Malasi 2:5 - Maktub gə́ To gə Kəmee

⁵ Manrɔ gə́ ma man rɔm m’aree lé to manrɔ gə́ ka̰ kəmə ləm, gə ka̰ meekulɔm ləm tɔ gə́ ma m’aree gə mba karee ɓəlm ne ndá yeḛ ɓəlm ne ya ləm, yeḛ unda ne bala no̰ rim’g ya ləm tɔ.

Malasi 2:5 ပူးပေါင်းရင်းမြစ်များ

Pakɔsje 61:5

Ma m’ndigi si mee kəi-kubu’g ləi saar gə nɔm Gə mba kula ne dɔm pḛ́ ndil bagije’g

Gosota-Kəmkàrje 14:2

Dəw gə́ njaa rəw gə́ danasur lé Ɓəl Njesigənea̰, Nɛ yeḛ gə́ un rəw gə́ nduni koŋ-koŋ lé Ee gə́ né el.

Ejekel 34:25

N’a manrɔ neḛ mba kar dee d’isi ne gə meelɔm ləm, n’a kar daje gə́ majel godo mee ɓee’g neelé ləm tɔ. D’a si dɔdilaloo’d gə́ majee ləm, d’a toɓi mee kag-kɔr’d gə́ majee ləm tɔ.

Ejekel 37:26

N’a manrɔ neḛ gə manrɔ gə́ ka̰ meelɔm kar dee ndá manrɔ gə́ to gə no̰ a to mbuna neḛ sə deeje’g. N’a kunda dee tor dee’g ləm, n’a kar bula lə dee ḭ dɔ maree’d gə́ kédé-kédé ləma, n’a kar loo lə neḛ gə́ to gə kəmee to dan dee’g saar gə no̰ ləm tɔ.

Bula lə Israɛlje 25:7

Loo gə́ Pines, ŋgolə Eləajar gə́ to ŋgolə Aaro̰ gə́ njekinjanéməs lé oo togə́bè ndá yeḛ ḭta mbuna koso-dəwje’g neelé tɔɓəi yeḛ un niŋga jia’g tɔ.

Bula lə Israɛlje 25:8

Yeḛ ndolè goo diŋgam gə́ Israɛl lé saar teḛ mee kəi-kubu’g ləa ndá yeḛ tɔs dee gə niŋga joo bɔr gel kum dee’g, diŋgam gə́ Israɛl ləm, gə dené lé ləm tɔ. Togə́bè ɓa gin yoo-koso lé gaŋg ne ŋgəji mbuna Israɛlje’g.

Bula lə Israɛlje 3:45

Ɔr Ləbije tor ŋgandər Israɛlje’g lai ləm, gə nékulje lə Ləbije tor nékulje’g lə dee ləm tɔ, ndá Ləbije lé d’a to kamaje ya doŋgɔ doi. Ma m’to Njesigənea̰.

Bula lə Israɛlje 8:15

Gée gə́ gogo ndá Ləbije lé d’a ree gə mba ra kula mee kəi-kubu-kiŋga-na̰’g. Yee gə́ bèe ɓa i a kɔr ne won dee ləm, i a kar dee tel ne rɔ dee yo gə́ nee asəna gə nékar ləm tɔ.