Malasi 3:15 - Maktub gə́ To gə Kəmee

¹⁵ Ɓasinè lé seḭ ə̰jije meḛ sí’g pajena: Njébeeleje ɓa to gə́ njérɔlelje ya. Tɔgərɔ, njémeeyèrje lé deḛ teḛkɔr tɔ. Tɔgərɔ deḛ d’aḭ mee Ala lal karee gaŋgta dɔ dee’g ya.

Malasi 3:15 ပူးပေါင်းရင်းမြစ်များ

Este 5:10

Lé bèe kara yeḛ udu oŋg mée’g ɔd aw kəi ləa. Tɔɓəi yeḛ ula kula ɓar baokuraje ləa ləm, gə Jeres, dené ləa ləm tɔ.

Maktub gə́ wɔji dɔ Jɔb 1:22

Gə goo néje nee lai lé Jɔb ra ne kaiya el ləm, oo ne Ala gə́ njera né gə́ lal najee el ləm tɔ.

Maktub gə́ wɔji dɔ Jɔb 12:6

Meelɔm to mee kəi’g lə njétujilooje ləm, Si gə́ majee to mbata deḛ gə́ d’unda Ala ɓad ləma, Mbata dəw gə́ ar siŋgamoŋgee to magə ləa ləm tɔ.

Maktub gə́ wɔji dɔ Jɔb 21:30

Ndɔ némeeko̰ lé né ra njemeeyèr el, Ndɔ oŋg lé yeḛ teḛ keneŋ njoroŋ.

Maktub gə́ wɔji dɔ Jɔb 22:23

Ɓó lé i tel ree rɔ Bao-siŋgamoŋ’d ləm, Ɓó lé i ɔs néraje gə́ kori-kori rɔi’g rəw ləm tɔ ndá I a tel si maji ɓəi.

Pakɔsje 10:3

Njemeeyèr lé ti rəa dɔ mal né gə́ rəa’g, Njekəmkəḭ ila ndɔl dɔ Njesigənea̰’g ləm, Ǝ̰jee bəḭ-bəḭ ləm tɔ.

Pakɔsje 106:14

Deḛ d’uba rɔ dee yag d’ya̰ dan mal néje gə́ ra dee’g Ndá deḛ d’aḭ mee Ala dɔdilaloo’g.

Pakɔsje 141:4

Maji kari ar məəm aḭ teḛ par gə́ dɔ néraje gə́ majel’g el ləm, Gə m’ɔm na̰’d gə njéra majelje Mba ra sə dee né gə́ ka̰ kila ta dɔ loo’g el ləma, Gə mba kam m’ɔm sə dee na̰’d loo-muru-gad’g lə dee kára kara el ləm tɔ.

Pakɔsje 49:18

Mbata ndɔ kwəi ləa lé Yeḛ a kun né kára kara jia’g el ləm, Nébaoje neelé kara D’a kaw ne gée’g nda̰ el ləm tɔ.

Pakɔsje 58:2

Seḭ dəwje lé see ta sí gə́ ndèm kub lé ɓa Seḭ a raje ne néra gə́ gə dɔ najee lé ɓəi wa. Esé see togə́bè ɓa a gaŋgje ne rəwta gə goo rəbee lé ɓəi wa.

Pakɔsje 73:12

Njémeeyèrje lé to togə́bè ya, Rɔ dee lel dee gə ndɔ dee ndɔ dee ləm, Nébaoje lə dee oso dɔ maree’d gə́ kédé-kédé ya ləm tɔ.

Pakɔsje 73:3

Mbata m’ra kəmkəḭ dɔ mbə-dəwje’g Loo gə́ m’oo nérɔlel lə njémeeyèrje lé.

Pakɔsje 78:18

Deḛ d’aḭ mee Ala Dejee ne nésɔ gə́ deḛ ndiŋga lé.

Pakɔsje 78:41

D’əw rɔ dee kaḭ mee Ala el ləm, D’əw rɔ dee kar mee Njerɔkunda lə Israɛlje ea̰ lé el ləm tɔ.

