Lugu 9:18 - Maktub gə́ To gə Kəmee

¹⁸ Ndɔ kára bèe Jeju ɔr njékwakiláje ɔm dee gée’g sa sə dee rəa aw gə mba ra tamaji ta Ala’g. Ndá yeḛ un ta dəji dee pana: Ma lé see dəwje pata ɗi ɓa dɔm’g wa. See deḛ pana: Ma m’to gə́ dəw gə́ banwa.

Lugu 9:18 ပူးပေါင်းရင်းမြစ်များ

Matiyo 14:23

Loo gə́ yeḛ ɔm dee rəbə yəg mba̰ ndá yeḛ tuga dɔ mbal mba kaw ra tamaji lé gə karee ba. Kàr andə mba̰ nɛ yeḛ nja gə karee ba ɓa si.

Matiyo 26:36

Yen ŋga Jeju ɔr dee aw sə dee loo gə́ deḛ ɓaree Gesemane ndá yeḛ ula njékwakiláje lé pana: Loo gə́ m’a gə sa rɔm kaw ra tamaji ndá maji kar sí sije loo gə́ nee’g.

Lugu 11:1

Ndɔ kára bèe Jeju ra tamaji dəb loo gə́ kára. Loo gə́ yeḛ əw rəa ndá njekwakilá gə́ kára mbuna mareeje’g ulá pana: Mbaidɔmbaije, maji kari ndoo sí loo ra tamaji lé to gə́ Ja̰ ndoo ne njékea̰je bèe tɔ.

Lugu 3:21

Boo-dəwje lai lé d’ar Ja̰ ra dee batɛm mbad-mbad ləm, ra Jeju nja batɛm ləm tɔ. Loo gə́ Jeju aar ra tamaji lé ndá kəm dara teḛ wərərə

Lugu 6:12

Mee ndəa’g neelé Jeju ɔd aw dɔ mbal’g gə mba ra tamaji ta Ala’g ndá yeḛ ar keneŋ saar ar loo àr dəa’g təsərə.

Lugu 9:19

Deḛ d’ilá keneŋ pana: I to Ja̰ Njera-batɛm. Njé gə́ raŋg pana: I to Eli. Njé gə́ raŋg pana: I to gə́ njetegginta gə́ kára gə́ mbuna mareeje gə́ ləw lé ɓa unda loo teḛ dan njé gə́ d’wəi’g.

Lugu 9:28

Ndɔ aḭ jinaijoo gogo ndá Jeju ɔr Piɛrə gə Ja̰ gə Jak njɔl sa sə dee rəa aw sə dee dɔ mbal’g gə mba ra tamaji.

Lugu 9:29

Loo gə́ yeḛ si ra tamaji lé ndá kəmee tel ɓəd ləm, kubu ləa tel ndá ndogó jol-jol ləm tɔ.