Malasi 3:10 - Maktub gə́ To gə Kəmee

¹⁰ Njesigənea̰ gə́ njeboo-néje lé pana: Reeje gə néje lə sí dɔg kun təa kára-kára lai kəi-ŋgəm’g mba kar nésɔ to mee kəi’g ləm. See m’a kar kəm dara ɔr wuyum dɔ sí’g el wa. See m’a kar nétɔrndu taa rɔ sí pəl-pəl el wa.

Malasi 3:10 ပူးပေါင်းရင်းမြစ်များ

Gḭ-Néje 28:22

Kɔr mbal nee gə́ ma m’unda gə́ nékolé-mee lé a to kəi lə Ala ndá néje lai gə́ i a karm lé m’a kai dee loo dɔg ndá m’a kun təa kára kari ya tɔ.

Gḭ-Néje 7:11

Mee ndəa gə́ ləb Noe aḭ tɔl misa̰ (600) mee naḭ gə́ njekɔm’g joo, gə ndɔ dɔg-giree-siri lé mán bélm ḭ bwa gə́ naŋg teḛ budu-budu ləm, kəm dara ɔr wuyum gə mán ləm tɔ.

2 Mbaije 7:19

Tɔɓəi ɓé-njérɔje lé ila dəw lə Ala keneŋ pana: Ɓó lé Mbaidɔmbaije ra kəmbolèje dan dara’g ya kara see né gə́ bèe lé a teḛ ya wa. Ndá Elije ulá pana: Yeḛ a koo né neelé gə kəmee ya nɛ sɔ ɓa yeḛ a sɔ el.

2 Mbaije 7:2

Ɓé-njérɔje gə́ mbai gəd rəa dɔ jia’g lé ila dəw lə Ala keneŋ pana: Lée Njesigənea̰ ra kəmbolèje dan dara’g ya kara see né gə́ bèe lé a teḛ ya wa. Ndá Elije pana: I a koo né neelé gə kəmi ya nɛ sɔ ɓa i a sɔ el tɔ.

1 Sôrta Gḭka-Israɛlje 26:20

Mbuna Ləbije’g lé Aija ɓa to njekaa dɔ nébaoje gə́ to mee kəi’g lə Ala ləm, gə nébaoje gə́ to néje gə́ to gə kəmee ləm tɔ.

Nehemi 12:44

Mee ndəa’g neelé deḛ d’unda dəwje gə́ njékaa dɔ kəije gə́ to kəi-ŋgəm-nékarje ləm, gə kandə néje gə́ doŋgɔr ləma, gə néje gə́ kun kára mee njé gə́ dɔg’d ləm tɔ. Deḛ d’unda dee mba kar dee taa ta néje gə́ mee ndɔje gə́ gugu gir ɓee-booje to gə́ godndu wɔji mbata lə njékinjanéməsje ləm, gə Ləbije ləm tɔ lé. Mbata njé gə́ Juda d’al rɔ dee gə mba njékinjanéməsje gə Ləbije gə́ d’aar loo-kula’g lə dee

Nehemi 12:47

Mee ndəa’g lə Jorobabel gə Nehemi lé Israɛlje lai d’un ta néje lə dee d’ar njékɔspaje ləm, gə d’ar njéŋgəm takəije ləm tɔ gə ndɔ dee ndɔ dee. Deḛ d’ar Ləbije néje gə́ d’unda gə kəmee ndá Ləbije d’ar ŋgaka Aaro̰ néje gə́ d’unda gə kəmee lé tɔ.

Nehemi 13:5

ndá yeḛ unda kəi gə́ boi gə kəmee mbata lə Tobija, to kəi gə́ kédé d’unda nékarje gə́ to nduji ləm, gə néje gə́ ə̰də sululu ləm, gə nékulaje ləma, gə ta néje gə́ kun kára mee njé gə́ dɔg’d gə́ to kó gə mán-nduú gə ubu ləm tɔ keneŋ. Yee ɓa to né gə́ d’un gə goo godndu d’ar Ləbije ləm, gə njékɔspaje gə njéŋgəm takəije ləma, gə né gə́ d’ɔr dan mareeje’g mbata lə njékinjanéməsje ləm tɔ.

Pakɔsje 37:3

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Pakɔsje 78:23

Yeḛ un ndia ar kilje lə ndi Ndá yeḛ ɔr tarəw dara lé ila tag.

Njekillamber 11:3

Loo gə́ ndi il yaa̰ ndá ər dɔ naŋg nee. Ɓó lé kag oso par gə́ dɔkɔl əsé dɔgel ndá yee to lé’d gə́ yeḛ oso keneŋ lé ya tɔ.

Ejekel 34:26

N’a kar dee-deḛ gə looje gə́ gugu dɔ mbal sub lé to nétɔrnduje, n’a kar ndi ər mee naḭyee-naḭyee’g ndá a to ndi gə́ ka̰ ndutɔr.

