Malasi 3:7 - Maktub gə́ To gə Kəmee

⁷ Un kudee mee ndəa’g lə bɔ síje-je lé seḭ undaje rɔ sí ŋgərəŋ dɔ tornduje’g ləm ɓó seḭ ilaje koji dɔ dee’g nda̰ el. Gə́ telje reeje rɔm’g ndá ma kara m’a tel ree rɔ sí’g ya tɔ. Njesigənea̰ gə́ njeboo-néje lé ɓa pa bèe. Nɛ seḭ pajena: See kəm kar sí n’telje n’reeje to gə́ ban wa.

Malasi 3:7 ပူးပေါင်းရင်းမြစ်များ

Nehemi 9:26

Lé bèe kara d’ḭ d’ɔsi rəw Deḛ d’ila godndui goo dee’g gogo ləm, Deḛ tɔl njéteggintaje ləi Gə́ ndəji dee kɔr mba kar dee tel ree rɔi’g lé ləm tɔ. Tɔɓəi deḛ ra néje gə́ yèr d’ila ne boo-rɔkulje dɔi’g.

Esai 65:2

M’duu jim gə ndɔje kára-kára lai Par gə́ rɔ koso-dəwje gə́ njékɔsta-rəwje’g Gə́ njaa rəw gə́ majel’g Gə goo takə̰jije lə dee ləm,

Jeremi 16:11

Ndá i a kila dee keneŋ pana: Bɔ síje-je d’ubam d’ya̰m, Njesigənea̰ ɓa pa bèe. Deḛ d’aw goo magəje’g ɓa pole dee ləm, d’unda barmba no̰ dee’g ləm tɔ. Deḛ d’ubam d’ya̰m ɓó deḛ d’ila koji dɔ godndu’g ləm el.

Jeremi 16:12

Nɛ seḭ lé seḭ raje né gə́ majel undaje ka̰ bɔ síje-je. Aa ooje, seḭ lé nana kara mbuna sí’g ndolè goo takə̰jije gə́ majel gə́ mée’g mba kun ne mbia rəw dɔ ta’g ləm.

Jeremi 3:22

Gə́ tel reeje, seḭ njékɔsta-rəwje, M’a kar məəm oso lemsé Dɔ nékaltaje’g lə sí. Aa oo, yḛ̀ j’aarje nee, jeḛ n’reeje rɔi’g Mbata i to Njesigənea̰ gə́ to Ala lə sí.

Jeremi 7:25

Un kudee mee ndəa gə́ bɔ síje-je d’unda ne loo mee ɓee gə́ Ejiptə’g teḛ saar teḛ ne mee ndəa’g neelé ma m’ula gə kuraje ləm gə́ to njéteggintaje rɔ dee’g. Teḛ gə ndɔ gə ndɔje kára-kára lai lé m’ula dee rɔ dee’g ya.

Jeremi 7:26

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el. Deḛ to njékuba gwɔbkelkwɔije ləm, deḛ ra néje gə́ majel d’aree al dɔ ka̰ bɔ deeje-je ləm tɔ.

Ejekel 2:3

Yeḛ ulam pana: Ma ŋgon-dəw lé neḛ n’ulam gə́ rɔ Israɛlje’g, rɔ koso-dəwje nee gə́ to njékɔsta-rəwje gə́ d’ḭ d’ɔs ta lə neḛ rəw lé, deḛ ləm, gə bɔ deeje-je ləm tɔ lé ra kaiya d’ɔs ne ta lə neḛ rəw saar teḛ ne ndɔ gə́ j’aar keneŋ ɓogənè ya.

Ejekel 20:13

Nɛ gel-bɔje lə Israɛl d’ḭ sə neḛ d’ɔs ta lə neḛ rəw dɔdilaloo’g. Deḛ d’un goo godnduje lə neḛ el ləm, d’uba ndukunje lə neḛ gə́ dəw ra née ndá a si ne kəmba lé d’ya̰ ləma, deḛ d’ula sul dɔ ndɔ-kwa-rɔje’g lə neḛ ləm tɔ. Bèe ɓa neḛ n’wɔji mba ɓugu boo-oŋg lə neḛ dɔ dee’g dɔdilaloo’g kar dee d’udu guduru tɔ.

