Malasi 1:4 - Maktub gə́ To gə Kəmee

⁴ Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.

Malasi 1:4 ပူးပေါင်းရင်းမြစ်များ

Maktub gə́ wɔji dɔ Jɔb 12:14

Né gə́ yeḛ tuji lé dəw askəm tel gɔl gogo el, Dəw gə́ yeḛ udee kəi kara njekɔree godo tɔ.

Maktub gə́ wɔji dɔ Jɔb 34:29

Ɓó lé yeḛ ar loo to lɔm ndá See na̰ ɓa a kaskəm kɔm ɓəl dɔ dəwje’g wa. Ɓó lé yeḛ iya kəmee ndá see na̰ ɓa askəm kée wa. Yeḛ ra né gə ginkoji dəwje gə raŋg əsé dəw gə́ kára aree asəna

Maktub gə́ wɔji dɔ Jɔb 9:4

Kəmkàr gə siŋgamoŋ to kea̰-yeḛ nja doŋgɔ, See na̰ ɓa a kɔsee rəw lal kar ta wa dəa wa.

Pakɔsje 127:1

Pakɔs kḭ kaw tuga ne loo ɗao-ɗao gə́ tar. Ka̰ Salomo̰. Ɓó lé Njesigənea̰ ra kəi el ndá Deḛ gə́ njéra kula kunda kəije ra gə mḭdé ba ya, Ɓó lé Njesigənea̰ aḭ bada dɔ ɓee’g el kara Njera kəmee rakaa lé ra pi ya tɔ.

Pakɔsje 137:7

Njesigənea̰, maji kari ar məəi olé teḛ dɔ néra Edɔmje’g Mee ndəa gə́ deḛ taa ne Jerusalem lé deḛ pana: Kərje, kərje kər-kər waje rəw-rəw Saar teḛje ne ginee gə́ bər ya.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 11:14

D’a tel buŋga na̰ dɔ Pilistije gə́ d’isi dɔdərlooje’g ləm, D’a kunda deḛ gə́ d’isi bər banrɔ taa néje lə dee ləm, Edɔmje gə Moabje d’a to nékwa peb gə ji deeje ləma, Amo̰je kara d’a kula dɔ dee no̰ dee’g ləm tɔ.

Esai 34:10

Dan kàrá gə loondul’g lai lé Peree a kwəi el ləm, Səa a tuu saar gə no̰ ləm tɔ, Ɓee neelé a to gə́ dɔ nduba saar-saar gə no̰ ləm, Dəw kára kara a dəs keneŋ el ŋga ləm tɔ.

Esai 34:5

Kiambas ləm teḛ mee dara’g, Aa ooje, yee a kḭ kur dɔ Edɔmje’g Dɔ koso-dəwje gə́ m’wɔji njaŋg Mba gaŋg rəwta dɔ dee’g tuji dee ne pugudu-pugudu.

Jeremi 31:17

Njesigənea̰ pana: Nékunda-mee-yel dɔ’g Gə́ wɔji dɔ ndɔje gə́ raŋg to gən, Ŋgan síje d’a tel ree dɔ naŋg’d lə dee ya.

Jeremi 49:20

Gelee gə́ nee ɓa maji kar sí ooje Né gə́ Njesigənea̰ wɔji Mba ra gə Edɔm ləm, Gə néje gə́ yeḛ wɔji gə mba ra Gə njéɓeeje gə́ Teman ləm tɔ! Tɔgərɔ, d’a ndɔr dee to gə́ ŋgan badje Gə́ siŋga dee godo bèe ləm, Tɔgərɔ, d’a tuji loo-si dee Pugudu-pugudu ləm tɔ.

Jeremi 49:7

Ta gə́ wɔji dɔ Edɔmje. Njesigənea̰ gə́ njeboo-néje ɓa pa togə́bè pana: See kəmkàr godo Teman’g wa. See kunda kəmkàr dɔ rɔ’g Godo rɔ njégosonégərje’g ŋga wa. See kəmkàr lə dee sané pá ŋga wa.

Jeremi 49:8

Seḭ gə́ síje Dedan, Maji kar sí telje gir sí aḭje saaje rɔ sí Awje mee bolè mbalje’g! Mbata m’ar némeeko̰ Ree gə́ dɔ ŋgaka Esawu’g, To kàr kar bo̰ néra dee ɔs ta dee’g ŋga.

Jeremi 5:17

D’a rɔm koje lə sí lai gə muru lə sí ləm, D’a tɔl ŋgan síje gə́ diŋgam gə njé gə́ dené ləm, D’a sɔ badje gə maŋgje lə sí ləm, D’a sɔ nduúje gə kodéje lə sí ləma, D’a tuji ɓee-booje lə sí gə́ siŋga dee to Gə́ seḭ ɔmje meḛ sí dɔ’g lé Gə kiambas ləm tɔ.

Nɔ̰-ndôo gə́ wɔji dɔ Jerusalem 3:37

See na̰ ɓa a pata kar né teḛ Lal kar Njesigənea̰ un ndia dɔ’g wa.

