Mark 10:20 - Maktub gə́ To gə Kəmee

²⁰ Dəw neelé tel ilá keneŋ pana: Mbai, loo gə́ ma m’nai basa ɓəi lé ya, m’tɔs kəm goo néje gə́ neelé m’ra saar ɓasinè.

Mark 10:20 ပူးပေါင်းရင်းမြစ်များ

Esai 58:2

Ndɔje kára-kára lai deḛ saŋgəm, Deḛ ndigi gər rəwje ləm, Asəna gə ginkoji dəwje gə́ ra né gə́ gə dɔ najee Gə́ d’uba godndu Ala lə dee d’ya̰ el ləm, Deḛ dəjim gə mba karm m’ar dee ndukun Gə́ ka̰ gaŋgta gə́ gə dɔ najee ləma, Deḛ d’wɔji mba kar Ala rəm pər gə́ rɔ dee’g ləm tɔ.

Ejekel 5:14

N’a kar ɓee lə sí tel to dɔdilaloo ləm, gə néboo-rɔkul mbuna ginkoji dəwje gə raŋg gə́ gugu dəa sub lé gə kəm dee-deḛ lai gə́ dəs keneŋ ləm tɔ.

Malasi 3:8

See dəw a su kəm Ala wa. Mbata seḭ suje kəm ya. Nɛ seḭ pajena: See loo gə́ ra ɓa seḭ suje kəm keneŋ wa. To loo gə́ néje lə sí dɔg ɓa kəm kar sí unje təa kára arje Ala ləm, gə loo kar nékarje ləm tɔ.

Matiyo 19:20

Basa neelé tel ilá keneŋ pana: Néje nee lai lé ma m’tɔs kəm dɔ’g bao-bao ya. Yee gə́ ra tɔɓəi ɓa lalm ɓəi wa.

Mark 10:21

Jeju aa kəmee gərərə undá dan kəmee’g ndá ulá pana: Né kára lali ɓəi. Ɔd aw ndogo néje ləi lai ya̰ laree ar njéndooje ɓa i a kiŋga nébao ləi ɓee gə́ dara ɓəi. Tɔɓəi ɔd ree goom’g.

Lugu 10:29

Nɛ dəw neelé tel dəji Jeju gə mba kɔr ne rɔkul ta neelé dəa’g pana: See na̰ ɓa gə́ njemarm wa.

Njé gə́ Rɔmə 7:9

Ma nja ləw lé m’isi m’lal godndu lé kara m’isi kəmba ya tɔ. Nɛ loo gə́ godndu lé teḛ mba̰ ndá kaiya lé tel si kəmba ŋga, ma lé ɓa m’tel m’wəi ne tɔ.

Njé gə́ Pilibə 3:6

Ma lé m’tədkag loo m’to ne njekula ne kəm Eglisə ndòo tɔ. Meekarabasur gə́ wɔji dɔ godndu lé d’oo ta kára kara mba kila dɔm’g kwɔji ne dəa el.

2 Timote 3:5

D’a ndaji néra gə́ ka̰ kwa Ala mée’g lə sí nɛ d’a kɔm meḛ dee dɔ siŋgamoŋ lə néraje neelé el.