Mark 1:7 - Maktub gə́ To gə Kəmee

⁷ Yeḛ ila mber ula dəwje taje nee pana: Dəw gə́ a gə ree goom’g lé debee neelé siŋgá ur dɔm’g ləm, m’as kula dɔm naŋg tudu ndar markob ləa gə dɔrɔm el ləm tɔ.

Mark 1:7 ပူးပေါင်းရင်းမြစ်များ

Matiyo 3:11

Ma m’ra sí batɛm gə mán gə mba kar sí waje ne ndòo rɔ sí dɔ kaiya’g lə sí nɛ yeḛ gə́ si ree goom’g lé siŋgá ur dɔm’g, m’askəm kodo markob ləa lé kaw kɔm el. Yeḛ nja ɓa a ra sí batɛm gə Ndilmeenda gə pər tɔ.

Matiyo 3:14

Nɛ Ja̰ ɔsee ŋgərəŋ pana: Ma m’aw ndooi gə mba kari ɓa ram batɛm. See ban ɓa i ɔd aḭ ree rɔm’g tɔɓəi wa.

Mark 1:6

Ja̰ lé ula kubu gə́ d’ṵji gə bḭ jambal ɓa rəa’g ləm, yeḛ wa mée gə ndar ləm tɔ. Gabəraje gə ubu tə̰ji ɓa gə́ nésəa tɔ.

Mark 1:8

Ma lé mán ɓa m’ra sí ne batɛm nɛ yeḛ lé Ndilmeenda ɓa yeḛ a ra sí ne batɛm.

Lugu 3:16

Ja̰ un ta ula dee pana: Ma lé mán ɓa wɔji dɔm gə mba karm m’ra sí ne batɛm nɛ yeḛ gə́ a gə ree lé siŋgá ur dɔm’g pubug. Ma m’askəm tudu kúla négɔlje ləa wad lé gə dɔrɔm el. Yeḛ nja ɓa a ra sí batɛm gə Ndilmeenda gə pər tɔ.

Tagə́maji gə́ Ja̰ ndang 1:27

Yeḛ nja ɓa ree goom’g nɛ ma m’as tudu markob ləa el.

Néra Njékaḭkulaje 13:25

Tɔɓəi loo gə́ Ja̰ ɔr suna kula ləa ndá yeḛ ula dee pana: Neḛ n’to gə́ yeḛ gə́ seḭ la̰jije meḛ sí’g lé el, nɛ aa ooje yeḛ gə́ si ree gə́ goo neḛ’g neelé n’askəm tudu markob ləa el.

Néra Njékaḭkulaje 19:4

Yen ŋga Pool ula dee pana: Batɛm gə́ wɔji dɔ kwa ndòo rɔ dɔ kaiya’g ɓa Ja̰ ra dəwje ula ne koso-dəwje gə mba kar dee d’ɔm meḛ dee dɔ yeḛ gə́ si ree gée’g, yee ɓa gə́ Jeju.

1 Samel 25:41

Yeḛ ḭ unda barmba dəb kəmee naŋg ndá yeḛ pana: Aa ooje, ma kura ləi gə́ dené m’a to ɓər mba togo gɔl kuraje lə mbai ləm ya.