Lugu 9:48 - Maktub gə́ To gə Kəmee

⁴⁸ ula dee ne pana: Nana ɓa gə́ wa ŋgon gə́ nai gɔ bèe lé gə́ rəa’g gə rim ndá nai gə́ darɔm-ma nja wam gə́ rəa’g kən, tɔɓəi nana ɓa gə́ wam-ma nee nja gə́ rəa’g ndá nai gə́ dəw gə́ njekulam lé nja wá gə́ rəa’g kən tɔ. Mbata nana ɓa gə́ wa rəa’g gə́ dəw gə́ əḭ el mbuna sí’g ndá njea neelé ɓa to dəw gə́ boo mba̰ ya.

Lugu 9:48 ပူးပေါင်းရင်းမြစ်များ

Gosota-Kəmkàrje 18:12

Kédé ɓa kar tuji gə́ boo teḛ ɓəi lé Dəw ti rəa mée’g, Nɛ kula dɔ kédé ɓa rɔnduba orè gée ɓəi.

Matiyo 18:10

Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Matiyo 18:14

Togə́bè ɓa Bɔ síje gə́ si dara lé wɔji-kwɔji kar ŋgon kára kara mbuna mareeje’g neelé ndəm igi el tɔ.

Matiyo 19:28

Jeju tel ila dee keneŋ pana: Ma m’ula sí təsərə, ndɔ gə́ d’a gə kar néje lai tel to lée’g béréré lé ɓa Ŋgon-dəw a kuba dɔ kalimbai ndubarɔ ləa gao si’g ndá seḭ gə́ unje goom lad-lad lé seḭje kara a kubaje dɔ kalimbaije gə́ dɔg-giree-joo neelé gao si keneŋ mba gaŋgta dɔ ginkoji Israɛlje gə́ dɔg-giree-joo neelé tɔ.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Matiyo 25:45

Yeḛ a tel kila dee keneŋ pana: Ma m’ula sí təsərə, loo gə́ seḭ lal raje néje neelé gə yeḛ gə́ kára gə́ nai gɔ mbuna ŋgakɔmje’g neelé ndá to ma nja seḭ lalje raje səm kən tɔ.

Mark 9:37

Nana ɓa gə́ wa ŋgon gə́ nai gɔ gə́ togə́bè gə́ rəa’g gə rim-ma ndá ma nja kara wam gə́ rəa’g kən tɔ. Tɔɓəi nana ɓa gə́ wam gə́ rəa’g ndá to ma ɓa wam gə́ rəa’g kən el nɛ to yeḛ gə́ njekulam lé ya ɓa wá gə́ rəa’g kən mba̰ tɔ.

Lugu 10:16

Yeḛ gə́ oo ta lə sí ndá yeḛ oo ta ləm-ma ya tɔɓəi yeḛ gə́ ɔs sí-seḭ rəw lé ndá yeḛ ɔsm-ma rəw ya tɔ. Dəw gə́ ɔsm-ma rəw lé ndá yeḛ ɔs dəw gə́ njekulam lé rəw ya tɔ.

Lugu 14:11

Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa lé ndá d’a karee unda dəa gə́ tar tɔ.

Lugu 22:26

Nɛ seḭ lé maji kar sí raje togə́bè mbuna na̰’g el. Nana ɓa gə́ ur dɔ sí’g ndá maji karee oso kas ləm, yeḛ gə́ to gə́ dəw dɔ sí lé maji karee wa rəa gə́ dəw gə́ njera né kar mareeje ɓa.

Lugu 22:30

mba kar sí sije ta nésɔ’g sɔje gə ta nékai’g aije mee ɓeeko̰’g ləm ləm, gə mba kar sí sije dɔ kalimbaije’g gə mba gaŋgje rəwta lə ginka Israɛlje gə́ dɔg-gir-dee-joo lé ləm tɔ.

Lugu 7:28

Ma m’ula sí təsərə, deḛ gə́ denéje d’oji dee lé dəw kára gə́ njekur dɔ Ja̰’g lé godo. Nɛ lé bèe kara yeḛ gə́ to gə́ ŋgon gə́ gɔ ɓeeko̰’g lə Ala lé yeḛ nja ɓa ur dəa’g tɔ.

Tagə́maji gə́ Ja̰ ndang 13:20

Ma m’ula sí təsərə, yeḛ gə́ wa dəw gə́ ma m’ulá lé gə́ rəa’g ndá nai gə́ ma nja wam gə́ rəa’g kən tɔɓəi yeḛ gə́ wam gə́ rəa’g ndá nai gə́ njekulam ya wá gə rəa’g kən tɔ.

Tagə́maji gə́ Ja̰ ndang 14:21

Yeḛ gə́ si gə godndumje ɓa aa dɔ dee kər-kər lé ndá yeḛ to gə́ njekṵdam dan kəmee’g ya, yeḛ gə́ to gə́ njekṵdam dan kəmee’g lé Bɔm a kundá dan kəmee’g ya ləm, ma kara m’a kundá dan kəm’g ya ləm tɔ ndá m’a riba səa dɔ rɔm təsərə ya.

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.

1 Piɛrə 5:6

Ulaje dɔ sí meḛ ji siŋgamoŋ’d lə Ala mba karee un sí ur sí tar mee ndəa’g neelé.

Loo gə́ killa rea kəm Ja̰’g 21:14

Ndògo gə́ gugu dɔ ɓee-boo lé deḛ tum gelee dɔg-giree-joo ya ndá deḛ ndaŋg ri njékaḭkulaje lə Ŋgonbad gə́ dɔg-gir-dee-joo lé keneŋ.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.