Mark 1:13 - Maktub gə́ To gə Kəmee

¹³ Yeḛ si keneŋ ndəa rɔ-sɔ ndá Njekurai aw rəa’g mba kaḭ mée. Yeḛ si dan daje gə́ yèr gə́ mee wala’g ndá kuraje lə Ala gə́ dara ɓa ree rəa’g ra né d’aree.

Mark 1:13 ပူးပေါင်းရင်းမြစ်များ

Teḛ-Raga 24:18

Moyis andə aw dan mum’g ndá yeḛ al aw dɔ mbal’g. Moyis si dɔ mbal’g neelé ndəa rɔ-sɔ dan kàrá gə loondul’g tɔ.

Teḛ-Raga 34:28

Moyis nai rɔ Njesigənea̰’g ndəa rɔ-sɔ dan kàrá gə loondul’g. Yeḛ o̰ muru el ləm, yeḛ ai mán el ləm tɔ. Njesigənea̰ ndaŋg ta manrɔ dɔ bəgərə mbalje’g, to godnduje gə́ dɔg lé ya.

Matiyo 26:53

See i ə̰ji məəi’g pana: Lé m’a ɓar Bɔm mba karee am kuraje gə́ dara kudu dɔg-giree-joo ŋga see a lal kam dee wa.

Matiyo 4:1

Yen ŋga Ndil ɔs Jeju ɓɔḭ-ɓɔḭ aree ur dɔdilaloo’g mba kar njekurai aḭ mée.

Lugu 4:1

Ndilmeenda taa mee Jeju pəl-pəl loo gə́ yeḛ ḭ ta baa gə́ Jurdɛ̰ tel ree lé ndá Ndil lé ɔsee aw səa dɔdilaloo’g

Tel tura Godndu 9:11

To mee rudu ndɔ’g rɔ-sɔ gə́ dan kàrá gə loondul’g lé ɓa, Njesigənea̰ am bəgərə mbalje joo, gə́ to bəgərəjə gə́ ka̰ manrɔ lé.

Tel tura Godndu 9:18

Ma m’oso naŋg rəb m’dəb kəm naŋg no̰ Njesigənea̰’g to gə́ kédé ndɔm rɔ-sɔ dan kàrá gə loondul’g lé lal ko̰ muru ləm, lal kai mán ləm tɔ mbata kaiyaje lai gə́ seḭ raje loo gə́ seḭ raje ne né gə́ majel kəm Njesigənea̰’g gə mba kar mée ḭ ne səa pu lé.

Tel tura Godndu 9:25

M’oso naŋg rəb m’dəb kəm naŋg no̰ Njesigənea̰’g, ndɔm rɔ-sɔ dan kàrá gə loondul’g mbata Njesigənea̰ pana neḛ ndigi tuji sí.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

Ǝbrəje 4:15

Mbata ŋgɔ-njekinjanéməs lə sí lé askəm gər gin rəm lə sí gao ya mbata yeḛ si dan nékərje gə́ gə ria-ria to gə́ ra sí lé nɛ yeḛ tibi ne mbɔr kaiya el.