Malasi 1:2 - Maktub gə́ To gə Kəmee

² Njesigənea̰ pana: Ma m’unda sí dan kəm’g. Nɛ seḭ pajena: See ma m’unda sí dan kəm’g to gə́ ban wa. Njesigənea̰ pana: Esawu lé see yeḛ to ŋgoko̰ Jakob el wa. Nɛ lé bèe kara ma m’unda Jakob dan kəm’g nɛ ma m’ə̰ji Esawu bəḭ-bəḭ .

Malasi 1:2 ပူးပေါင်းရင်းမြစ်များ

Gḭ-Néje 25:23

Ndá Njesigənea̰ ulá pana: Ginkoji dəwje joo to məəi’g ləm, Gin dəwje joo gə́ d’a kḭ rɔi’g lé D’a kai na̰ ɓəd-ɓəd ləm tɔ. Siŋga yeḛ gə́ kára a kur dɔ maree’g Ndá yeḛ gə́ dəa ɔs naŋg kédé lé a kula dəa no̰ yeḛ gə́ ndɔḭ’g lé.

Gḭ-Néje 25:25

Yeḛ gə́ dəa ɔs naŋg kédé lé rəa kas ləm, bḭ rəa to tum-tum ləm tɔ ndá d’unda ria lə Esawu.

Gḭ-Néje 25:26

Gée gə́ gogo gə́ ŋgokea̰ teḛ ndá jia wa gel gɔl Esawu. Togə́bè ɓa deḛ d’unda ria lə Jakob. Ləb Isaak aḭ rɔ-misa̰ ɓa yeḛ oji dee ɓəi.

Gḭ-Néje 27:33

Kaar Isaak wá paḭ aree unda bala tigi-tigi ndá yeḛ pana: Ŋga, see to na̰ ɓa aw ndo̰ da ree ne am kédé nee lé wa. Ma m’usɔ lai mba̰ ɓa i ree ɓəi ndá ma m’tɔr ne ndum dəa’g ŋga. Tɔgərɔ ya, dəa-yeḛ a kai səgərə ya.

Gḭ-Néje 48:4

Yeḛ ulam pana: Aa oo, m’a kari oji ŋganje bula ləm, d’a kɔs goo na̰ goo na̰ ləma, m’a teli gə́ gin koso-dəwje bula ləm tɔ. M’a kar dɔ naŋg neelé to ka̰ ŋgakaije gə́ gooi’g mba karee to ka̰ dee-deḛ ya saar gə no̰.

1 Mbaije 10:9

Maji kar dɔ ri Mbaidɔmbaije Ala ləi ai səgərə, yeḛ gə́ ooi maji ɓa undai dɔ kalimbai’g lə Israɛlje lé. Mbata Njesigənea̰ unda Israɛlje dan kəmee’g saar-saar ya, yee gə́ bèe ɓa, yeḛ undai ne gə́ mbai mba kari gaŋg ne rəwta lə dee gə dɔ najee gə mbəa.

2 Mbaije 3:8

Yeḛ dəjee tɔɓəi pana: See rəw gə́ ra ɓa j’a kawje ne wa. Joram tel ilá keneŋ pana: J’a kawje gə rəw gə́ dɔdilaloo gə́ Edɔm ya.

Esai 43:4

To gə́ seḭ toje né gə́ to ŋgonkəm ləm, To gə́ seḭ toje nériɓar gə́ m’unda sí dan kəm’g ləm tɔ Ndá ma m’ar dəwje m’taa ne tor sí ləm, M’ar koso-dəwje mba kaji sí ne ləm tɔ.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Jeremi 2:31

Seḭ ginkoji dəwje, Maji kar sí ooje ta lə Njesigənea̰ gə́ né ya! See ma m’to asəna gə dɔdilaloo mbata lə Israɛlje Esé ma m’to ɓee gə́ loo ndul keneŋ njudu-njudu wa. See gelee ban ɓa dəwje ləm pana: Loo gə́ meḛ sí ndigi ya j’a kaw’g Jeḛ ndigi kaw rɔi’g el lé wa.