Pakɔsje 78:56

Nɛ deḛ d’aḭ mee Ala gə́ Njekurdɔloo’g d’ḭ komá̰ ne ləm, Deḛ d’aa dɔ torndiaje kər-kər el ləm tɔ.

Pakɔsje 95:9

Lée neelé ya ɓa bɔ síje-je d’aḭ mee neḛ keneŋ D’oo ne kula ra neḛje gao ya Nɛ deḛ d’aḭ mee neḛ ya.

Gosota-Kəmkàrje 12:12

Njemeeyèr lé kəmee əḭ dɔ né mee gum’g lə njémeeyèrje, Nɛ kaar njaŋg lə njémeekarabasurje lé Ar dee d’andə gə kandə dee njim-njim.

Njekillamber 8:14

Né gə́ to lée’g el gə́ ra dɔ naŋg neelé ɓa nee: Njéra nédanaje lé Né gə́ majel teḛ dɔ dee’g to gə́ njémeeyèrje bèe ləm, Njémeeyèrje kara Né gə́ maji teḛ dɔ dee’g to gə́ njéra nédanaje bèe ya ləm tɔ. Yee ɓa m’pana: Yee gə́ neelé to né gə́ gə mḭdé ba ya tɔɓəi.

Esai 2:22

Ǝwje rɔ sí kɔmje meḛ sí dɔ dəw’g, Ndu kəmə gə́ kára ba to rəw əmee’g Mbata yeḛ lé to gə́ ɗi ɓa i a kɔm məəi dəa’g wa.

Jeremi 7:10

Tɔɓəi seḭ reeje aarje no̰m’g, mee kəi’g nee gə́ ɓar rim keneŋ lé ndá seḭ pajena: Ta ɔr dɔ sí’g mba̰! ... Yee ɓa gə mba ra ne néje gə́ mina̰ lai neelé gə́ kédé-kédé.

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Loo gə́ killa rea kəm Daniel’g 6:16

Nɛ diŋgamje neelé d’ɔs mbai lé ɓɔḭ-ɓɔḭ d’ulá pana: Ǝi mbai, maji kari oo gao, godndu lə Medəje gə Persəje wɔji mba kar né kɔg loo ra né gə́ rara əsé godndu gə́ rara gə́ mbai unda jia keneŋ lé ndá to njaŋg ya ɓó loo telee raŋg godo.

Malasi 2:17

Tapa sí lé ar Njesigənea̰ dao ne, nɛ seḭ pajena: See seḭ areeje dao ne to gə́ ban wa. To loo gə́ seḭ pajena: Nana ɓa gə́ ra né gə́ majel lé yeḛ to dəw gə́ maji kəm Njesigənea̰’g, yeḛ nja ɓa mée lelee dəa’g. Esé see Ala gə́ njegaŋgta gə goo rəbee lé si ra wa.

Néra Njékaḭkulaje 12:21

Herɔdə wɔji ndɔ kiŋga na̰ lə dee ndá yeḛ ula kubu ka̰ mbai rəa’g si ne dɔ kalimbai’g ləa, si ndəji dee ne bər-bər.

Néra Njékaḭkulaje 5:9

Yen ŋga Piɛrə tel dəjee pana: See gelee ban ɓa seḭ ɔmje meḛ sí na̰’d sad ərje ne kəm Ndil Mbaidɔmbaije wa. Aa oo, deḛ gə́ dubu ŋgabije lé kaa gɔl dee to ɓar gə́ raga’n gə́ nee ndá d’a kuni-i ya tɔ.

1 Njé gə́ Kɔrḭtə 10:9

Ar sí naaje meekuru lə Mbaidɔmbaije to gə́ njé gə́ na̰je mbuna dee’g na̰ lé el, deḛ ra togə́bè ya nɛ li to̰ dee tɔl dee ar dee d’udu guduru.

Ǝbrəje 3:9

Lée neelé ya ɓa bɔ síje-je d’aḭ məəm keneŋ mba naa ne meekuru ləm, Deḛ d’oo ne kula ram ləb dee rɔ-sɔ.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.