lé ɓa ula rɔnduba dɔ kura’g ləa Jeju, yeḛ gə́ seḭ uláje ji Pilatə’g ləm, seḭ mbadeeje ləm tɔ nɛ yeḛ lé wɔji-kwɔji kilá tar.

Néra Njékaḭkulaje 4:31

Loo gə́ deḛ ra tamaji neelé mba̰ ndá kəi yə ula déréré-dèrèrè. Ndilmeenda taa meḛ dee pəl-pəl, ar dee d’ɔr ta lə Ala gə kəm ŋgon diŋgam tɔ.

Néra Njékaḭkulaje 6:10

Nɛ kəmkàr ləa gə ta gə́ Ndil ula mée’g aree pa ne ta lé d’oma̰ ne səa pi.

Néra Njékaḭkulaje 6:15

Dəwje lai gə́ d’isi loo-gaŋg-rəwta’g lə Jibje lé loo gə́ d’orè kəm dee dɔ Etien’g sḭ ndá d’oo kəmee to jəgəgə to gə́ ka̰ dəw gə́ dara bèe.

Néra Njékaḭkulaje 7:55

Nɛ Ndilmeenda taa mee Etien pəl-pəl aree aa dara gərərə oo rɔnduba lə Ala ləm, gə oo Jeju gə́ aar tar dɔ jikɔl Ala’g ləm tɔ.

1 Njé gə́ Kɔrḭtə 2:13

Yee ɓa jeḛ lé m’pa ne taree gə goo ta gə́ Ndil ɓa ndoo sí ɓó gə goo ta gosɔkəmkàr lə dəwje el. Ta ka̰ Ndil lé jeḛ m’pa j’ɔr ne néje gə́ wɔji dɔ ndil tɔ.

Njé gə́ Epesə 3:5

Né gə́ to loo-kiya’g neelé dəw riba dəa ar ginka dəwje gə́ ləw d’oo el ɓəi. Nɛ ɓasinè lé Ndil ɓa riba dəa wagəsa ar njékaḭkulaje gə njéteggintaje gə́ to njémeendaje ləa.

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.