Malasi 2:12 - Maktub gə́ To gə Kəmee

¹² Dəw gə́ ra né gə́ togə́bè lé maji kar Njesigənea̰ ɔree gə́ raga. Maji kar Njesigənea̰ ɔree-yeḛ gə njé’g ləa lai mee kəi-kubuje’g lə Jakob ya karee un nékarnoji ar Njesigənea̰ gə́ njeboo-néje lé el.

Malasi 2:12 ပူးပေါင်းရင်းမြစ်များ

1 Sôrta Gḭka-Israɛlje 25:8

Deḛ ra nékwɔji lé d’wɔji ne dɔ loo kula lə dee lə dee, deḛ gə́ nai gɔ-gɔ gə deḛ gə́ tɔg-tɔg ləm, gə njéndoo mar deeje né əsé njéndoo néje ləm tɔ.

Esai 61:8

Mbata ma Njesigənea̰ m’unda néra gə́ gə dɔ najee dan kəm’g Ndá m’ə̰ji ɓogo gə néra gə́ kori-kori bəḭ-bəḭ, M’a kar dee nékoga-dɔ-ji dee gə goo rəbee ləm, Ma jeḛ sə deeje j’a manrɔ sí kar na̰ Gə manrɔ gə́ to gə no̰ ləm tɔ.

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Ejekel 14:10

Togə́bè ɓa néra gə́ kori-kori lə dee lé d’a kuba pəree, ta gə́ a kwa dɔ njetegginta lé a kaw na̰’d béréré gə ka̰ yeḛ gə́ njedəjee ta lé to

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ojee 9:12

Ɓó lé d’odo ŋgan deeje kara M’a taa dee ji dee’g kédé ɓó d’a tɔg el, Meeko̰ a koso dɔ dee’g loo gə́ m’a kuba dee kya̰ dee lé.

Ləbije 18:29

Mbata deḛ lai gə́ ra né kára mbuna néje gə́ to kḛji’g neelé ndá d’a kɔr dee mbuna koso-dəwje’g lə Israɛl ya.

Ləbije 20:3

Tɔɓəi ma lé m’a kun kəm rəw dɔ dəw’g neelé mba kɔree ne mbuna koso-dəwje’g ləa mbata yeḛ wa ŋgon mee kára ar magə-Molok ləm, yeḛ ila ndɔl dɔ kəi’g ləm gə́ to gə kəmee ləma, yeḛ ar rim-ma gə́ to gə kəmee lé kara tel to né gə́ gə mḭdé ləm tɔ.

Amɔs 5:22

Loo gə́ seḭ injaje nékinjanéməsje lə sí Gə́ ka̰ roo arje neḛ Esé reeje gə nékar lə sí Gə́ to gə́ nduji kó bèe lé Rɔ neḛ lel neḛ dɔ’g el ləm, Bɔ maŋgje lə sí gə́ rɔ dee to ndəb-ndəb Gə́ seḭ inja deeje gə́ məs Gə́ wɔji dɔ kɔm na̰’d lé kara Neḛ n’un kəm neḛ dɔ’g rəw ya ləm tɔ.

Jakari 12:7

Njesigənea̰ a kaji njérɔje gə́ Juda kédé ɓa gə mba kar rɔnduba lə gel-bɔje lə Dabid ləm, gə rɔnduba lə njé gə́ Jerusalem ləm tɔ lé ur dɔ ka̰ Judaje’g el.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Malasi 1:13

Seḭ pajena: Seḭ daoje ne yaa̰! Tɔɓəi seḭ unje kəm sí dəa’g rəw, Njesigənea̰ gə́ njeboo-néje lé ɓa pa bèe. Nɛ lé bèe kara seḭ reeje gə daje gə́ seḭ ɓogoje ləm, əsé gə́ d’oso məd ləma, əsé gə́ rɔ dee to dee ləm tɔ, yee ɓa gə́ nékinjanéməsje gə́ seḭ reeje ne! See m’askəm taa ji sí’g wa. Njesigənea̰ gə́ njeboo-néje lé ɓa dəji sí togə́bè.

Malasi 2:10

Jeḛ lai lé see bɔ síje to gə́ kára ba kiao el wa. See Ala ya kára ba kiao ɓa to gə́ njekunda sí el wa. Ŋga see gelee ban ɓa jeḛ j’ərje kəm na̰ j’ulaje ne sul dɔ manrɔ’g lə bɔ síje-je lé ɓəi wa.

Bula lə Israɛlje 24:5

Ǝi Jakob, kəi-kubuje ləi lé maji péd-péd! Ǝi Israɛl, loo-siije kara to bèe ya to!

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

2 Timote 3:13

Nɛ dəwje gə́ njémeeyèrje ləm, gə njékəstaje ləm tɔ lé néra dee gə́ majel a kal dɔ loo gə́ kédé-kédé. D’a sula ne mar deeje kar dee ndəm ne ləm, darɔ dee-deḛ nja kara d’a kigi ne pá ləm tɔ.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.

1 Samel 3:14

Gelee gə́ nee ɓa ma man ne rɔm m’ar njémeekəije lə Eli to gə́ nékinjanéməsje əsé nékarje kara d’a kɔr ta néra gə́ kərm-kərm lə njémeekəije lə Eli lé dɔ dee’g pai godo.