Ejekel 20:21

Nɛ ŋganje neelé d’ḭ sə neḛ d’ɔs ta lə neḛ rəw. Deḛ d’un goo godnduje lə neḛ lad-lad el ləm, deḛ d’aa dɔ ndukunje lə neḛ ra née gə́ dəw ra ndá a si ne kəmba lé el ləma, d’ila ndɔl ɓa dɔ ndɔ-kwa-rɔje’g lə neḛ ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, kar oŋg lə neḛ aw lée’g béréré dɔ dee’g dɔdilaloo’g ləm tɔ.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 20:8

Nɛ deḛ d’ḭ sə neḛ d’ɔs ta lə neḛ rəw ɓó deḛ ndigi koo ta lə neḛ el. Dəw kára kara ya̰ goo néje gə́ mina̰ gə́ tel kəmee lé el ləm, deḛ d’ya̰ goo magəje gə́ Ejiptə lé el ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, mba kar oŋg lə neḛ aw lée’g béréré dɔ dee’g mee ɓee gə́ Ejiptə ləm tɔ.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Jakari 1:3

Yeḛ pana: Ula dee pana: Njesigənea̰ gə́ njeboo-néje pa togə́bè pana: Gə́ tel reeje rɔ neḛ’g, Njesigənea̰ gə́ njeboo-néje ɓa pa bèe.

Malasi 1:6

Ŋgon lé ila koji dɔ bɔbeeje’g ləm, ŋgonjelookisi kara ila koji dɔ ɓéeje’g ləm tɔ. Ɓó lé ma m’to gə́ bɔ dəwje ndá see koji gə́ wɔji dɔ’m lé to ra wa. Ɓó lé ma m’to gə́ ɓée deeje ndá see loo gə́ ra ɓa deḛ ɓəlm keneŋ wa. Njesigənea̰ gə́ njeboo-néje lé pa bèe ar sí-seḭ njékinjanéməsje, seḭ gə́ ə̰jije rim bəḭ-bəḭ lé. Tɔɓəi seḭ pajena: See loo gə́ ra ɓa seḭ ə̰jije rim bəḭ-bəḭ keneŋ wa.

Malasi 3:13

Tapa sí gə́ kədərə ɓa seḭ ilaje ne ta dɔm’g. Njesigənea̰ pa bèe. Nɛ seḭ pajena: See ta ɗi ɓa seḭ ilaje dɔm’g wa.

Matiyo 23:27

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ toje asəna gə dɔɓarje gə́ ra né keneŋ d’ar dee nda kələw-kələw d’ar dee to ne né gə́ maji bèlm’g raga, nɛ meḛ dee gə́ kəi ndá siŋgaje gə néje gə́ ram ɓa rusu njḭ-njḭ.

Lugu 15:16

Kandə moŋg gə́ bərje d’usɔ lé yeḛ ndiŋga rəa yaa̰ gə mba kula mée’g mér-mér sə dee tɔ, nɛ dəw un kára kara gə mba karee to̰ mbag el.

Njé gə́ Rɔmə 10:21

Nɛ yeḛ pata wɔji ne dɔ Israɛlje pana: Neḛ n’duu ji neḛ par gə́ rɔ koso-dəwje Gə́ to njékaltaje gə gɔŋgé-maḭtaje Dɔbee’g saar kàr ur naŋg jigi.

Njé gə́ Rɔmə 10:3

Deḛ gər meekarabasur lə Ala el ndá deḛ saŋg meekarabasur gə́ ka̰ dee-deḛ ya gə dɔrɔ dee ɓó deḛ ndəd ka̰ Ala lé el.

Njé gə́ Rɔmə 7:9

Ma nja ləw lé m’isi m’lal godndu lé kara m’isi kəmba ya tɔ. Nɛ loo gə́ godndu lé teḛ mba̰ ndá kaiya lé tel si kəmba ŋga, ma lé ɓa m’tel m’wəi ne tɔ.

Tel tura Godndu 31:20

Mbata m’a gə kaw gə dəwje neelé mee ɓee gə́ ma man ne rɔm m’ar bɔ deeje-je gə mba kar dee ya, to ɓee gə́ mbà gə ubu tə̰ji to keneŋ yaa̰, deḛ d’a sɔ né karee as dee nag-nag ləm, gə d’a kər ne ndɔl-ndɔl ləm tɔ. Yen ŋga d’a gə tel rɔ dee rɔ magəje gə́ raŋg’d gə mba pole dee ləm, d’a kḛjim bəḭ-bəḭ kal ne dɔ manrɔ ləm ləm tɔ,

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.