Malasi 3:11 - Maktub gə́ To gə Kəmee

¹¹ Néje gə́ d’a gə tuji kó lə sí lé m’a ndaŋg dee mbata lə sí ndá d’a tuji dɔ kó lə sí gə́ a gə teḛ mbi lé el ləm, nduú gə́ mee ndɔje’g lə sí kara d’a lal kandə el ləm tɔ. Njesigənea̰ gə́ njeboo-néje lé ɓa pa bèe.

Malasi 3:11 ပူးပေါင်းရင်းမြစ်များ

Jeremi 8:13

Ma m’ndigi kar dee d’udu guduru, Njesigənea̰ ɓa pa bèe. Kandə nduú a godo rɔ nduú’g ləm, Kandə kodé a godo rɔ kodé’g ləma, Kam dee a ndòlé ləm tɔ, Néje lai gə́ ma m’ar dee kédé lé D’a sané pá rɔ dee’g.

Ojee 2:21

Israɛl, m’a to njemɔr ləi gə́ gəd gə́ gə no̰ ləm, M’a to njemɔr ləi gə́ gəd gə goo meekarabasur ləm, Gə goo néra gə́ gə dɔ najee ləm, Gə goo meenoji ləma, gə goo meekɔrjol ləm tɔ.

Joɛl 1:12

Kag-nduú tudu ləm, Kag-kodé unda kuji ləma, Kag-dḭ gə kag-tumbur gə kag-pɔmə Kag-sɔje lai gə́ to mee ndɔje’g ndòlé ləm tɔ. Rɔlel godo mbuna dəwje’g!

Joɛl 1:4

Né gə́ beedé-ma̰daŋje d’ya̰ ndá Beedé-booje d’o̰ lai, Né gə́ beedé-booje d’ya̰ ndá Baigo̰je d’o̰ lai, Né gə́ baigo̰je d’ya̰ ndá Lámje to̰ lém-lém tɔ.

Joɛl 1:7

Deḛ tuji kag-nduúje ləm ləm, Deḛ guru kag-kodé ləm rug-rug ləm, Deḛ tusu ŋgɔyee ŋgəu-ŋgəu d’ɔm naŋg ləma, Barkəm nduúje tel ndá pal-pal ləm tɔ.

Joɛl 2:20

M’a kɔs njéba̰je lə sí gə́ par gə́ dɔgel lé rəw no̰ sí’g ləm, M’a tuba dee par gə́ dɔdilaloo’d Gə́ tudu kurum-kurum ləm Kar deḛ gə́ njékɔrno̰ deeje D’oso dan baa-boo-kad’g par gə́ bər ləma, Kar njékaa goo deeje D’a koso dan baa-boo-kad’g par gə́ dɔ-gó ləm tɔ. D’a ndum kar nin dee ə̰də mbo̰ ləm, Ndum dee a kḭ kaar tar dan lel’g ləm tɔ Mbata deḛ ra sə sí némajelje gə́ boo.

Joɛl 2:22

Seḭ daje gə́ wala lé ɓəlje el Mbata ndag-looje gə́ dɔdilaloo’g lé D’a tel kidi gogo ləm, Kagje d’a kandə gə kandə dee njim-njim ləma, Kag-kodé gə kag-nduú d’a kar sí nébaoje lə dee ləm tɔ.

Joɛl 2:25

Tɔgərɔ ya, néje gə́ beedéje Gə baigo̰je gə lámje gə ma̰daŋje Gə́ to bao-rɔje ləm tuji mee ləbje gə́ kédé lé M’a tel ne kar sí gogo.

Amɔs 4:9

Neḛ n’ar néje lə sí wɔməs Gə wa moro ɗugugu-ɗugugu ləm, N’kunda sí gə yoo-koso gə́ nuŋga kəd-kəd ləm tɔ. Boo loo-kamnaḭje lə sí, gə nduúje lə sí, Gə kodéje lə sí, gə koiyoje lə sí lé Beedéje d’o̰ mbad-mbad. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Habakuk 3:17

Mbata kag-kodé a pudu el ləm, Kag-nduú kara ka̰dee a godo ləm, Kandə kag-koiyo a godo ləma, D’a kiŋga nésɔje gə́ mee ndɔje’g el ləm tɔ. Badje d’a godo loo-kaar dee’g ləm, Maŋgje kara a koo dee loo-sɔ-né’g lə dee el ləm tɔ.

Ajee 1:11

Neḛ n’ila loo-tudu dɔ ɓee’g gə dɔ mbalje’g ləm, gə dɔ kó’g gə mán-nduú’g, gə ubu’g ləm, gə dɔ né gə́ naŋg a kaskəm kar sí’g ləm, gə dɔ dəwje’g gə dɔ daje’g ləma, gə dɔ kulaje lai gə́ ji dəwje ra ləm tɔ.

Ajee 2:17

Neḛ n’ar rɔko̰ rɔ-kwa-moro ɗugugu-ɗugugu ləm, gə mia̰je ləma, gə ndi-kwɔji ləm tɔ tuji kó lə sí. Neḛ n’tuji kulaje lai gə́ seḭ raje gə ji sí tɔ. Nɛ lé bèe kara seḭ tel reeje rɔ neḛ Njesigənea̰’g el ya ɓəi.

Jakari 8:12

Mbata kandə néje gə́ deḛ dubu lé A teḛkɔr ləm, Nduú a kul bo̰-bo̰ gə ka̰dee ləm, Naŋg a kar dee nésɔ dee ləma, Dara a kar dee mán-tàl ləm tɔ, Bèe ɓa n’a kar ges koso-dəwje gə́ nai neelé D’al rɔ dee wɔji dɔ néje’g neelé lai ya.

Tel tura Godndu 11:14

m’a kar ndi ər mee ɓee’g lə sí gə naḭyee-naḭyee, ndi gə́ doŋgɔr ləm, gə rudu ndi ləm tɔ ndá seḭ a kinjaje dɔ kó lə sí ləm, a kiŋgaje mán-nduú lə sí ləma, gə ubu lə sí ləm tɔ,