Mark 12:33 - Maktub gə́ To gə Kəmee

³³ Dəw gə́ undá dan kəmee’g ndigee dɔɓəŋgəree’g ləm, gə takə̰ji ləa bura ləm, gə ŋgaw mée bura ləm, gə siŋgarea bura ləma, gə unda maree dan kəmee’g to gə́ yeḛ ra gə rəa bèe ləm tɔ ndá debee neelé ra né gə́ ur dɔ nékinjanéməsje lai gə́ roo ləm, gə nékinjanéməsje gə́ raŋg lai ləm tɔ.

Mark 12:33 ပူးပေါင်းရင်းမြစ်များ

Pakɔsje 50:23

Yeḛ gə́ inja nékinjaməs gə́ ka̰ kɔm na̰’d sad lé Yeḛ nja ɓa ula rɔnduba dɔ neḛ’g, Yeḛ gə́ tɔs kəmee bao-bao dɔ rəw-kabee’g lé N’a kar kəmee inja dɔ kaji’g lə Ala ya.

Gosota-Kəmkàrje 21:3

Ra né gə́ gə dɔ najee ləm gə né gə́ danasur ləm tɔ lé Yee ɓa Njesigənea̰ oo gə́ né gə́ maji unda nékinjanéməsje ya.

Ojee 6:6

Mbata meekɔrjol ɓa taa kəm ɓó nékinjanéməsje ba el. Gər ndaa Ala kara maji unda nékinjanéməsje gə́ roo lé tɔ.

Matiyo 12:7

Ta gə́ mee maktub’g lé pana: Meekɔrjol ɓa taa kəm ɓó nékinjanéməsje el. Ɓó lé seḭ gərje ginee ndá njéra né gə dɔ najee-je lé seḭ a kilaje ta dɔ dee’g el.

Matiyo 9:13

Awje ndooje ginta nee: Meekɔrjol ɓa taa kəm ɓó nékinjaməs el. Togə́bè ɓa m’ree m’ɓar kaiya-dəwje ɓó njémeekarabasurje el.

Tel tura Godndu 6:5

I a kunda Njesigənea̰ Ala ləi lé dan kəmi’g ndigee dɔ ɓəŋgəri’g ləm, gə ŋgaw məəi bura ləma, gə sḭgarɔi bura ləm tɔ.

Ǝbrəje 10:8

Seḭ ooje gao, loo gə́ pa mba̰ pana: Nékulje gə́ d’inja gə́ məs ləm, gə nékarnojije ləm, gə nékulje gə́ roo dee ləma, gə nékoga-kaiyaje ləm tɔ lé i ndigi dee el (nɛ to né gə́ deḛ ra gə goo godndu lé).

1 Samel 15:22

Samel pana: See Njesigənea̰ iŋga rɔlel dɔ nékinjanéməsje gə́ roo gə nékinjanéməsje gə́ raŋg to gə́ yeḛ iŋga ne rɔlel loo kila ŋgonkoji dɔ godndu Njesigənea̰’g to wa. Aa oo, kila ŋgonkoji lé maji unda nékinjanéməsje ləm, kaa dɔ ta ɓa maji unda ubu bàl badje ləm tɔ.