Mark 10:48 - Maktub gə́ To gə Kəmee

⁴⁸ Njé gə́ na̰je bula d’ḭ səa gə mba karee wa təa. Nɛ yeḛ ila boo-ndia naŋg ra ne né wəl unda njé gə́ kédé pana: Ŋgon Dabid, oo kəm lootondoo’g ya kari.

Mark 10:48 ပူးပေါင်းရင်းမြစ်များ

Pakɔsje 62:12

Ala pata gɔl kára ba ya, Yee gə́ gɔl joo ləa lé m’oo oso mbim’g pana: Siŋgamoŋ lé to ka̰ Ala nja kára ba.

Jeremi 29:13

Seḭ a saŋgmje ndá a kiŋgamje, ɓó lé seḭ a saŋgmje gə ŋgaw meḛ sí bura.

Matiyo 19:13

Mee kàree’g neelé deḛ ree gə ŋganje gə́ gɔ-gɔ gə́ rəa’g mba karee ila jia dɔ dee’g ra ne tamaji mbata lə dee tɔ nɛ njékwakiláje d’ɔs dee rəw,

Matiyo 20:31

Boo-dəwje lé d’ɔm ta dee dɔ dee’g gə mba kar dee d’əw rɔ dee nɛ deḛ d’ila boo-ndu dee naŋg ra ne d’aree al dɔ loo sula, deḛ pana: Mbaidɔmbaije, ŋgon Dabid, oo kəm sí lootondoo’g ya kari.

Matiyo 9:27

Jeju ḭ keneŋ ndá njékəmtɔje joo d’oré gée, deḛ ra né gə ndu dee gə́ boi wəl pana: Ŋgon Dabid, oo kəmtondoo lə sí ya kari.

Mark 10:13

Deḛ ree gə ŋganje rɔ Jeju’g gə mba karee ila jia dɔ dee’g. Nɛ njékwakiláje d’ḭ gə deḛ gə́ ree gə ŋganje neelé.

Mark 5:35

Loo gə́ yeḛ si pata bèe-bèe ɓəi ndá dəwje d’ḭ kəi lə ŋgatɔg gə́ mee kəi-kwa-dɔ-na̰’g lé ree d’ula Jayirus pana: Ŋgoni gə́ dené lé wəi mba̰, nɛ see ɗi ɓəi ɓa i ɔs ne mbai lé tar ɓɔḭ-ɓɔḭ gə mbəa tɔɓəi wa.

Lugu 18:39

Deḛ gə́ d’un rəw kédé lé d’ḭ gə njekəmtɔ lé mba karee wa təa, nɛ yeḛ ila boo-ndia naŋg ra né aree al dɔ loo sula pana: Ŋgon Dabid, oo kəm lootondoo’g ya kari.

Njé gə́ Epesə 6:18

Kàr gə́ rara kara raje tamaji dɔ néje’g lai ləm, raje ne mbai ta Ala’g gə goo Ndil gə́ to meḛ sí’g lé ləm tɔ. Sije dɔ kəji sí’g kəgəgə aije ne meḛ sí sam-sam raje mbai ta Ala’g mbata lə deḛ gə́ to gə kəmee lai ya.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.