Mark 12:36 - Maktub gə́ To gə Kəmee

³⁶ Dabid nja kara Ndilmeenda taa mée aree pana: Mbaidɔmbaije lé ula Mbai ləm pana: Sí dɔ jikɔlm’g saar Mba karm m’ar njéba̰je ləi tel to nétura-gɔl-kɔm ləi lé.

Mark 12:36 ပူးပေါင်းရင်းမြစ်များ

2 Samel 23:2

Ndil Njesigənea̰ unm pa ne ta, Ta ləa to ndo̰m’g ya.

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Pakɔsje 110:1

Pa lə Dabid Njesigənea̰ ula Mbaidɔmbaije ləm pana: Si dɔ jikɔlm’g Saar mba karm m’ar njéba̰je ləi Tel to nétura-gɔl-kɔm ləi lé.

Matiyo 5:35

I a kubu rɔi gə dɔ naŋg nee el mbata dɔ naŋg neelé to nétura-gɔl-kɔm lə Ala tɔ. I a kubu rɔi gə ri Jerusalem el, mbata Jerusalem lé to ɓee-boo lə mbai gə́ boi.

Néra Njékaḭkulaje 1:16

Ŋgakɔmje gə́ dəwje, ta gə́ Dabid pa gə torndu Ndilmeenda mee maktub gə́ to gə kəmee gə́ wɔji dɔ Judas, yeḛ gə́ njekɔrno̰ deḛ gə́ d’wa Jeju lé taree aw lée’g béréré ya.

Néra Njékaḭkulaje 28:25

Loo gə́ deḛ d’ḭ sa rɔ dee mbata d’ɔr kəm na̰ lé ndá Pool ila ta nee keneŋ kára pana: Ta gə́ Ndilmeenda ula ka síje gə ndu Esai njetegginta lé pa lée’g ya mbata yeḛ pana:

1 Njé gə́ Kɔrḭtə 15:25

Mbata lé riri kara yeḛ a to mbai dɔ dəwje lai-lai saar yeḛ a dum ne dɔ njéba̰je’g ləa lai kuba dee ne gin gɔlee’g més ya.

2 Timote 3:16

Taje lai gə́ to mee maktub’g neelé to ta gə́ ḭ ta Ala’g ya, maji mba ndoo dee ne ləm, mba ndaŋg dee ne ləm, mba gɔl dee ne ləma, mba tɔji dee ne né gə́ to gə dɔ najee ləm tɔ

Ǝbrəje 1:13

See kura gə́ dara gə́ ra ɓa yeḛ ulá pana: Si dɔ jikɔlm’g Saar mba karm m’ar njéba̰je ləi tel to nétura-gɔl-kɔm ləi lé wa.

Ǝbrəje 4:7

Ndá Ala wɔji ndɔ gə́ raŋg gə́ ɓaree ɓogənè goo ta gə́ Dabid pa mee ləbje bula yaa̰ gə́ gogo lé pana: Ɓogənè lé ɓó lé seḭ ooje ndia Ndá arje meḛ sí ndər dɔ’g el.

1 Piɛrə 1:11

Deḛ d’ula rɔ dee ndubu gə goo Ndil Kristi gə́ to meḛ dee’g mba gər ne ndɔ gə́ Ndil lé pa taree kédé wɔji ne dɔ néurti gə́ a gə ra Kristi gə rɔnduba gə́ a gə korè gée lé ləm, gə mba gər rəbee ləm tɔ.

2 Piɛrə 1:21

mbata ta gə́ pa lé ḭ mee dəw’g tel el. Ndilmeenda ɓa uru meḛ dəwje’g ar dee pa ne tapa Ala lé ya.