Malasi 2:7 - Maktub gə́ To gə Kəmee

⁷ Mbata njekinjanéməs ɓa gə́ njeŋgəm ta gosonégər təa’g ləm, d’a dəji gin godndu təa-yeḛ’g nja ləm tɔ mbata yeḛ lé to njekaḭkula lə Njesigənea̰ gə́ njeboo-néje lé.

Malasi 2:7 ပူးပေါင်းရင်းမြစ်များ

2 Mbaije 16:11

Uri, njekinjanéməs unda loo-nékinjaməs neelé aree asəna béréré gə goo kwɔjee gə́ mbai Akas ar dee d’ḭ ne Damas lé. Togə́bè Uri, njekinjanéməs ra loo-nékinjaməs kédé ɓa mbai ḭ Damas tel ree ɓée ɓəi.

2 Mbaije 16:16

Uri, njekinjanéməs lé ra néje lai gə́ mbai Akas un ndia dɔ’g aree lé ya.

2 Sôrta Gḭka Israɛlje 30:22

Ejekias ula ta meḛ Ləbije’g lai gə́ gər goso ra kula lə Njesigənea̰ ndá deḛ d’usɔ nékulje gə́ d’inja dee gə́ nékinjanéməsje lé as ndɔ dee siri ndá d’inja nékinjanéməsje gə́ ka̰ kɔm na̰’d ləm, deḛ pidi ne Njesigənea̰, Ala lə bɔ deeje-je ləm tɔ.

2 Sôrta Gḭka Israɛlje 31:4

Tɔɓəi yeḛ un ndia ar koso-dəwje gə́ d’isi Jerusalem mba kar dee d’aa dɔ godndu Njesigənea̰ gə ŋgonkoji tɔ.

Esdras 7:10

Mbata Esdras lé wɔji mée’g njaŋg mba saŋg gin godndu Njesigənea̰ mba ra née ləm, mba ndoo Israɛlje godnduje gə ndukunje gə́ to keneŋ ləm tɔ.

Esdras 7:25

I Esdras lé gə goo kəmkàr lə Ala ləi gə́ to məəi’g ndá maji kari unda ne njékoogootaje ləm, gə njégaŋ-rəwtaje ləm tɔ kar dee gaŋg rəwta lə dəwje lai gə́ d’isi kel tura-baa gə́ nu, deḛ lai gə́ gər godndu Ala ləi ləm, deḛ gə́ gər el kara i a ndoo dee kar dee gər ləm tɔ.

Gosota-Kəmkàrje 5:2

Gə mba kari aa ne dɔ ta Gə́ i la̰ji toree məəi’g ləm, Mba kar tai ŋgəm ne négər ləm tɔ.

Njekillamber 5:5

Ya̰ loo gə mba kar tai ra kaiya Ila dɔi’g el ləm, Maji kari pa no̰ yeḛ gə́ Ala ulá’g pana: Ta gə́ teḛ tai’g gə́ teḛ lal gər ginee bèe lé A pa el ləm tɔ. See gelee ban ɓa Mee Ala a kḭ səa jugugu dɔ ndui gə́ i un’g Karee tuji ne kulaje gə́ jii ɓa ra lé wa.

Esai 42:19

See na̰ ɓa gə́ njekəmtɔ wa, See to gə́ kura ləm el wa. Esé na̰ ɓa to njembikudu Asəna gə njekaḭkula ləm gə́ m’ulá lé wa. See na̰ ɓa to njekəmtɔ to gə́ baokura lə Ala Esé to njekəmtɔ asəna gə kura lə Njesigənea̰ lé wa.

Esai 44:26

Ta gə́ kura ləm pa lé m’aree to njaŋg, Deḛ gə́ m’ula dee lé M’ar ta gə́ deḛ pa lé aw lée’g béréré, Ma m’pata m’wɔji dɔ Jerusalem m’pana: Dəwje d’a tel si keneŋ ɓəi ləm, M’pata wɔji dɔ ɓee-booje gə́ Juda m’pana: D’a tel gɔl dee gogo ləma, Dɔ nduba lə dee lé M’a kar dee tel d’unda gogo ləm tɔ.

Jeremi 15:19

Gelee gə́ nee ɓa Njesigənea̰ pa ne togə́bè pana: Ɓó lé ma m’naam kaar neḛ’g ndá N’a kilam keneŋ, Tɔɓəi m’a kaar no̰ neḛ’g, Ɓó lé m’ɔr kəm néje gə́ to ŋgonkəm Mbuna néje gə́ mina̰’g ndá M’a to asəna gə ta neḛ tɔ. To ta lə dee-deḛ gə mba tel ree rɔm’g Ɓó to ta ləm-ma ɓa Gə mba tel kaw rɔ dee’g el.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Ejekel 22:26

Njékinjanéməsje lə dee d’al dɔ godnduje lə neḛ d’ila ne ndɔl dɔ looje’g lə neḛ gə́ to gə kəmee ləm, deḛ d’ɔr kəm né gə́ to gə kəmee gə né gə́ ndɔl wa dəa ɓəd el ləm, deḛ d’ar dəwje gər loo to ɓəd lə né gə́ mina̰ gə né gə́ àr lé el ləm, deḛ d’un kəm dee rəw dɔ ndɔ-kwa-rɔ’g lə neḛ ləma, d’ar neḛ n’to né gə́ ndɔl wa dəa mbuna dee’g ləm tɔ.

Ejekel 7:26

Meeko̰ ree gə́ dɔ maree’g-maree’g ləm, Sor tuji teḛ orè goo na̰-na̰ ləm tɔ, Deḛ dəji njéteggintaje némḭdije, Njékinjanéməsje gər godndu el ŋga ləm, Ta kwɔji kəmkàr godo rɔ ŋgatɔgje’g ləm tɔ.

