Lugu 9:29 - Maktub gə́ To gə Kəmee

²⁹ Loo gə́ yeḛ si ra tamaji lé ndá kəmee tel ɓəd ləm, kubu ləa tel ndá ndogó jol-jol ləm tɔ.

Lugu 9:29 ပူးပေါင်းရင်းမြစ်များ

Esai 33:17

Kəm sí a koo mbai Loo boo-ronduba’g ləa ləm, D’a kaa dɔ naŋg ɓee lai Gə́ tad rəg-rəg lé gərərə ləm tɔ.

Esai 53:2

Yeḛ ra tɔg nea̰’g to gə́ ŋgon kag gə́ reao̰ ba ləm, Asəna gə barkəm kag gə́ uba dɔ naŋg gə́ tudu kurum-kurum’g ləm tɔ. Yeḛ ra kura el ləm, Panjaa ləa kara askəm kar kəm sí mbo̰ sɔmɔmo̰ dəa’g el ləma, Rɔndɔḭ ləa as taa kəm sí rəgm el ləm tɔ.

Matiyo 17:2

Rea tel ndɔḭ ar ŋgo nea̰ gə kwɔji kəmee ndɔḭ wər-wər asəna gə kàr ləm, kubuje ləa kara tel ndá ɔr njɔl-njɔl ləm tɔ.

Mark 16:12

Gée’g gogo ndá yeḛ teḛ gə rəw gə́ raŋg kəm njé’g ləa gə́ joo gə́ d’isi d’aw gə́ kɔrɔ lé.

Lugu 3:21

Boo-dəwje lai lé d’ar Ja̰ ra dee batɛm mbad-mbad ləm, ra Jeju nja batɛm ləm tɔ. Loo gə́ Jeju aar ra tamaji lé ndá kəm dara teḛ wərərə

Lugu 5:16

Nɛ yeḛ ḭ sa rəa ur dɔdilaloo’g aw gə mba ra tamaji lé.

Lugu 6:12

Mee ndəa’g neelé Jeju ɔd aw dɔ mbal’g gə mba ra tamaji ta Ala’g ndá yeḛ ar keneŋ saar ar loo àr dəa’g təsərə.

Lugu 9:18

Ndɔ kára bèe Jeju ɔr njékwakiláje ɔm dee gée’g sa sə dee rəa aw gə mba ra tamaji ta Ala’g. Ndá yeḛ un ta dəji dee pana: Ma lé see dəwje pata ɗi ɓa dɔm’g wa. See deḛ pana: Ma m’to gə́ dəw gə́ banwa.

Lugu 9:30

Aa ooje, dəwje joo d’aar səa d’aar d’wɔji səa ta, to Moyis gə Eli,

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Néra Njékaḭkulaje 6:15

Dəwje lai gə́ d’isi loo-gaŋg-rəwta’g lə Jibje lé loo gə́ d’orè kəm dee dɔ Etien’g sḭ ndá d’oo kəmee to jəgəgə to gə́ ka̰ dəw gə́ dara bèe.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.