Malasi 2:6 - Maktub gə́ To gə Kəmee

⁶ Godndu gə́ ka̰ kankəmta ɓa to təa’g ləm, dəw oo ta gə́ kori-kori təa’g nda̰ el ləm tɔ. Yeḛ njaa səm na̰’d dan meelɔm’g ləm, gə dan néra gə́ danasur’g ləm tɔ. Yeḛ ar dəwje bula d’uba ne goo néra gə́ majelje lə dee d’ya̰.

Malasi 2:6 ပူးပေါင်းရင်းမြစ်များ

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Gḭ-Néje 6:9

Aa ooje, ŋgaka Noe ɓa to nee. Noe lé to nje néra gə́ danasur ləm, gə njegelgodo ləm tɔ mee ndɔje gə́ yeḛ si ne kəmba lé ya, Noe lé aa dɔ ta lə Ala kər-kər tɔ.

Pakɔsje 119:142

Meekarabasur ləi to meekarabasur gə́ to saar gə no̰ ləm, Godndui lé kara to gə́ kankəmta ya ləm tɔ.

Pakɔsje 119:151

Ǝi Njesigənea̰, i si mbɔrm’g dəb, Godnduije lai lé to kankəmta ya.

Pakɔsje 37:30

Njemeekarabasur lé təa teḛ gə ta kəmkàr ləm, Ndəa̰ kara ila mber néra gə́ gə dɔ najee ləm tɔ.

Pakɔsje 37:37

Maji kari orè kəmi sḭ dɔ yeḛ gə́ to njera né gə́ gə goo rəbee ləm, Aa loo oo yeḛ gə́ to njera né gə́ danasur ləm tɔ, Mbata dəw gə́ njemeelom lé ŋgakeaje d’a si gən ya.

Gosota-Kəmkàrje 5:2

Gə mba kari aa ne dɔ ta Gə́ i la̰ji toree məəi’g ləm, Mba kar tai ŋgəm ne négər ləm tɔ.

Jeremi 23:22

Ɓó lé deḛ d’isi keneŋ D’oo takə̰ji lə neḛ ndá D’a kar taje lə neḛ Oso mbi koso-dəwje’g lə neḛ ləm, D’a kar dee d’ɔs badm tel Dɔ rəw-kawje’g lə dee gə́ majel ləma, Gə dɔ néra meeyèrje’g lə dee ləm tɔ.

Loo gə́ killa rea kəm Daniel’g 12:3

Deḛ gə́ to njégosonégərje lé d’a ndɔḭ wər-wər asəna gə rɔndɔḭ lə dara ləm, deḛ gə́ ndoo koso-dəwje ta meekarabasur lé d’a ndogó wər-wər asəna gə kéréméje bèe gə́ kédé-kédé saar gə no̰ ləm tɔ.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Matiyo 22:16

Deḛ d’ula njékwakila deeje ləm, gə herodiḛje ləm tɔ rəa’g d’ar dee d’ulá pana: Mbai, jeḛ n’gər gao to gə́ i lé to kankəm dəw ya ləm, i ndoo dəwje kankəmta lə Ala gə goo rəbee, ɓəl ne kəm dəw kára el ləm tɔ mbata i lé rɔ dəwje gə́ raga ɓa kəmi wəi dɔ’g el.

Mark 12:14

Deḛ ree rəa’g d’un ta dəjee pana: Mbai, jeḛ n’gər gao i lé to kankəm dəw gə́ gəd ya, i to gə́ njeɓel kəm dəw kára kara el ləm, i to gə́ njekɔr kəm dəw kára kara el ləma, I ndoo dee rəw lə Ala lé gə goo rəbee ya ləm tɔ. Bèe ŋga see kuga lar-gədɓee lə Sesar lé see to né gə́ kəm ra əsé to né gə́ kəm ra el wa. See j’a kuga səa əsé j’a kuga səa el wa.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Lugu 20:21

Dəwje neelé d’un ta dəji Jeju pana: Mbai, jeḛ n’gər gao tapai gə ta gə́ i ndoo dee lé to danasur ya, i ɔr kankəmta ya ndoo dee ne rəw lə Ala ɓó ɔr kəm dəw kára el.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

Tel tura Godndu 33:10

Deḛ ndoo Jakob tornduje ləi ləm, Deḛ ndoo Israɛlje godnduije ləm tɔ, Deḛ d’ɔm né gə́ ə̰də sululu əmi’g ləm, Deḛ d’inja nékinjanéməsje gə́ ka̰ roo dɔ loo-nékinjaməs’g ləi ləm tɔ.

Tel tura Godndu 33:8

Yeḛ pata dɔ ginkoji Ləbije’g pana: Tumimje gə Urimje lé D’ɔm ji dəw gə́ to njemeenda’g, Gə́ i aḭ mee loo gə́ Masa’g ləm, Gə i oma̰ səa ta mán gə́ Meriba’g ləm tɔ.

Tel tura Godndu 33:9

Ləbije pata lə bɔ deeje gə ko̰ deeje pana: Jeḛ j’oo deeje el! Deḛ d’ɔr kəm ŋgako̰ deeje ləm, Deḛ gər ŋgan deeje el ləm tɔ, Mbata deḛ lé d’aa dɔ taje ləi ləm, D’aa dɔ manrɔ ləi kər-kər ləm tɔ.

Loo gə́ killa rea kəm Ja̰’g 14:5

D’oo taŋgɔm kára kara ta dee’g el mbata deḛ to dəwje gə́ ta kára kara wa dɔ dee el.

1 Samel 2:12

Ŋgalə Eli lé to njéra néje gə́ kori-kori ləm, deḛ gər Njesigənea̰ el ləm tɔ.