Malasi 2:1 - Maktub gə́ To gə Kəmee

¹ Ɓasinè seḭ njékinjanéməsje lé ta ndəji kɔr neelé wɔji dɔ sí-seḭ ya.

Malasi 2:1 ပူးပေါင်းရင်းမြစ်များ

Jeremi 13:13

Yen ŋga m’a kula dee pana: Njesigənea̰ pa togə́bè pana: Aa ooje, dəw-mee-ɓeeje ləm, gə mbaije gə́ d’isi dɔ kalimbai’g lə Dabid ləm, gə njékinjanéməsje ləm, gə njéteggintaje ləma, gə deḛ lai gə́ d’isi Jerusalem ləm tɔ lé n’a kar dɔ dee tel wagəsa asəna gə dəw gə́ mán-nduú gə́ mḭ rəa bèe.

Nɔ̰-ndôo gə́ wɔji dɔ Jerusalem 4:13

Gelee wɔji ne dɔ kaiya ra njéteggintaje ləa ləm, Gə néra kori-kori lə njékinjanéməsje ləa Gə́ d’ila məs njémeekarabasurje naŋg Kari ba lé ləm tɔ.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Malasi 1:14

Njesukəmloo gə́ bàl nékul ləa aar mbuna mareeje’g nɛ yeḛ yá̰ un nékul gə́ unda ndolè ɓa ar Mbaidɔmbaije ndá ndɔl yoo a nai dəa’g ya. Mbata ma lé m’to gə́ mbai gə́ boo. Njesigənea̰ gə́ njeboo-néje lé ɓa pa bèe. Rim to ɓəl yaa̰ mbuna ginkoji dəwje gə raŋg’g ya.

Malasi 1:6

Ŋgon lé ila koji dɔ bɔbeeje’g ləm, ŋgonjelookisi kara ila koji dɔ ɓéeje’g ləm tɔ. Ɓó lé ma m’to gə́ bɔ dəwje ndá see koji gə́ wɔji dɔ’m lé to ra wa. Ɓó lé ma m’to gə́ ɓée deeje ndá see loo gə́ ra ɓa deḛ ɓəlm keneŋ wa. Njesigənea̰ gə́ njeboo-néje lé pa bèe ar sí-seḭ njékinjanéməsje, seḭ gə́ ə̰jije rim bəḭ-bəḭ lé. Tɔɓəi seḭ pajena: See loo gə́ ra ɓa seḭ ə̰jije rim bəḭ-bəḭ keneŋ wa.

Malasi 2:2

Njesigənea̰ gə́ njeboo-néje lé pana: Ɓó lé seḭ ooje ta el ləm, əsé arje ta kula rɔnduba dɔ rim’g lé wa dɔɓəŋgərə sí el ləm tɔ ndá m’a kar ndɔl oso mbuna sí’g ləm, m’a kila ndɔl dɔ nétɔrnduje’g lə sí ləm tɔ. Oiyo, m’a kila ndɔl dɔ’g ya mbata seḭ arje taree wa dɔɓəŋgərə sí el.