Malasi 1:14 - Maktub gə́ To gə Kəmee

¹⁴ Njesukəmloo gə́ bàl nékul ləa aar mbuna mareeje’g nɛ yeḛ yá̰ un nékul gə́ unda ndolè ɓa ar Mbaidɔmbaije ndá ndɔl yoo a nai dəa’g ya. Mbata ma lé m’to gə́ mbai gə́ boo. Njesigənea̰ gə́ njeboo-néje lé ɓa pa bèe. Rim to ɓəl yaa̰ mbuna ginkoji dəwje gə raŋg’g ya.

Malasi 1:14 ပူးပေါင်းရင်းမြစ်များ

Gḭ-Néje 27:12

Banelə bɔm a mam rɔm koo ndá m’a to asəna gə dəw gə́ njeŋgɔm bèe kəmee’g. Bèe ɓa m’a kar ndɔl ɓa a kwa dɔm ɓó yeḛ a tɔr ndia dɔm’g el.

2 Samel 24:24

Nɛ mbai lé ula Arabna pana: Wah! Ma m’ndigi ndogo gə lar ɓa ɓó m’a kinja nékinjaməs gə́ ka̰ roo gə́ lal laree kar Njesigənea̰, Ala ləm el. Togə́bè ɓa Dabid aree larnda rɔ-mi ndogo ne loo-kunda-kó lé ləm gə bɔ maŋgje lé ləm tɔ.

Pakɔsje 102:16

Yen ŋga ginkoji dəwje gə raŋg d’a ɓəl ne ri Njesigənea̰ ləm, Mbaije lai gə́ dɔ naŋg neelé kara D’a ɓəl rɔnduba ləi lé ya ləm tɔ.

Pakɔsje 47:2

Seḭ koso-dəwje lai lé Waje ji sí rag-rag! Ɔrje ne ndu sí gə́ tar wəl Gə rɔlel gə́ rɔ Ala’g lə sí ya.

Pakɔsje 47:3

Mbata Njesigənea̰ gə́ Njekurdɔloo lé To ɓəl kədm-kədm, Yeḛ nja to mbai gə́ boo Gə́ o̰ ɓee dɔ naŋg nee lai ya.

Pakɔsje 47:8

Mbata Ala to mbai gə́ o̰ ɓee dɔ naŋg nee lai, Maji kar sí ɔsje pa kula rɔnduba dəa’g areeje ya!

Pakɔsje 48:2

Njesigənea̰ lé to gə́ boo ya, Yeḛ to gin ta pidije lai mee ɓee-boo’g lə Ala lə sí ləm, Gə dɔ mbal’g ləa gə́ to gə kəmee kəm tɔ.

Pakɔsje 68:35

Ulaje rɔnduba dɔ Ala’g lé ya, Boo-ronduba ləa o̰ ɓee dɔ Israɛlje’g ləm, Siŋgamoŋ ləa ḭ sém loo gə́ tar ləm tɔ.

Pakɔsje 76:12

Maji kar sí unje ndu sí arje Ala lə sí gə́ Njesigənea̰ lé Ndá tɔlje ne təa bém ya. Deḛ lai gə́ gugu dəa sub lé Maji kar dee ree gə nénojije d’ar Ala gə́ to ɓəl kədm-kədm lé.

Pakɔsje 95:3

Mbata Njesigənea̰ lé to Ala gə́ boo dum dɔ loo ya ləm, Yeḛ to mbai gə́ boi gə́ ur dɔ magəje’g lai-lai dɔ naŋg nee ya ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 46:18

Ma m’to njesikəmba! Mbai gə́ ria lə Njesigənea̰ lé pa bèe. To gə́ Tabɔr gə́ mbuna mbalje’g bèe ləm, To gə́ Karmel gə́ to ta baa-boo-kad’g ləm tɔ lé Yeḛ a gə ree ya.

Jeremi 48:10

Ndɔl wa dɔ yeḛ gə́ ra kula Le Njesigənea̰ orè gə ndam ləm, Ndɔl wa dɔ yeḛ gə́ ɔg kiambas ləa Ndum dəwje mburug-mburug ləm tɔ.