Jeremi 2:5

Njesigənea̰ pa togə́bè pana: See néra gə́ kori-kori ɗi ɓa Bɔ síje-je d’oo rɔm’g ɓa D’unda ne rɔ dee ŋgərəŋ rɔm’g D’aw ne goo néje gə́ gə mḭdé ba Gə́ ar dee-deḛ nja kara Tel to né gə́ gə mḭdé ba lé wa.

Jeremi 31:3

Njesigənea̰ tɔjim rəa Loo gə́ əw’g ya pana: Ma ndigi sí gə meenoji gə́ to gə no̰, Gelee gə́ nee ɓa ma m’ar meemaji ləm To keneŋ mbata lə sí.

Amɔs 1:11

Njesigənea̰ ɓa pa togə́bè pana: Gə mbata kaiya ra Edɔmje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’un kiambas tuba ne ŋgako̰ deeje Ɓó d’oo kəmtondoo lə Israɛlje gə́ né el. Mbata oŋg lə dee al dɔ dee sula gə ndɔ dee ndɔ dee ləm, Deḛ d’ar oŋg lə dee ɔs kɔr meḛ dee’g saar gə no̰ ləm tɔ.

Malasi 2:17

Tapa sí lé ar Njesigənea̰ dao ne, nɛ seḭ pajena: See seḭ areeje dao ne to gə́ ban wa. To loo gə́ seḭ pajena: Nana ɓa gə́ ra né gə́ majel lé yeḛ to dəw gə́ maji kəm Njesigənea̰’g, yeḛ nja ɓa mée lelee dəa’g. Esé see Ala gə́ njegaŋgta gə goo rəbee lé si ra wa.

Lugu 10:29

Nɛ dəw neelé tel dəji Jeju gə mba kɔr ne rɔkul ta neelé dəa’g pana: See na̰ ɓa gə́ njemarm wa.

Tagə́maji gə́ Ja̰ ndang 15:12

Godndum lé ɓa to nee: Undaje na̰ dan kəm na̰’d to gə́ ma m’unda sí dan kəm’g tɔ.

Tel tura Godndu 10:15

Lé bèe kara to bɔ síje-je ya ba ɓa Njesigənea̰ ɔm sə dee na̰’d gə mba kunda dee dan kəmee’g, tɔɓəi goo dee-deḛ’g lé to ŋgaka deeje, yee ɓa to seḭ gə́ yeḛ mbər sí mbuna koso-dəwje’g lai to gə́ seḭ ooje ne ɓogənè lé ya.

Tel tura Godndu 23:5

mbata deḛ tila kəm sí gə muru əsé mán rəbə d’ar sí loo gə́ seḭ undaje ne loo mee ɓee gə́ Ejiptə teḛje lé el ləm, mbata deḛ ra né d’oma̰ ne sə sí loo gə́ d’ar Balaam, ŋgolə Beɔr mee ɓee gə́ Petor’g dɔ naŋg ɓee gə́ Mesɔpotami gə mba karee ila ne ndɔl dɔ sí’g ləm tɔ.

Tel tura Godndu 33:3

Oiyo, yeḛ unda koso-dəwje lé dan kəmee’g, Deḛ gə́ to gə kəmee ləa lai to meḛ jia’g. Deḛ d’isi gel gɔlee’g ləm, Deḛ taa taje ləa ləm tɔ.

Tel tura Godndu 4:37

Yeḛ unda bɔ síje-je dan kəmee’g ləm, yeḛ mbər ŋgaka deeje gə́ goo dee’g ləm tɔ, gə goo boo siŋgamoŋ ləa lé ɓa yeḛ ar sí undaje ne loo mee ɓee gə́ Ejiptə teḛje ya,