Lugu 9:31 - Maktub gə́ To gə Kəmee

³¹ gə́ teḛ gə rɔnduba lə dee ndá deḛ d’ɔr sor kabee gə́ yeḛ a gə kaw Jerusalem gə mba kɔs bia̰ keneŋ lé.

Lugu 9:31 ပူးပေါင်းရင်းမြစ်များ

Lugu 9:22

Tɔɓəi Jeju ila ta dɔ’g pana: Ŋgon-dəw lé lé riri kara néurti a rəa yaa̰ ləm, ŋgatɔgje gə mbai dɔ njékinjanéməsje-je gə njéndaji-maktubje d’a kɔsee rəw ləma, d’a tɔlee ləm tɔ nɛ ndɔ munda gogo ndá yeḛ a kunda loo teḛ loo-yoo’g.

Lugu 9:30

Aa ooje, dəwje joo d’aar səa d’aar d’wɔji səa ta, to Moyis gə Eli,

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.

Njé gə́ Pilibə 3:21

Rɔ sí gə́ wa kor kor-kor lé yeḛ nja ɓa a telee karee nduba raŋg-raŋg asəna gə kea̰-yeḛ gə goo siŋgamoŋ ləa gə́ yeḛ dum ne dɔ néje lai lé ya.

Njé gə́ Kolosə 3:4

Loo gə́ Kristi gə́ to gə́ kəmə lə sí a kila rəa ndá seḭ a kilaje rɔ sí səa na̰’d dan rɔnduba’g ləa tɔ.

Ǝbrəje 11:22

Meekun lé ɓa loo gə́ Jisəb gə́ a gə kwəi ndá yeḛ pata gə́ wɔji ne dɔ Israɛlje gə́ d’a gə kunda loo mee ɓee gə́ Ejiptə teḛ ləm, yeḛ un ndia ar dee wɔji ne dɔ sḭgareaje ləm tɔ.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

2 Piɛrə 1:15

Nɛ m’ila rɔm po̰ m’ndoo sí ne né neelé mba kar loo gə́ m’a kḭ kya̰ sí ndá seḭ a kooje loo kar meḛ sí olé dɔ néje lai gə́ m’ula sí taree lé ya tɔ.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.