Ejekel 44:30

Kandə kagje lai gə́ doŋgɔr ləm, gə nékarje lai gə́ seḭ a kun deeje gə́ tar ləm tɔ lé d’a to ka̰ njékinjanéməsje, seḭ a karje njékinjanéməsje nduji lə sí gə́ doŋgɔr gə mba kar ndutɔr to ne dɔ kəije’g lə sí.

Ojee 2:21

Israɛl, m’a to njemɔr ləi gə́ gəd gə́ gə no̰ ləm, M’a to njemɔr ləi gə́ gəd gə goo meekarabasur ləm, Gə goo néra gə́ gə dɔ najee ləm, Gə goo meenoji ləma, gə goo meekɔrjol ləm tɔ.

Joɛl 2:19

Njesigənea̰ ila koso-dəwje’g ləa pana: M’a kula gə kó gə mán-nduú gə́ kul gə ubu Gə mba karee as sí nag ya. Tɔɓəi m’a kya̰ loo kar ginkoji dəwje gə raŋg D’ila rɔkul dɔ sí’g bèe el ŋga.

Joɛl 2:24

Ko a taa loo-kundaje pəl-pəl ləm, Man-nduú gə́ kul gə ubu d’a rusu dura mbula Kandə-nduúje rḛ́dḛ́g-rḛ́dḛ́g ləm tɔ.

Ləbije 26:10

Seḭ a sɔje koje gə́ kal ndá seḭ a kɔrje njé’g ləw gə́ nai mba taa toree gə njé gə́ sigi.

Ləbije 26:3

Ɓó lé seḭ ilaje koji dɔ godndumje’g ləm, lé seḭ aaje dɔ godndumje kər-kər raje née ləm tɔ ndá

Ləbije 27:30

Né gə́ dɔg gə́ rara gə́ ḭ dɔ naŋg’d gə́ d’un təa kára d’ar lé lé to gə́ kandə kó əsé kandə kagje kara to ka̰ Njesigənea̰, to né gə́ to gə kəmee mbata lə Njesigənea̰ ya.

Ajee 2:19

See néje gə́ ka̰ dubu nai mee damje’g ya ɓəi wa. Kag-nduúje əsé kag-kodéje əsé kag-dḭje əsé kag-koiyoje kara d’andə el. Nɛ un kudee mee ndəaje gə́ nee lé n’a tel tɔr ndu neḛ dɔ sí’g ya.

Bula lə Israɛlje 18:21

Néje gə́ dɔg kun təa kára kára lai gə́ Israɛlje d’ar lé ma m’ar Ləbije gə́ né ka̰ dee-deḛ mbata kula gə́ deḛ ra gə́ wɔji dɔ kəi-kubu-kiŋga-na̰ lé.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Tel tura Godndu 12:6

Lée gə́ neelé ɓa seḭ a reeje keneŋ gə nékinjanéməsje lə sí gə́ ka̰ roo ləm, gə nékinjanéməsje lə sí gə́ raŋg ləm, gə néje lə sí gə́ dɔg kun təa kára kar lé ləm, gə dɔ koje lə sí gə́ doŋgɔr ləm, gə nékarje gə́ ka̰ tɔl ne ta ndukun bém lé ləm, gə nékar gə́ ka̰ kḭ gə mee kar ləma, gə ŋgandər nékulje lə sí gə́ boi-boi əsé gə́ lam-lam ləm tɔ.

Tel tura Godndu 14:22

Néje lai gə́ seḭ a kiŋgaje mee ndɔje’g lə sí mee ləbje’g kára-kára lai lé né gə́ dɔg ndá seḭ a kunje təa kára-kára karje.

Tel tura Godndu 14:29

Bèe ɓa Ləbije gə́ d’iŋga sə sí né ka̰ dee əsé nénduba el lé ləm, gə dəw-dɔ-ɓeeje ləm, gə ŋganalje ləma, gə njékəisiŋgaje ləm tɔ, gə́ d’isi mee ɓee’g lə sí lé d’a sɔ karee as dee nag-nag gə mba kar Ala lə sí gə́ Njesigənea̰ tɔr ne ndia dɔ sí’g gə dɔ kulaje lai gə́ seḭ raje gə ji sí lé tɔ.

Tel tura Godndu 28:12

Njesigənea̰ a kɔr kəm dara gə́ to loo gə́ nébaoje ləa gə́ maji dum to keneŋ kar sí gə mba kula ne gə mán ndi dɔ ɓee’g lə sí gə naḭyee-naḭyee ləm, gə mba tɔr ndia dɔ kulaje lai gə́ seḭ a raje ləm tɔ, ginkoji dəwje gə raŋg bula d’a tona sí né, nɛ seḭ a tona deeje né el.