Malasi 2:3 - Maktub gə́ To gə Kəmee

³ Aa ooje, m’a tuji ŋgaka síje ləm, m’a ɓugu siḭ kəm sí’g ləm tɔ, to siḭ nékulje gə́ seḭ inja deeje gə́ məs lé ya ndá d’a kodo sí-seḭ sə deeje na̰’d kɔm sí kɔrɔ.

Malasi 2:3 ပူးပေါင်းရင်းမြစ်များ

1 Mbaije 14:10

Gelee gə́ nee ɓa m’a gə kar meeko̰ oso ne dɔ kəi’g lə Jeroboam ya, dəw gə́ rara gə́ to ka̰ Jeroboam lé, lé yeḛ gə́ to ɓər əsé ŋgonkoji gə́ mee ɓee’g lə Israɛlje kara m’a karee udu bo̰, tɔɓəi m’a kwa mee kəi lə Jeroboam rəw-rəw to gə́ d’wa ne ɓiri-ɓisije saar d’ar dee godo bèe.

Maktub gə́ wɔji dɔ Jɔb 20:7

Yeḛ a tuji gə no̰ to gə́ ɓiriɓisi ləa bèe ləm, Deḛ gə́ d’ée kédé kara d’a dəji pana: See yeḛ lé əd ra ŋga nee wa.

Pakɔsje 47:5

Yeḛ unda kəm nénduba lə sí ar sí, Yee ɓa to rɔnduba lə Jakob gə́ yeḛ undá dan kəmee’g.

Pakɔsje 83:10

Maji kari ra sə dee to gə́ i ra gə Madian gə Sisera Gə Jabḭ mbɔr mán gə́ Kiso̰’g bèe ya.

Teḛ-Raga 29:14

Nɛ dakasrɔ bɔ maŋg ləm, gə ndaree ləma, gə siḭyee ləm tɔ lé i a roo dee gir loo-si dee’g raga, yee neelé ɓa to nékinjaməs gə́ ka̰ kuga dɔ kaiya tɔ.

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Joɛl 1:10

Mee ndɔje wa ŋgɔ njag-njag ləm, Kəm dɔ naŋg to ndòo ləm tɔ, Mbata kó tuji ləm, Man-nduú gə́ kul yi tə-tə ləma, Ubu kara godo ləm tɔ.

Joɛl 1:17

Kandə koje tudu naŋg kurum-kurum ləm, Mee damje to wəl ləm, Kəi-ŋgəm-néje tuji pugudu-pugudu ləma, Ko gə́ lam bèe kara godo ləm tɔ.

Ləbije 26:16

aa ooje, né gə́ m’a gə ra sə sí ɓa nee: M’a kula gə néɓəlje, gə rɔko̰ gə́ sɔ siŋga dəw, gə rɔnuŋga dɔ sí’g ndá kəm sí a to ne ndòo ləm, seḭ a síje dan némeeko̰’g ləm tɔ, seḭ a dubuje né ya nɛ a kiŋgaje née el mbata njéba̰je lə sí d’a sɔ lai.

Nahum 3:6

N’a kɔm néje gə́ mina̰ dɔ sí’g Mba kar sí tel toje ne né gə́ to kḛji ləm, N’a kar sí tel toje némbo̰ kəm sɔmɔmo̰ dɔ’g ləm tɔ.

Malasi 2:9

Bèe ndá ma lé m’a kar sí tel toje dəwje gə́ to kḛji ləm, gə dəwje gə́ əḭ el ləm tɔ kəm dəwje’g lai mbata seḭ njaaje gə goo rəwje ləm el ləm, loo gə́ seḭ tegje gin godndu lé ndá seḭ ɔrje ne kəm dəwje keneŋ ləm tɔ.

Lugu 14:35

Lée d’ɔm dɔ naŋg’d loo kára ba ndá naŋgee a majel ləm, əsé dɔ ɓiri-ɓisi’g kara majel ləm tɔ, nɛ d’a kunda gə mee loo pə-pə ɓa. Nana ɓa gə́ mbia to gən ndá maji karee ur mbia oo ne ta nee ya.

1 Njé gə́ Kɔrḭtə 4:13

deḛ d’unda ta ta sí’g nɛ jeḛ j’ula dee ta gə meḛ sí gə́ maji ləm tɔ. Jeḛ n’tel n’to gə́ ɓiri-ɓisi lə njé gə́ naŋg nee ləm, gə ya̰-néje lai gə́ dəwje saa d’ɔm kɔrɔ ləm tɔ.

Tel tura Godndu 28:38

Seḭ a kodoje kó né yaa̰ mba kaw dubu nɛ seḭ a kinjaje lam ba bèe mbata beedéje d’a ko̰ lai.