Lugu 9:56 - Maktub gə́ To gə Kəmee

⁵⁶ Mbata Ŋgon-dəw lé ree gə mba kaji dəwje ɓó gə mba kar dee d’udu ɓa el. Tɔɓəi deḛ d’ɔd d’aw ɓee gə́ raŋg.

Lugu 9:56 ပူးပေါင်းရင်းမြစ်များ

Matiyo 18:10

Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Matiyo 18:11

Mbata Ŋgon-dəw lé ree gə mba saŋg yeḛ gə́ ndəm igi mba karee aji.

Matiyo 20:28

Yee gə́ bèe ɓa Ŋgon-dəw ree ne naŋg nee mba ra ne né kar dəwje gə́ dɔ naŋg nee ɓó gə mba kar dəwje gə́ dɔ naŋg nee ɓa ra né d’aree el. Yeḛ ree gə mba kila rəa kɔ gə́ nékoga dɔ dəwje bula ya.

Matiyo 5:39

Nɛ ma nja m’ula sí, ɔsje njemeeyèr rəw el. Ta gə́ kɔl ɓa nee: Ɓó lé mari unda mbɔri gə́ dɔkɔl ndá tel mbɔri gə́ dɔgel ila aree unda tɔ.

Lugu 19:10

Mbata Ŋgon-dəw lé ree gə mba ndolè yeḛ gə́ ndəm igi gə mba karee aji ya.

Lugu 22:51

Nɛ Jeju un ta ula dee pana: Ǝwje rɔ sí aarje naŋg! Ndá yeḛ ɔrɔ mbi dəw neelé aree tel to kari.

Lugu 23:34

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Lugu 9:55

Jeju ḭ ur dɔ dee’g pa sə dee pana: Ndil gə́ ula ta meḛ sí’g lé seḭ gəreeje el.

Lugu 9:57

Loo gə́ d’isi d’aw rəbə ndá dəw kára bèe ulá pana: Mbai, loo lai gə́ i si aw gə́ keneŋ lé m’a kun gooi lad-lad ya.

Tagə́maji gə́ Ja̰ ndang 10:10

Yeḛ gə́ njeɓogo lé yeḛ ree mba ɓogo dee ləm, mba tḭja gwɔs dee ləma, mba busu dee ləm tɔ. Ma lé m’ree mba kar badje d’isi gə kəmə lé ləm, kar dee d’isi dan nékulrɔ dee’g ləm tɔ.

Tagə́maji gə́ Ja̰ ndang 12:47

Ɓó lé nana ɓa gə́ oo tapam, nɛ aa dəa kər-kər el ndá ma ɓa m’a to gə́ njegaŋ-rəwta dəa’g el, mbata ma lé m’ree gə mba kaji dəwje gə́ dɔ naŋg nee ɓó gə mba gaŋg rəwta dɔ dee’g el.

Tagə́maji gə́ Ja̰ ndang 3:17

Tɔgərɔ ya, Ala ula Ŋgonee dɔ naŋg nee gə mba karee ɔr kəm ta lə dəwje el nɛ yeḛ ulá mba kar mbɔl dəa ɓa d’aji ne.

Njé gə́ Rɔmə 12:21

Ar majel dumi el nɛ maji kari dum majel gə néra gə́ maji gə́ i ra ya.

1 Timote 1:15

Ta neelé to ta gə́ gəd ya ləm, to ta gə́ kəm kar nana kara taa ɔm mée dɔ’g jəb-jəb ləm tɔ: Jeju Kristi ree naŋg nee mba kaji njékaiyaje, nɛ ma nja m’to gə́ doŋgɔr lə dee.