Malasi 3:8 - Maktub gə́ To gə Kəmee

⁸ See dəw a su kəm Ala wa. Mbata seḭ suje kəm ya. Nɛ seḭ pajena: See loo gə́ ra ɓa seḭ suje kəm keneŋ wa. To loo gə́ néje lə sí dɔg ɓa kəm kar sí unje təa kára arje Ala ləm, gə loo kar nékarje ləm tɔ.

Malasi 3:8 ပူးပေါင်းရင်းမြစ်များ

Pakɔsje 29:2

Ulaje rɔnduba dɔ ri Njesigənea̰’g! Néje gə́ bə̰dərə bə̰ gə́ to gə kəmee doi lé Reeje ne undaje ne barmba nea̰’g wáje ne meḛ sí’g.

Gosota-Kəmkàrje 11:24

Dəw gə́ naa gə́ un né ar pə-pə To gə́ mée ndigi lé Tel to bao unda nje gə́ kédé. Dəw gə́ naa gə́ jia tɔ gaa-gaa lé Ndoo ya ɓa gə́ né kea̰ tɔ.

Esai 43:23

Seḭ amje badje gə́ nékinjaməs gə́ ka̰ roo el ləm, Seḭ ulaje rɔnduba dɔm’g gə nékinjanéməsje lə sí el ləm tɔ. Ma lé m’jɔg sí mbata lə nékarje gə́ to nduji lé el ləm, Ma m’ar sí daoje gə mbata né gə́ ə̰də sululu el ləm tɔ.

Ləbije 19:25

Ləb gə́ njekɔm’g mi lé seḭ a sɔje kandə deeje ləm, a kinjaje kandə dee gə́ kédé-kédé ləm tɔ. Ma m’to Njesigənea̰, Ala lə sí.

Jakari 5:3

Yen ŋga yeḛ ulam pana: Yee ɓa to ta ndɔl gə́ a gə kwa dɔ ɓeeje lai. Mbata gə goo taree lé d’a tuba ne njéɓogoje lai gə́ d’isi loo gə́ nee’g ləm, gə goo taree lé d’a tuba ne deḛ lai gə́ njékubu rɔ dee gə taŋgɔmje gə́ d’isi loo gə́ nee’g ləm tɔ.

Malasi 1:13

Seḭ pajena: Seḭ daoje ne yaa̰! Tɔɓəi seḭ unje kəm sí dəa’g rəw, Njesigənea̰ gə́ njeboo-néje lé ɓa pa bèe. Nɛ lé bèe kara seḭ reeje gə daje gə́ seḭ ɓogoje ləm, əsé gə́ d’oso məd ləma, əsé gə́ rɔ dee to dee ləm tɔ, yee ɓa gə́ nékinjanéməsje gə́ seḭ reeje ne! See m’askəm taa ji sí’g wa. Njesigənea̰ gə́ njeboo-néje lé ɓa dəji sí togə́bè.

Malasi 1:8

Loo gə́ seḭ waje nékul gə́ kəmee tɔ gə́ nékinjaməs lé see to né gə́ majel el wa. Loo gə́ seḭ waje nékul gə́ oso məd əsé yee gə́ rəa tée kara see to né gə́ majel el wa. Waje nékul gə́ bèe arje njeguburuɓee lə sí ooje. See yeḛ a taa ji sí’g gə rɔlel ya wa. See yeḛ a kwa sí gə́ rəa’g gə́ majee wa. Njesigənea̰ gə́ njeboo-néje lé ɓa dəji sí togə́bè.

Matiyo 22:21

Deḛ ndigi təa’g pana: To ka̰ Sesar. Yen ŋga yeḛ ula dee pana: Né gə́ wɔji dɔ Sesar ndá arje Sesar ɓó né gə́ to ka̰ Ala lé ndá arje Ala ya tɔ.

Mark 12:17

Yen ŋga yeḛ ila dee’g pana: Né gə́ to ka̰ Sesar ndá arje Sesar ya, né gə́ to ka̰ Ala ndá arje Ala ya tɔ. Tɔɓəi kaar dee wa dee paḭ dɔ tapea’g lé tɔ.

Lugu 20:25

Yen ŋga yeḛ ila dee keneŋ pana: Né gə́ wɔji dɔ Sesar ndá arje Sesar ya, ɓó yee gə́ to ka̰ Ala ndá arje Ala tɔ.

Njé gə́ Rɔmə 13:7

Nana kara areeje né gə́ wɔji dəa ya: dəw gə́ to njetaa négədɓee ndá areeje négədɓee ləm, Njétaa nédɔnaŋgje ndá ar deeje nédɔnaŋgje lə dee ləm, deḛ gə́ kəm koso kul no̰ dee’g ndá osoje kul no̰ dee’g ləma, deḛ gə́ kəm kila riɓar dɔ dee’g ndá maji kila riɓar dɔ dee’g ya ləm tɔ.

Njé gə́ Rɔmə 2:22

I gə́ pana: Maji kar dəw ndal mɔdkaiya el ndá i tel ndal mɔdkaiya. I gə́ oo magə népoleje gə́ né gə́ to kḛji kəmi’g ndá i tel uru keneŋ mbidi.

Jujé 7:11

Israɛlje ra kaiya, deḛ d’al ta ta ndukun’g ləm gə́ m’un m’ar dee lé ləm, deḛ d’odo néje gə́ kəm karee tuji dee pugudu-pugudu lé ləm, deḛ ɓogo néje lɔm dɔ dee ləma, deḛ d’iya néje neelé mee nékodoje’g lə dee ləm tɔ.