Lugu 9:44 - Maktub gə́ To gə Kəmee

⁴⁴ Seḭje ɓa yḛ̀, né gə́ m’a gə kula sí taree neelé maji kar sí ooje maji. Ŋgon-dəw lé d’a gə kulá ji dəwje’g.

Lugu 9:44 ပူးပေါင်းရင်းမြစ်များ

2 Samel 24:14

Dabid tel ila Gad keneŋ pana: Ma m’isi dan boo-nékəmndoo’g. Wai, maji kar sí j’oso meḛ ji Njesigənea̰’g ɓa mbata meekaw taḭ-taḭ ləa al dɔ loo sula, nɛ maji kam m’oso meḛ ji dəwje’g ɓa el!

Matiyo 16:21

Ndəa neelé Jeju un kudu tɔji njékwakiláje ta pana: Ŋgatɔgje ləm, gə mbai dɔ njékinjanéməsje-je ləma, gə njéndaji-maktubje ləm tɔ lé d’a ra sə neḛ néurti kar neḛ n’wəi ndá ndɔ munda ɓa n’a kunda loo teḛ ɓəi. Yee gə́ bèe ɓa gə́ kuma̰ gə́ n’a gə kḭ kaw ne Jerusalem ya.

Matiyo 26:2

Seḭ gərje gao, nai ndɔ joo ba mba kar dee ra naḭ Pag, ndəa neelé d’a kula Ŋgon-dəw ji dee’g mba kar dee ɗaree kaar kag’d.

Mark 8:31

Yen ŋga yeḛ un kudu ndoo dee ta né gə́ a gə teḛ dəa’g neelé pana: Ŋgon-dəw lé lé riri kara néurti a rəa yaa̰ ləm, njé gə́ tɔgje gə mbai dɔ njékinjanéməsje-je gə njéndaji-maktubje d’a kɔsee rəw ndá d’a tɔlee tɔ, nɛ ndɔ munda gogo ndá yeḛ a kunda loo teḛ dan njé gə́ d’wəi’g ya.

Mark 9:31

Mbata yeḛ ndoo njékwakiláje lé ula dee pana: D’a kwa Ŋgon-dəw lé kulá ji dəwje’g, d’a tɔlee ya ndá ndɔ munda gogo lé yeḛ a kunda loo teḛ dan njé gə́ d’wəi’g.

Lugu 1:66

Deḛ lai gə́ d’oo taree togə́bè lé ŋgəm meḛ dee’g pana: See ŋgon gə́ neelé a to tana ban wa. Tɔɓəi ji Mbaidɔmbaije lé to dəa’g ya.

Lugu 18:31

Jeju wa deḛ gə́ dɔg-gir-dee-joo lé gə́ rəa’g ula dee pana: Kaw sí gə́ j’isi j’aw gə́ Jerusalem lé néje lai gə́ njéteggintaje ndaŋg taree mee maktub’g d’wɔji ne dɔ Ŋgon-dəw lé d’a ra gə mba karee aw lée’g béréré ya.

Lugu 2:19

Nɛ Mari wa ta neelé mée’g bururu, aree to mée’g ɗəŋ tɔ.

Lugu 2:51

Yen ɓa, yeḛ tədkag dee uba naŋg ḭ aw sə dee ɓee lə dee gə́ Najaret lé ɓəi. Ta neelé kea̰je wa mée’g bururu tɔ.

Lugu 24:44

Tɔɓəi yeḛ ula dee pana: Ta né gə́ teḛ lé to ta gə́ ma m’ula sí loo gə́ ma m’nai sə sí ɓəi lé ya, mba kar lé riri kara taje lai gə́ deḛ ndaŋg mee maktub godndu Moyis’g ləm, gə ka̰ njéteggintaje ləma, gə yee gə́ ndaŋg mee maktub Pakɔs’g ləm tɔ d’wɔji ne dɔm lé a kaw lée’g béréré togə́bè ya.

Lugu 9:22

Tɔɓəi Jeju ila ta dɔ’g pana: Ŋgon-dəw lé lé riri kara néurti a rəa yaa̰ ləm, ŋgatɔgje gə mbai dɔ njékinjanéməsje-je gə njéndaji-maktubje d’a kɔsee rəw ləma, d’a tɔlee ləm tɔ nɛ ndɔ munda gogo ndá yeḛ a kunda loo teḛ loo-yoo’g.

Tagə́maji gə́ Ja̰ ndang 16:31

Jeju tel dəji dee pana: See ɓasinè ya seḭ ɔmje meḛ sí dɔm’g ŋga wa.

Tagə́maji gə́ Ja̰ ndang 16:4

Ta néje neelé ma m’ula sí mba kar loo gə́ kàree a gə teḛ ndá meḛ sí a kolé ne dɔ ta gə́ ma m’ula sí’g lé ya. Ta gə́ ma m’ula sí ɓasinè lé ma m’ula sí kédé gə́ ləw el mbata ma m’nai sə sí ɓəi.

Tagə́maji gə́ Ja̰ ndang 19:11

Jeju ilá keneŋ pana: Ɓó lé d’ḭ gə dɔmoŋ loo gə́ tar’g d’ula dɔi’g el ndá i a kaskəm ra səm né kára kara gə dɔrɔi el tɔ. Gelee gə́ nee ɓa yeḛ gə́ ulam jii’g lé kaiya ləa ur dɔ kaḭ’g ɓəi.

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Ǝbrəje 2:1

Gelee gə́ nee ɓa ta néje gə́ jeḛ j’oo lé maji kar sí n’reḛ́ keneŋ rḛ́-rḛ́ nà j’a ndəm kigi loo gə́ əw’g.