Lugu 9:23 - Maktub gə́ To gə Kəmee

²³ Tɔɓəi yeḛ ula dee gə gel dee ɓɔgədɔ pana: Ɓó lé nana ɓa gə́ ndigi kun rəw goom’g ndá maji karee mbad rəa-yeḛ nja piriŋ un ne kag-dəs ləa gə ndəa-ndəa, ɓó gə un ne rəw goom’g.

Lugu 9:23 ပူးပေါင်းရင်းမြစ်များ

Njé gə́ Rɔmə 8:13

Tɔgərɔ ya, ɓó lé seḭ sije kəmba gə mba darɔ ndá seḭ a kwəije ne. Nɛ ɓó lé seḭ ndolèje goo Ndil, tɔlje ne néra lə darɔ ndá seḭ a sije ne gə kəmə lé ya.

Njé gə́ Kolosə 3:5

Bèe ndá arje mal néje gə́ ra sí gə́ wɔji dɔ naŋg neelé wəi mburug rɔ sí’g, yee ɓa to mɔdkaiya ləm, gə kəmnda ləm, gə mal néje gə́ ula pər meḛ sí’g ləma, gə mwəiyoolar gə́ to gə́ magəpole lə dəwje lé ləm tɔ.

2 Timote 3:12

Tɔgərɔ ya, dəwje lai gə́ ndigi ra ɓee gin Kristi’g təd ne kag Ala ndá d’a kula kəm dee ndòo ya.

Titə 2:12

Noji neelé ndɔ sí mba kar sí mbad néje gə́ aw gə goo ka̰ meenda lə Ala lé el ləm, gə mbad mal néje gə́ ra dəwje ləm tɔ. Yee ndoo sí mba kar sí j’isi mbuna dəwje gə́ dɔ naŋg nee ɓasinè lé j’unda ne kəmkàr dɔ rɔ sí’g ləm, n’ra ne né gə́ to gə dɔ najee ləma, gə n’ra ne né gə́ to gə goo ka̰ meenda lə Ala lé ləm tɔ.

Ǝbrəje 13:13

Ar sí n’teḛje j’awje rəa’g gir loo gə́ raga n’taaje ne rɔkul ləa j’odoje.