Lugu 9:59 - Maktub gə́ To gə Kəmee

⁵⁹ Yeḛ ula dəw gə́ raŋg pana: Un rəw goom’g. Nɛ yeḛ neelé ilá keneŋ pana: Mbai, ya̰’m ɓoŋ am m’aw m’dubu bɔm kédé ɓa m’a tel ree gooi’g ɓəi.

Lugu 9:59 ပူးပေါင်းရင်းမြစ်များ

1 Mbaije 19:20

Léegəneeya Elije uba maŋgje ləa ya̰ dee aiŋgwɔd goo Eli’g ndá yeḛ dəjee pana: Ya̰’m am m’aw m’il ɓɔl bɔmje gə kɔmje ɓa m’a kaw gooi’g ɓəi. Eli tel ilá keneŋ pana: Aw ndá tel ree: mbata maji kari ə̰ji dɔ né’d gə́ ma m’ra səi lé.

Ajee 1:2

Njesigənea̰ gə́ njeboo-néje pa togə́bè pana: Koso-dəwje neelé pana: ndɔ kunda kəi lə Njesigənea̰ lé teḛ el ɓəi.

Matiyo 16:24

Yen ŋga Jeju ula njékwakiláje pana: Nana ɓa gə́ ndigi kaw goom’g ndá maji karee ya̰ rəa yag ləm, a kun kag-dəs ləa-yeḛ nja kodo ləm tɔ ɓa a kaw ne goom’g ɓəi.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Matiyo 9:9

Jeju ḭ keneŋ aw gə kuree waga, yeḛ oo diŋgam gə́ si takəi taa lar-gədɓee’g ria lə Matiyo. Jeju ulá pana: Maji kari ree goom’g. Léegəneeya, diŋgam neelé ḭta ɔd aw gée’g tɔ.

Lugu 9:60

Jeju tel ilá keneŋ pana: Ya̰ yoo-dəwje ar dee dubu na̰. Nɛ i lé ɔd aw ila mber ta ɓeeko̰ lə Ala.