Jeremi 48:15

Moab tuji pugudu, Sa uba dɔ ɓee-booje’g ləa ŋgɔg-ŋgɔg ləm, Basaje ləa gə́ maji d’unda mar deeje lé Tḭja gwɔs dee ləm tɔ. Mbai gə́ ria lə Njesigənea̰ lə bao-roje ɓa pa bèe.

Loo gə́ killa rea kəm Daniel’g 9:4

Ma m’ra tamaji ta Njesigənea̰ Ala’g ləm, tɔɓəi m’tɔr ndum m’aree togə́bè m’pana: Ǝi Mbaidɔmbaije, Ala gə́ boo gə́ to ɓəl kədm-kədm lé, i gə́ aa dɔ manrɔ ləi kər-kər ləm, oo ne kəmtondoo lə deḛ gə́ d’undai dan kəm dee’g d’aa ne dɔ godnduije kər-kər ləm tɔ!

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Jakari 14:9

Njesigənea̰ ya kára ba a to mbai dɔ naŋg nee lai, Mee ndəa’g neelé Njesigənea̰ ya kára ba kiao a to Njesigənea̰ Ndá ria-yeḛ nja a to ri gə́ kára ba kiao tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Malasi 1:8

Loo gə́ seḭ waje nékul gə́ kəmee tɔ gə́ nékinjaməs lé see to né gə́ majel el wa. Loo gə́ seḭ waje nékul gə́ oso məd əsé yee gə́ rəa tée kara see to né gə́ majel el wa. Waje nékul gə́ bèe arje njeguburuɓee lə sí ooje. See yeḛ a taa ji sí’g gə rɔlel ya wa. See yeḛ a kwa sí gə́ rəa’g gə́ majee wa. Njesigənea̰ gə́ njeboo-néje lé ɓa dəji sí togə́bè.

Malasi 2:1

Ɓasinè seḭ njékinjanéməsje lé ta ndəji kɔr neelé wɔji dɔ sí-seḭ ya.

Malasi 3:9

Ndɔl wa dɔ sí mba̰ mbata seḭ lé gə ginkoji lə sí mbad ya seḭ suje kəm ya.

Matiyo 24:51

Mbai lé a kḭ kuru dəa’g kundá gə ndəi gaŋg rəa təgərə-təgərə ləm, a korè gə njéhulaije na̰’d məs ləm tɔ. Lée neelé to loo gə́ d’a no̰ gə mán-no̰ kəm dee’g keneŋ ləm, gə d’a sɔ ŋgaŋ dee keneŋ pəgərə-pəgərə ləm tɔ.

Matiyo 5:35

I a kubu rɔi gə dɔ naŋg nee el mbata dɔ naŋg neelé to nétura-gɔl-kɔm lə Ala tɔ. I a kubu rɔi gə ri Jerusalem el, mbata Jerusalem lé to ɓee-boo lə mbai gə́ boi.

Mark 14:8

Né gə́ yeḛ askəm ra ɓa yeḛ ra ya, yeḛ ndəm ubu dɔm’g kédé ɓa gə mba kar dee dubum ɓəi.

Lugu 12:46

ndá mbai lə kura neelé a ree mee ndəa əsé gə kàree gə́ yeḛ si go̰ lé el ndá a kur dəa’g kundá gə ndəi gaŋg rəa təgərə-təgərə ləm, a karee si gə njékaltaje na̰’d ləm tɔ.

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

Tel tura Godndu 28:58

Ɓó lé seḭ aaje dɔ ta godnduje lai gə́ ndaŋg mee maktub’g nee raje née el ləm, ɓó lé seḭ ɓəlje ri Ala lə sí gə́ Njesigənea̰ gə́ to ri rɔnduba gə́ to ɓəl kədm-kədm lé el ləm tɔ ndá,

1 Timote 6:15

Mee ndəa gə́ wɔji dəa lé Ala gə́ dəa ai səgərə gə́ to Bao-siŋgamoŋ kára ba kiao ləm, gə to Mbai dɔ mbaije ləma, gə to Mbaidɔmbaije ləm tɔ lé a rab Kristi lé gə́ raga.

Ǝbrəje 12:29

mbata Ala lə sí lé to pər gə́ roo loo ya.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.