Malasi 1:9 - Maktub gə́ To gə Kəmee

⁹ Ɓasinè lé maji kar sí raje tamaji ta Ala’g lé mba karee oo kəm sí lootondoo’g ya! To seḭ ya ɓa né gə́ togə́bè lé ḭ rɔ sí’g. See yeḛ a kwa sí gə́ rəa’g gə meendakaḭ wa. Njesigənea̰ gə́ njeboo-néje lé ɓa dəji sí togə́bè.

Malasi 1:9 ပူးပေါင်းရင်းမြစ်များ

2 Sôrta Gḭka Israɛlje 30:27

Njékinjanéməsje gə Ləbije d’ḭta tɔr ndu dee dɔ koso-dəwje’g ndá ndu dee ɓar wəl ar tamaji ra lə dee aw njal teḛ dara saar teḛ kəi’g lə Njesigənea̰ gə́ to gə kəmee lé tɔ.

Teḛ-Raga 32:11

Moyis ra ndòo rɔ Njesigənea̰ Ala’g ləa pana: Ǝi Njesigənea̰, see ban ɓa oŋg ləi a kḭ səi jugugu dɔ koso-dəwje’g ləi, deḛ gə́ i ar dee d’unda loo mee ɓee gə́ Ejiptə teḛ lé gə goo siŋgamoŋ ləi ləm, gə goo ji siŋgamoŋ ləi gə́ ɓar mèr-mèr ləm tɔ lé wa.

Jeremi 26:19

See Ejekias, mbai gə́ Juda gə koso-dəwje lai gə́ Juda tɔlee wa. See Ejekias ɓəl Njesigənea̰ el wa. See yeḛ ra ndòo rɔ Njesigənea̰’g el wa. Bèe ɓa Njesigənea̰ ya̰ ne goo némajel gə́ yeḛ pa taree wɔji ne dɔ dee lé. Ŋga see jeḛ lé j’a ra kaiya gə́ boo bèe kila ne ta dɔ sí’g wa.

Jeremi 27:18

Ɓó lé deḛ to njéteggintaje ləm, ta lə Njesigənea̰ nai meḛ dee’g ləm tɔ ndá maji kar dee ra ndòo rɔ Njesigənea̰ gə́ njeboo-néje gə mba kar nékulaje gə́ nai mee kəi’g lə Njesigənea̰ ləm, gə mee kəi’g lə mbai gə́ Juda ləma, gə mee ɓee-boo gə́ Jerusalem ləm tɔ lé d’a kaw ne Babilɔn el.

Nɔ̰-ndôo gə́ wɔji dɔ Jerusalem 2:19

Ḭta gə gel-kàr Ar ndu tuma̰ ləi ɓar wəl! Né gə́ to dɔ ɓəŋgəri’g lé Teḛ ne gə́ raga to gə́ mán bèe no̰ Njesigənea̰’g. Ula jii par gə́ rəa’g Mba kar ŋganije gə́ d’isi d’wəi yoo-ɓoo gə kag-rəwje lé D’isi ne kəmba!

Joɛl 2:12

Njesigənea̰ pa tɔɓəi pana: Ɓasinè lé, gə́ telje reeje rɔm’g gə ŋgaw meḛ sí bura ləm, Gə kɔg-mee-ɓoo ləm, gə no̰ ləma, Gə no̰ sii mbigi-mbigi ləm tɔ.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Amɔs 5:22

Loo gə́ seḭ injaje nékinjanéməsje lə sí Gə́ ka̰ roo arje neḛ Esé reeje gə nékar lə sí Gə́ to gə́ nduji kó bèe lé Rɔ neḛ lel neḛ dɔ’g el ləm, Bɔ maŋgje lə sí gə́ rɔ dee to ndəb-ndəb Gə́ seḭ inja deeje gə́ məs Gə́ wɔji dɔ kɔm na̰’d lé kara Neḛ n’un kəm neḛ dɔ’g rəw ya ləm tɔ.

Tagə́maji gə́ Ja̰ ndang 9:31

Jeḛ n’gər gao, Ala udu mbia dɔ tamaji lə njékaiyaje ya, nɛ nana ɓa ɓó lé yeḛ ila ne riɓar dəa’g ləm, ra torndia ləm tɔ ndá yeḛ taa ta ləa rəgm ya.

Njé gə́ Rɔmə 2:11

Mbata no̰ Ala’g lé d’a kɔr kəm dəw kára kara keneŋ el.

1 Piɛrə 1:17

Yeḛ gə́ ɔr kəm ta lə nana kara gə goo kula rəa ɓó ɔr kəm dəw el lé ɓó lé seḭ ɓareeje Bɔ síje ndá njaaje gə meekaarkərm loo gə́ seḭ naije gə mbáje dɔ naŋg nee ɓəi.