Mark 11:17 - Maktub gə́ To gə Kəmee

¹⁷ Yeḛ ndoo dee ula dee pana: See deḛ ndaŋg ta mee maktub’g pana: Kəi ləm lé d’a ɓaree kəi ra tamaji keneŋ mbata lə ginkoji dəwje gə raŋg lai lé, see deḛ ndaŋg taree togə́bè el wa. Nɛ seḭ ɓa seḭ telee undaje gə́ duu-loo lə njéɓogoje.

Mark 11:17 ပူးပေါင်းရင်းမြစ်များ

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Esai 60:7

Koso-nékulje lə njé gə́ Kedar D’a mbo̰ na̰ rɔi’g, Bàl badje lə njé gə́ Nebajot D’a to néra kula ləi, D’a kaw sə dee dɔ loo-nékinjaməs’g ləm ndá D’a taa kəm rəgm ləm, M’a kula rɔnduba dɔ kəi rɔnduba’g ləm ləm tɔ.

Jeremi 7:11

Njesigənea̰ pana: Tɔgərɔ ya ma m’oo gao. See seḭ ooje kəi gə́ rim ɓar dɔ’g lé gə́ duu-loo lə njéɓogoje wa.

Ojee 12:7

I lé maji kari tel ree rɔ Ala’g lé ləi, Né gə́ to gə́ nḛ́go̰koji ləm, Gə néra gə́ gə goo rəbee ləm tɔ lé Maji kari aar dɔ’g njaŋg Unda ne məəi yel dɔ Ala’g lé ləi ta-ta.

Mark 11:16

Yeḛ ya̰ rəw ar dəw kára kara odo né dəs ne mee kəi-Ala’g el.

Lugu 19:46

ula dee pana: Deḛ ndaŋg mee maktub’g pana: Kəi ləm a to kəi-ra-tamaji keneŋ. Nɛ seḭ ɓa seḭ teleeje undaje gə́ duu-loo lə njéɓogoje ya.

Tagə́maji gə́ Ja̰ ndang 2:14

Yeḛ andə aw mee kəi-Ala’g ndá yeḛ iŋga njérab-néndogoje gə́ d’isi keneŋ ndogo bɔ maŋgje gə badje gə dərje ləm, gə njémbél-larje gə́ d’isi keneŋ ləm tɔ.

Tagə́maji gə́ Ja̰ ndang 2:16

Tɔɓəi yeḛ ula njérab-dərje neelé pana: Odoje néje neelé ɔdje ne gə́ raŋg ɓó arje kəi lə Bɔm to gə́ kəi rab néje el.