Malasi 1:6 - Maktub gə́ To gə Kəmee

⁶ Ŋgon lé ila koji dɔ bɔbeeje’g ləm, ŋgonjelookisi kara ila koji dɔ ɓéeje’g ləm tɔ. Ɓó lé ma m’to gə́ bɔ dəwje ndá see koji gə́ wɔji dɔ’m lé to ra wa. Ɓó lé ma m’to gə́ ɓée deeje ndá see loo gə́ ra ɓa deḛ ɓəlm keneŋ wa. Njesigənea̰ gə́ njeboo-néje lé pa bèe ar sí-seḭ njékinjanéməsje, seḭ gə́ ə̰jije rim bəḭ-bəḭ lé. Tɔɓəi seḭ pajena: See loo gə́ ra ɓa seḭ ə̰jije rim bəḭ-bəḭ keneŋ wa.

Malasi 1:6 ပူးပေါင်းရင်းမြစ်များ

Pakɔsje 123:2

Aa oo, to gə́ kəm kuraje lé wəi sḭ dɔ ji ɓée deeje’g ləm, To gə́ kəm kura gə́ dené wəi sḭ dɔ ji ɓéeje gə́ dené bèe ləm tɔ lé Jeḛ nja kara n’telje ne kəm sí par gə́ rɔ Njesigənea̰ Ala’g lə sí togə́bè to Saar gə mba karee oo ne kəmtondoo lə sí.

Teḛ-Raga 20:12

I a təd kag bauije gə kɔḭije mba kar dɔ naŋg nee gə́ Ala ləi gə́ Njesigənea̰ ari si keneŋ lé yeḛ a kɔm ndɔje ləi dɔ maree’g kari ya.

Gosota-Kəmkàrje 17:6

Ŋgan-meḛ-ŋgan deeje lé to dɔgugu lə ɓugaje ləm, Bɔ-ŋganje lé to nérɔnduba lə ŋgan deeje ləm tɔ.

Gosota-Kəmkàrje 30:11

Ginkoji dəwje gə́ na̰je d’isi gən Gə́ to njekila ndɔl dɔ bɔ deeje’g ləm, D’ila riɓar dɔ ko̰ deeje’g el ləm tɔ.

Gosota-Kəmkàrje 30:17

Dəw gə́ ndaji ndu bɔbeeje kogo ne ləm, Ŋgonkoji gə́ kəm kila dɔ kea̰je’g kara Yeḛ ula sul dɔ’g ləm tɔ lé Ga̰-ga̰je gə́ d’isi mbuna kəm-rəw-manje’g mbuna mbalje’g lé D’a tɔr guburu kəmee ləm, ŋgan niŋgatə̰dəje d’a səa ləm tɔ.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 43:23

Seḭ amje badje gə́ nékinjaməs gə́ ka̰ roo el ləm, Seḭ ulaje rɔnduba dɔm’g gə nékinjanéməsje lə sí el ləm tɔ. Ma lé m’jɔg sí mbata lə nékarje gə́ to nduji lé el ləm, Ma m’ar sí daoje gə mbata né gə́ ə̰də sululu el ləm tɔ.

Esai 45:10

Meeko̰ a koso dɔ dəw gə́ dəji bɔbeeje pana: See gelee ban ɓa i ojim wa. Gə yeḛ gə́ dəji kea̰je pana: See ban ɓa i turum ilam naŋg wa.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Esai 64:8

Ǝi Njesigənea̰, ar oŋg ləi al dɔ loo sula el, Ar məəi olé dɔ néra majelje’g lə sí saar-saar el, Aa oo, jeḛ n’toje gə́ dəwje ləi ya.

Jeremi 23:11

Njéteggintaje gə njékinjanéməsje Tel to dəwje gə́ mina̰. Mee kəi’g lə neḛ ya kara N’iŋga meeyèr lə dee keneŋ, Njesigənea̰ ɓa pa bèe.

Jeremi 3:4

Un kudee ɓasinè lé See seḭ ɓarmje pajena: Bɔ síje, i gə́ to kuramar sí Gə kas sí ba lé el wa.

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Jeremi 35:16

Tɔgərɔ, ŋgalə Jonadab gə́ to ŋgolə Rekab lé d’aa dɔ ndukun gə́ bɔ deeje un ar dee lé kər-kər nɛ koso-dəwje neelé d’un mbi dee rəw dɔ ta’g ləm.

Ejekel 22:26

Njékinjanéməsje lə dee d’al dɔ godnduje lə neḛ d’ila ne ndɔl dɔ looje’g lə neḛ gə́ to gə kəmee ləm, deḛ d’ɔr kəm né gə́ to gə kəmee gə né gə́ ndɔl wa dəa ɓəd el ləm, deḛ d’ar dəwje gər loo to ɓəd lə né gə́ mina̰ gə né gə́ àr lé el ləm, deḛ d’un kəm dee rəw dɔ ndɔ-kwa-rɔ’g lə neḛ ləma, d’ar neḛ n’to né gə́ ndɔl wa dəa mbuna dee’g ləm tɔ.

Ojee 12:8

Eprayimje to njételkəmlarje Gə́ nékwɔji kwɔi lə né gə́ gə goo rəbee el ɓa to ji dee’g, Su kəm loo ɓa deḛ ndigi

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Ləbije 19:3

Nana kara gə́ mbuna sí’g lé a təd kag kea̰ gə bɔbee ləm, a kaa dɔ ndɔ ndɔ-kwa-rɔje ləm kər-kər ləm tɔ. Ma m’to Njesigənea̰, Ala lə sí ya.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.

