Malasi 2:16 - Maktub gə́ To gə Kəmee

¹⁶ Njesigənea̰ Ala lə Israɛlje lé pana: Tḭ gə́ dəw tḭ gə dené ləa ləm, gə yeḛ gə́ ar ta néra gə́ kərm-kərm wa dəa ləm tɔ lé to kḛji kəm neḛ’g. Njesigənea̰ gə́ njeboo-néje lé ɓa pa bèe. Bèe ndá arje ndil sí dəb jèr keneŋ ɓó uba deeje ya̰ deeje el.

Malasi 2:16 ပူးပေါင်းရင်းမြစ်များ

Pakɔsje 73:6

Gelee gə́ nee ba ti-rɔ to gə́ mər kila gwɔs dee’g ləm, Néra gə́ kərm-kərm ɓa to gə́ kubu gə́ dolè rɔ dee yul-yul bèe ləm tɔ.

Gosota-Kəmkàrje 28:13

Dəw gə́ iya dɔ nékaltaje ləa lé a teḛkɔr el, Nɛ yeḛ gə́ tegginee gə́ raga ləm uba ya̰ ləm tɔ ndá Iŋga meekoso lemsé.

Gosota-Kəmkàrje 5:20

Ŋgonəm, see ban ɓa i ar mal kaiya-dené Rai ŋgwɔd-ŋgwɔd wa. Ar mal to gə dené gə́ raŋg Rai togə́bè ləm tɔ wa.

Esai 28:20

Tira a gwɔji ɗugusu ba as ndɔji rɔ keneŋ el ləm, Pal-kubu kila dɔ’g kara a pèrèrè ba as kə́ ne rɔ el ləm tɔ.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 59:6

Jámje lə dee lé D’askəm kṵji gə́ kubu el ləm, Nékula lə dee lé D’askəm kɔn ne rɔ dee el ləm tɔ, Kulaje lə dee to kulaje gə́ gə dɔ najee el ləm, Néra gə́ kərm-kərm lə dee to meḛ ji dee’g ləm tɔ.

Lugu 16:18

Nana ɓa gə́ tuba dené ləa gə mba taa dené gə́ raŋg ndá ta mɔdkaiya wa dəa ya. Tɔɓəi nana ɓa gə́ taa dené gə́ ŋgabeeje tubá lé ndá ta mɔdkaiya wa dəa ya tɔ.

1 Njé gə́ Kɔrḭtə 7:10

Deḛ gə́ taa na̰ mba̰ lé torndu Mbaidɔmbaije ɓa m’ula dee ɓó to torndum el. Maji kar dené tḭ gə ŋgabeeje el.