Ejekel 11:10

Seḭ a kwəije yoo-kiambas ləm, n’a gaŋgta dɔ sí’g rəw-nim-ɓee gə́ Israɛl ləm tɔ ndá seḭ a gərje to gə́ neḛ n’to Njesigənea̰ ya.

Ejekel 25:13

gelee gə́ nee ɓa Mbaidɔmbaije gə́ Njesigənea̰ pa togə́bè pana: N’a kula ji neḛ ndiŋ dɔ ɓee gə́ Edɔm’g ndá n’a tuji ne dəwje gə daje pugudu-pugudu keneŋ ləm, n’a karee to dɔdilaloo un kudee Teman saar teḛ Dedan ləm tɔ, ndá d’a kwəi yoo-kiambas ya.

Ejekel 25:14

N’a dal ba̰ lə neḛ dɔ Edɔmje’g gə ji koso-dəwje lə neḛ gə́ Israɛl ndá d’a ra gə Edɔmje gə goo oŋg lə neḛ gə boo-oŋg lə neḛ, bèe ɓa d’a gər ne dalba̰ lə neḛ. Mbaidɔmbaije gə́ Njesigənea̰ ɓa pa bèe.

Ejekel 26:14

N’a kari to asəna gə mbal gə́ to kari péd-péd bèe, i a tel to loo-naji-buraje, d’a tel rai gogo el ŋga. Mbata neḛ Njesigənea̰ nja m’pata, Mbaidɔmbaije gə́ Njesigənea̰ ɓa pa bèe.

Ejekel 35:4

N’a kar ɓee-booje lə sí tuji pugudu-pugudu ləm, ɓee lə sí a tel to dɔ nduba gə́ wa ŋgɔ njag-njag ləm tɔ ndá seḭ a gərje to gə́ neḛ n’to Njesigənea̰.

Ejekel 35:9

N’a kari to dɔ nduba gə́ wa ŋgɔ njag-njag gə no̰ ləm, dəwje d’a si ɓee-booje’g ləi el ŋga ləm tɔ, bèe ɓa seḭ a gərje ne to gə́ neḛ n’to Njesigənea̰ ya.

Amɔs 1:11

Njesigənea̰ ɓa pa togə́bè pana: Gə mbata kaiya ra Edɔmje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’un kiambas tuba ne ŋgako̰ deeje Ɓó d’oo kəmtondoo lə Israɛlje gə́ né el. Mbata oŋg lə dee al dɔ dee sula gə ndɔ dee ndɔ dee ləm, Deḛ d’ar oŋg lə dee ɔs kɔr meḛ dee’g saar gə no̰ ləm tɔ.

Amɔs 3:15

Kəije gə́ naḭ kuli gə kəije gə́ naḭ kàrá kara N’a kunda dee naŋg rab-rab, Kəi-mbaije gə́ ra gə ŋgaŋ kər lé d’a tuji ləm, Boo-kəije gə́ boi-boi kara d’a sané kad-kad ya tɔ. Njesigənea̰ ɓa pa bèe.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Amɔs 6:11

Mbata aa ooje, né gə́ Njesigənea̰ un ndia dɔ’g lé ɓa nee: Yeḛ a kar kəi gə́ boo lé təd kuyum-kuyum ləm, Ŋgon kəi gə́ lam kara a kiri budu-budu ləm tɔ.

Amɔs 6:2

Dəsje awje ɓee gə́ Kalne ooje ləm, Ḭje keneŋ awje saar teḛje Amat Gə́ to ɓee-boo lə Pilistije ləma, Awje Gat, ɓee lə Pilistije ləm tɔ. See ɓee-booje gə́ neelé To maji d’ur dɔ ɓeeko̰je’g lə sí gə́ joo nee wa. Esé see dɔ naŋg lə dee tad yaa̰ unda ka̰ sí-seḭ wa.

Abdias 1:1

Némḭdi gə́ Abdias oo lé ɓa nee: Mbaidɔmbaije gə́ Njesigənea̰ pata togə́bè wɔji ne dɔ Edɔm pana: Jeḛ j’oo ta gə́ ḭ rɔ Njesigənea̰’g ləm, D’ula njekaḭkula mbuna ginkoji dəwje gə raŋg’g ləm tɔ Pana: Ubaje naŋg ḭje tar, Ar sí j’aw j’iŋgaje Edɔm gə mba rɔ səa.

Abdias 1:10

Gayim gə́ seḭ raje gə ŋgoko̰ sí Jakob lé Rɔkul a dəb ne dɔ sí’g gə mbəa ləm, Seḭ a kuduje ne bo̰ ləm tɔ.

Malasi 1:3

Ma m’ar dɔ mbalje ləa to dɔnduba piu-piu ləm, m’ya̰ nénduba ləa m’ar tàlje gə́ wala ləm tɔ.

Matiyo 12:30

Yeḛ gə́ nai səm el ndá yeḛ to njetɔlm. Dəw gə́ mbo̰ dee səm dɔ na̰’d el ndá yeḛ to njejané dee.