Malasi 2:1

Ɓasinè seḭ njékinjanéməsje lé ta ndəji kɔr neelé wɔji dɔ sí-seḭ ya.

Malasi 2:10

Jeḛ lai lé see bɔ síje to gə́ kára ba kiao el wa. See Ala ya kára ba kiao ɓa to gə́ njekunda sí el wa. Ŋga see gelee ban ɓa jeḛ j’ərje kəm na̰ j’ulaje ne sul dɔ manrɔ’g lə bɔ síje-je lé ɓəi wa.

Malasi 2:8

Nɛ seḭ lé seḭ ubaje rəbee ya̰je ləm, seḭ arje godndu lé tel to nétuga gɔl lə dəwje bula kar dee d’oso ləma, seḭ tujije manrɔ ka̰ Ləbi ləm tɔ. Njesigənea̰ gə́ njeboo-néje lé pa bèe.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Matiyo 15:4

Mbata Ala lé pana: Təd kag bɔbije gə kɔinje. Tɔɓəi dəw gə́ a kɔr gə bɔbeeje əsé kea̰je ndá debee neelé kəm tɔlee gə́ tɔl ya.

Matiyo 15:6

Seḭ nja unje néjiɓee lə sí tujije ne ta lə Ala lé pugudu.

Matiyo 19:19

i a tədkag bɔbije gə kɔinje ləma, i a kunda mari dan kəmi’g to gə́ i ra ne gə darɔi bèe ləm tɔ.

Matiyo 6:9

Seḭje lé maji kar ndukwɔi lə sí ɓa to nee: Bɔ síjeḛ, i gə́ sí rudu dara’g, Maji kar rii to gə kəmee ɓəd ləm,

Matiyo 7:21

Dəwje gə́ ɓar rim pana: Mbai, Mbai lé d’a teḛ ɓeeko̰ gə́ dara lai el. Nɛ yeḛ gə́ ra torndu Bɔm gə́ sí dara aree ɔr rɔd ndá yeḛ nja ɓa a teḛ keneŋ.

Mark 10:19

I gər ta godnduje lai gə́ pana: I a ndal mɔdkaiya el ləm, i a tɔl dəw el ləm, i a ɓogo el ləm, i a təd taŋgɔm kunda ta mari’g el ləma, i a buguru mari el ləm tɔ, tədjekag bɔbije gə kɔinje.

Mark 7:10

Mbata Moyis pana: Təd kag bɔbije gə kɔinje, dəw gə́ ɔr gə bɔbeeje əsé kea̰je ndá d’a tɔlee gə́ tɔl ya.

Lugu 10:29

Nɛ dəw neelé tel dəji Jeju gə mba kɔr ne rɔkul ta neelé dəa’g pana: See na̰ ɓa gə́ njemarm wa.

Lugu 18:20

I gər ta godnduje maji ya. Mbata godndu lé pana: I a ndal mɔdkaiya el ləm, i a tɔl dəw el ləm, i a ɓogoje el ləm, i a təd ta kundaje ta mari’g el ləma, i a tədjekag bɔbije gə kɔinje ləm tɔ.

Lugu 6:36

Arje meḛ sí oso lemsé dɔ mar síje’g to gə́ bɔ síje ar mée oso lemsé dɔ sí-seḭ’g nja tɔ.

Lugu 6:46

See ban ɓa seḭ ɓarmje Mbaidɔmbaije, Mbaidɔmbaije ndá seḭ mbad raje né gə́ ma m’ula sí lé ɓəi wa.

Njé gə́ Epesə 6:2

Təd kag bɔbije gə kɔinje. Yee ɓa to godndu gə́ dɔtar gə́ yeḛ un ndia dɔ’g mba kar dee d’iŋga ne né pana:

Tel tura Godndu 1:31

tɔɓəi loo gə́ dɔdilaloo’g lé seḭ ooje to gə́ Ala lə sí gə́ Njesigənea̰ odo sí to gə́ dəw odo ne ŋgonee bèe, gə rəwje lai gə́ seḭ awje keneŋ saar teḛje ne lée’g neelé.

Tel tura Godndu 32:6

Mbə-dəwje gə́ kəmkàr na sí tas See néraje gə́ togə́bè ɓa Seḭ waje ilaje dɔ Njesigənea̰’g wa. See yeḛ to bɔ síje gə́ njekunda sí el wa. See yeḛ nja ɓa gə́ njekunda sí Kar sí síje kəmba lé el wa.

Tel tura Godndu 5:16

Təd kag bɔbije gə kɔinje to gə́ Ala ləi gə́ Njesigənea̰ un ne ndia ari gə mba kar ndɔje ləi d’ḭ ne dɔ maree’d gə́ kédé-kédé ləm, gə mba kar rɔi leli ne mee ɓee gə́ Ala ləi ari lé ləm tɔ.

1 Piɛrə 1:17

Yeḛ gə́ ɔr kəm ta lə nana kara gə goo kula rəa ɓó ɔr kəm dəw el lé ɓó lé seḭ ɓareeje Bɔ síje ndá njaaje gə meekaarkərm loo gə́ seḭ naije gə mbáje dɔ naŋg nee ɓəi.