Malasi 3:13 - Maktub gə́ To gə Kəmee

¹³ Tapa sí gə́ kədərə ɓa seḭ ilaje ne ta dɔm’g. Njesigənea̰ pa bèe. Nɛ seḭ pajena: See ta ɗi ɓa seḭ ilaje dɔm’g wa.

Malasi 3:13 ပူးပေါင်းရင်းမြစ်များ

Maktub gə́ wɔji dɔ Jɔb 15:13

Kwii, to Ala ɓa i tel oŋg ləi ɔsee ne ŋgərəŋ ləm, Gə́ tai ɓar ne dɔ taje gə́ togə́bè ila dəa’g ləm tɔ.

Maktub gə́ wɔji dɔ Jɔb 40:8

See i a tuji rəwta-gaŋg ləm wa. See i a kila ta dɔm’g ɓa mba kɔr ne ta dɔi’g wa.

Pakɔsje 10:11

Yeḛ ə̰ji ta mée’g pana: Mee Ala wəi dɔ néra neḛ’g. Kəm Ala libi dɔ’g ɓó yeḛ oo nda̰ el.

Teḛ-Raga 5:2

Parao̰ ila dee keneŋ pana: See Njesigənea̰ to gə́ na̰ ɓa m’a kila ŋgonkoji dɔ tapea’g mba kya̰ ne Israɛlje kar dee d’aw wa. Njesigənea̰ lé ma m’gəree el ləm, m’a kya̰ Israɛlje kar dee d’aw bèe el ləm tɔ.

Esai 3:8

Njé gə́ Jerusalem ləŋg ləm, Njé gə́ Juda kara d’unda naŋg rəb ləm tɔ Mbata tapa dee gə néra dee ɔs ta lə Njesigənea̰ rəw ləm Deḛ d’ɔs boo-ronduba ləa rəw ləm tɔ.

Esai 37:23

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Esai 46:12

Ooje ta ləm, Seḭ dəwje gə́ njémeekədərəje Gə́ toje njéba̰je lə néra gə́ danasur!

Esai 5:19

Deḛ gə́ pana: Maji karee ɔs rəa ɓad Gə mba ra kula ləa kalaŋ kar sí j’ooje! Né gə́ Njemeenda lə Israɛlje wɔji-kwɔji ra lé Maji karee teḛ ra née Gə mba kar sí n’gəree!

Jeremi 44:18

Nɛ un kudee loo gə́ j’əwje rɔ sí tuu né gə́ ə̰də sululu kar mbai gə́ dené gə́ pən dara’g ləm, gə kun nékarje gə́ ka̰ saga naŋg karee ləm tɔ lé ndá néje lai lal sí ləm, kiambas, gə ɓoo-boo tuji sí pugudu ləm tɔ.

Jeremi 8:12

D’a si gə rɔkul mbata deḛ ra néje gə́ mina̰, Rɔkul ra dee el ləm, sɔḭ wa kəm dee el ləm tɔ. Gelee gə́ nee ɓa d’a koso na̰’d Gə deḛ gə́ d’oso lé ləm, N’a tɔs dee tila dee Loo gə́ n’a kar bo̰ néra dee ɔs ta dee’g ləm tɔ. Njesigənea̰ ɓa pa bèe.

Ejekel 18:25

Seḭ pajena: Rəw lə Mbaidɔmbaije to gə goo rəbee el. Seḭ gel-bɔje lə Israɛl lé maji kar sí ooje ta! See rəw lə neḛ ɓa to gə goo rəbee el wa. See to rəwje lə sí-seḭ ɓa to gə goo rəbee el lé el wa.

Ejekel 35:13

Seḭ ḭje ɔsje neḛ rəw gə tapa sí ləm, seḭ ilaje ne taje ɓəd-ɓəd dɔ neḛ’g ləm tɔ, neḛ n’oo bèe ya.

Ojee 7:16

Deḛ d’ɔs badm tel gə́ rɔ Njekurdɔloo’g el, Deḛ to d’asəna gə kag ɓandaŋg gə́ nduni koŋ-koŋ. Mbaije lə dee d’a toso ta kiambas’g Mbata kəsta gə́ rusu ta dee tub-tub lé. Yee ɓa a kar dee tel to ne nékogo mee ɓee gə́ Ejiptə’g.

Malasi 2:14

Tɔɓəi seḭ pajena: See ban wa. Mbata Njesigənea̰ lé to njekoo goo ta mbuna sí-seḭ’g gə dené ji síje gə́ seḭ taa deeje gə basa sí ba lé. Deḛ lé to gə́ njela sə síje ləm, to denéje gə́ seḭ manje rɔ sí ar deeje ləm tɔ nɛ seḭ telje uba deeje ya̰ deeje ya.

Malasi 2:17

Tapa sí lé ar Njesigənea̰ dao ne, nɛ seḭ pajena: See seḭ areeje dao ne to gə́ ban wa. To loo gə́ seḭ pajena: Nana ɓa gə́ ra né gə́ majel lé yeḛ to dəw gə́ maji kəm Njesigənea̰’g, yeḛ nja ɓa mée lelee dəa’g. Esé see Ala gə́ njegaŋgta gə goo rəbee lé si ra wa.

Malasi 3:12

Ginkoji dəwje gə raŋg lai lé d’a pa pana: Rɔlel nai sə sí ya. Mbata dɔ naŋg lə sí a to ɓee rɔlel. Njesigənea̰ gə́ njeboo-néje lé ɓa pa bèe.

Malasi 3:14

Tapa sí ɓa nee: Ra kula kar Ala to né gə́ kari ba. Koji gə́ seḭ ilaje dɔ torndumje’g lé əsé njaa gə́ seḭ njaaje gə kəmndoo mbata lə Njesigənea̰ gə́ njeboo-néje lé see ɗi ɓa seḭ iŋgaje keneŋ wa.

Malasi 3:8

See dəw a su kəm Ala wa. Mbata seḭ suje kəm ya. Nɛ seḭ pajena: See loo gə́ ra ɓa seḭ suje kəm keneŋ wa. To loo gə́ néje lə sí dɔg ɓa kəm kar sí unje təa kára arje Ala ləm, gə loo kar nékarje ləm tɔ.

Njé gə́ Rɔmə 9:20

Ǝi i yḛ̀ to dəw ɗi to ŋga ɓa mba koma̰ gə Ala wa. See jo ɓan a dəji njekubá pana: See ban ɓa i ubam togə́bè wa. See a dəji njekubá togə́bè ya wa.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.