Mark 1:22 - Maktub gə́ To gə Kəmee

²² Loo gə́ d’oo ta ləa gə́ yeḛ tɔji dee neelé ndá kaar dee wa dee paḭ mbata yeḛ ndoo dee asəna gə njedɔmoŋ ɓó asəna gə njéndaji-maktubje el.

Mark 1:22 ပူးပေါင်းရင်းမြစ်များ

Jeremi 23:29

Njesigənea̰ pana: See ta lə neḛ to asəna gə pər Esé mo̰ gə́ tɔ ne kɔr mbal bèe el wa.

Matiyo 13:54

Yeḛ aw mee ɓee gə́ yeḛ tɔg keneŋ ndoo dee né mee kəi-kwa-dɔ-na̰’g lə dee. Deḛ gə́ d’oo ta gə́ yeḛ ndoo dee lé kaar dee wa dee paḭ ar dee pana: Kəmkàr ləa gə siŋgamoŋ gə́ yeḛ ra ne némɔrije bèe lé see yeḛ ḭ ne ra wa.

Mark 1:23

Dəw kára gə́ ndil gə́ yèr uru kəi mée’g lé si sə dee na̰’d mee kəi-kwa-dɔ-na̰’g lə dee neelé tɔ ndá yeḛ pata gə ndia gə́ boi wəl pana:

Lugu 2:47

Deḛ lai gə́ d’oo tapea lé kaar dee wa dee paḭ dɔ ta kəmkàr gə́ teḛ təa’g ləm, gə ta gə́ tel ila’g ləm tɔ.

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Lugu 4:32

Ta gə́ yeḛ ndoo dee lé dum dɔ dee təs, mbata yeḛ ndoo dee asəna gə njedɔmoŋ.

Tagə́maji gə́ Ja̰ ndang 7:46

Njékaa dɔ looje lé tel d’ila dee keneŋ pana: Dəw gə́ njepata to gə́ dəw neelé kára kara godo.

Néra Njékaḭkulaje 6:10

Nɛ kəmkàr ləa gə ta gə́ Ndil ula mée’g aree pa ne ta lé d’oma̰ ne səa pi.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.