Lugu 9:20 - Maktub gə́ To gə Kəmee

²⁰ Yen ŋga yeḛ tel dəji dee-deḛ nja pana, ŋga see seḭ yḛ̀ pajena ma m’to gə́ na̰ to ŋga wa. Piɛrə ḭ ilá keneŋ pana: I to Kristi ka̰ Ala lé nja.

Lugu 9:20 ပူးပေါင်းရင်းမြစ်များ

Matiyo 22:42

See yeḛ lé to gə́ ŋgon nawa. Deḛ tel d’ilá keneŋ pana: Yeḛ to ŋgon Dabid ya.

Matiyo 26:63

Jeju ila təa maree’g ndag ya si. Ŋgɔ-njekinjanéməs lé un ta ulá pana: Ma mani gə ri Ala gə́ njesikəmba, ɓó lé i to Kristi, Ŋgon-Ala lé nja ndá ula sí woḭ.

Matiyo 5:47

Ɓó lé ŋgako̰ síje ya gə kar dee ba ɓa seḭ ra deeje lapia ndá see to néra gə́ al dɔ loo mba̰ ɓa nee wa. See njépole-magəje kara ra togə́bè el wa.

Mark 14:61

Jeju ila təa maree’g ndaŋg si, ar təa teḛ ja̰ el. Ŋgɔ-njekinjanéməs tel dəjee tɔɓəi pana: See i to Kristi, Ŋgon-Ala gə́ kəm pidee lé wa.

Mark 8:29

Jeju tel dəji dee-deḛ nja pana: Ŋga see seḭ yḛ̀ seḭ paje ka̰ sí-seḭ ban dɔm’g to wa. See ma m’to gə́ na̰ ɓəi wa. Piɛrə ilá keneŋ pana: I lé to Kristi ya.

Lugu 22:67

Deḛ pana: Ɓó lé i to gə́ Kristi nja ndá ula sí təsərə. Jeju tel ila dee keneŋ pana: Ɓó lé m’ula sí kara seḭ a taaje ta ləm el,

Lugu 9:19

Deḛ d’ilá keneŋ pana: I to Ja̰ Njera-batɛm. Njé gə́ raŋg pana: I to Eli. Njé gə́ raŋg pana: I to gə́ njetegginta gə́ kára gə́ mbuna mareeje gə́ ləw lé ɓa unda loo teḛ dan njé gə́ d’wəi’g.

Tagə́maji gə́ Ja̰ ndang 1:41

Yeḛ dar ŋgokea̰ Simo̰ Piɛrə bus ulá pana: Jeḛ j’iŋga Mesi (gə́ ɓaree Kristi lé) mba̰.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

Tagə́maji gə́ Ja̰ ndang 11:27

Martə tel ndigi təa’g pana: Oiyo Mbaidɔmbaije, ma m’ɔm məəm dɔi’g to gə́ i to Kristi, Ŋgon-Ala lé gə́ a gə ree dɔ naŋg neelé nja.

Tagə́maji gə́ Ja̰ ndang 20:31

Nɛ ta néje neelé deḛ ndaŋg keneŋ gə mba kar sí ɔmje ne meḛ sí dɔ Jeju’g to gə́ yeḛ to Kristi, Ŋgon-Ala lé tɔ. Ɓó lé seḭ ɔmje meḛ sí dəa’g ndá mbɔl dɔ ria ɓa seḭ a sije ne gə kəmə lé tɔ.

Tagə́maji gə́ Ja̰ ndang 4:29

Gə́ reeje ooje dəw kára gə́ teggin néram gə́ m’ra ləw saar ɓasinè lé. See yeḛ a to gə́ Kristi lé el wa.

Tagə́maji gə́ Ja̰ ndang 4:42

Deḛ d’ula dené lé pana: Jeḛ j’ɔm meḛ sí dəa’g gə mba tapai ɓa goo kára ba el, mbata jeḛ nja jeḛ j’oo ta ləa gə mbi sí, yee ɓa jeḛ n’gər gao, yeḛ to Njekaji dəwje gə́ dɔ naŋg nee lai-lai ya.

Tagə́maji gə́ Ja̰ ndang 7:41

Njé gə́ raŋg pana: Yeḛ to Kristi ya. Njé gə́ raŋg pana: See Galile ya Kristi a kḭ keneŋ wa.

Néra Njékaḭkulaje 17:3

Yeḛ ɔr ginta wɔji dee rəbee to gə́ némeeko̰ gə́ ra Kristi ləm, gə loo gə́ yeḛ unda ne loo teḛ dan njé gə́ d’wəi’g ləm tɔ lé to gə goo rəw gə́ maktub nee pa lé ya. Yeḛ ula dee pana: Jeju neelé gə́ m’ula sí ta ləa lé yeḛ nja to gə́ Kristi lé ya.

Néra Njékaḭkulaje 8:36

To gə́ d’isi d’aw rəbee bèe-bèe ndá deḛ teḛ dɔ mán’g təsərə ar njekuji dəjee pana: Aa oo mán ya to nee, ŋga see ɗi ɓa a kɔgi ram batɛm ɓəi wa.

Néra Njékaḭkulaje 9:22

Nɛ siŋga Sool ḭ dɔ maree’g gə́ kédé-kédé ar ta kɔr ləa gə́ ɔr ar dee d’oo to gə́ Jeju to Kristi lé dum dɔ Jibje gə́ d’isi Damas’g lé təs.

1 Ja̰ 5:1

Nana ɓa gə́ ɔm mée dɔ Jeju’g ée ne gə́ Kristi ndá debee neelé Ala nja ojee. Tɔɓəi nana ɓa gə́ unda ŋgon neelé dan kəmee’g ndá yeḛ unda njekoji ŋgon lé dan kəmee’g tɔ.