Loo gə́ killa rea kəm Daniel’g 11:33

deḛ gə́ kəmkàr lə dee ur dɔ ka̰ mar deeje lé kara d’a ndoo koso-dəwje ta kəmkàrje ləm tɔ. Nɛ njé gə́ na̰je d’a kwəi yoo-kiambas ləm, gə yoo-ndo̰ pər ləm, d’a kwa dee ɓər kaw sə dee raŋg ləma, d’a taa néje lə dee kɔg ləm tɔ.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ləbije 10:11

mba kar sí ndooje ne Israɛlje godnduje lai gə́ Njesigənea̰ ar dee gə ndu Moyis lé.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.

Ajee 1:13

Tɔɓəi Aje, njekaḭkula lə Njesigənea̰ ula koso-dəwje gə goo ndukun lə Njesigənea̰ pana: Neḛ nja n’a nai sə sí ya, Njesigənea̰ ɓa pa bèe.

Jakari 7:3

gə mba kula njékinjanéməsje gə́ mee kəi’g lə Njesigənea̰ gə́ njeboo-néje, gə njéteggintaje ləm tɔ pana: See to maji kəm kar sí no̰je mee naḭ gə́ njekɔm’g mi ləm, gə jɔgje meḛ sí ɓó ləm tɔ to gə́ jeḛ n’raje mee ləbje bula gə́ kédé lé wa.

Malasi 3:1

Aa ooje, m’a kula njekaḭkula ləm ndá yeḛ ɓa a gɔl rəw nɔm’g ndá Mbaidɔmbaije gə́ seḭ sa̰geeje lé a teḛ wai kandə kəi-siée’g. Aa ooje, njekaḭkula gə́ ka̰ manrɔ gə́ seḭ ndiŋgaje lé yeḛ si ree ya. Njesigənea̰ gə́ njeboo-néje lé ɓa pa bèe.

Bula lə Israɛlje 27:21

Yeḛ a ree kaar no̰ Eləajar gə́ to njekinjanéməs’g lé mba kar Eləajar aw no̰ Njesigənea̰’g gə mbata ləa mba karee gər ne né gə́ kəm ra gə goo né gə́ urim ɓa a tɔjee, togə́bè Josué ləm, gə Israɛlje lai ləma, gə koso-dəwje lai ləm tɔ d’a kaw gə goo ndukun lə Eləajar ləm, d’a tel ree gə goo ndukun ləa ləm tɔ.

Tagə́maji gə́ Ja̰ ndang 13:20

Ma m’ula sí təsərə, yeḛ gə́ wa dəw gə́ ma m’ulá lé gə́ rəa’g ndá nai gə́ ma nja wam gə́ rəa’g kən tɔɓəi yeḛ gə́ wam gə́ rəa’g ndá nai gə́ njekulam ya wá gə rəa’g kən tɔ.

Tagə́maji gə́ Ja̰ ndang 20:21

Jeju ula dee gɔl kára tɔɓəi pana: Maji kar sí sije gə meekulɔm. To gə́ Bɔm ulam-ma lé ma kara m’ula sí-seḭ togə́bè tɔ.

Néra Njékaḭkulaje 16:17

Yeḛ oso goo síjeḛ gə́ Pool’g ra né tar wəl-wəl pana: Dəwje neelé to kuraje lə Ala gə́ Njekurdɔloo’g gə́ d’ula sí ne ta lə rəw-kaji.

2 Njé gə́ Kɔrḭtə 5:20

Bèe ndá jeḛ lé n’to njenai gə dəwje mba Kristi, jeḛ n’taa ndu Ala m’pa ne ta j’ar dee pana: Jeḛ n’ra ndòo rɔ sí’g gə ri Kristi, maji kar sí ɔmje na̰’d yəg gə Ala ya.

Njé gə́ Galati 4:14

Rɔko̰ gə́ oso dɔm’g lé ɓa gə́ né gə́ naa sí ya nɛ seḭ imje rɔ sí dɔm’g el ləm, seḭ oomje gə́ né gə́ to kḛji el ləm tɔ. Seḭ wamje gə́ rɔ sí’g asəna gə kura lə Ala gə́ dara ləm, asəna gə Jeju Kristi ləm tɔ.

Tel tura Godndu 21:5

Tɔɓəi njékinjanéməsje gə́ to Ləbije lé d’a kaw pər gə́ keneŋ mbata Ala lə sí gə́ Njesigənea̰ mbər dee mba kar dee ra né d’aree ləm, gə mba kar dee tɔr ne ndu dee dɔ loo’g gə ri Njesigənea̰ lé ləm tɔ ndá deḛ nja ɓa d’a gaŋg rəwta dɔ tamaḭje’d gə́ rara kara ləm, gə dɔ dooje’d gə́ rara gə́ dəwje d’ar na̰ lé ləm tɔ.

Tel tura Godndu 24:8

Undaje kəmkàr dɔ rɔ sí’g wɔji dɔ doo ba̰ji gə mba kaa dɔ tandəjije lai gə́ njékinjanéməsje gə́ to Ləbije d’a gə ndəji sí gə mba kar sí raje née lé, seḭ a tɔsje kəm sí dɔ’g gə mba raje gə goo ndukunje gə́ m’un m’ar dee lé.

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.

1 Samel 2:17

Basaje neelé d’ar ta kaiya gə́ boo wa dɔ dee no̰ Njesigənea̰’g mbata néra dee ar dəwje d’ə̰ji ne nékarje lə Njesigənea̰ gə́ kḛji.