Malasi 1:8 - Maktub gə́ To gə Kəmee

⁸ Loo gə́ seḭ waje nékul gə́ kəmee tɔ gə́ nékinjaməs lé see to né gə́ majel el wa. Loo gə́ seḭ waje nékul gə́ oso məd əsé yee gə́ rəa tée kara see to né gə́ majel el wa. Waje nékul gə́ bèe arje njeguburuɓee lə sí ooje. See yeḛ a taa ji sí’g gə rɔlel ya wa. See yeḛ a kwa sí gə́ rəa’g gə́ majee wa. Njesigənea̰ gə́ njeboo-néje lé ɓa dəji sí togə́bè.

Malasi 1:8 ပူးပေါင်းရင်းမြစ်များ

Maktub gə́ wɔji dɔ Jɔb 42:8

Maji kar sí twaje bɔ maŋgje siri ləm, gə bàl badje siri ləm tɔ, awje ne rɔ kura’g ləm Jɔb gə́ nékinjaməs gə́ ka̰ roo gə mbata lə sí-seḭ ya. Ndá kura ləm Jɔb a ra tamaji mbata lə sí mbata mbɔl dɔ Jɔb lé ɓa m’a ra ne sə sí gə goo némbə lə sí lé el. Mbata seḭ paje ta ləm gə goo rəbee to gə́ kura ləm Jɔb pa lé el.

Pakɔsje 20:3

Yeḛ gə́ loo-siée to gə kəmee doi dɔ mbal gə́ Sio̰ lé Maji karee ula gə né la səi ari ləm, gə négədi ari ləm tɔ.

Jeremi 14:10

Aa ooje, ta gə́ Njesigənea̰ pa wɔji ne dɔ koso-dəwje neelé pana: Deḛ ndigi kaḭ gə́ yo gə́ nee ɓó dee gər loo kwa ŋgaŋ rɔ dee naŋg el. Njesigənea̰ ɔm dee’g el ləm, yeḛ ar mée olé ɓasinè dɔ néramajelje’g lə dee ləma, yeḛ ar bo̰ néra kaiyaje lə dee ɔs ta dee’g ləm tɔ.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Malasi 1:7

Seḭ reeje gə nésɔje gə́ mina̰ loo-nékinjaməs’g ləm ndá seḭ pajena: See seḭ ulaje ne sul dɔm’g to gə́ ban wa. To loo gə́ seḭ pajena: Loo nékinjaməs lə Njesigənea̰ lé to né gə́ to kḛji.

Tel tura Godndu 15:21

Ɓó lé rəa ya̰ maree əsé to njemədə əsé kəmee tɔ əsé néje tila rəa’g ndá seḭ a kuneje gə́ nékinjaməs karje Ala lə sí gə́ Njesigənea̰ el.